Mitiyegec 4:3 - Deduamiti

³ Kebungo yengena enac tofoc tofohongic bic segereu yengena areng ande, ngeni imoc negembisia. Ni Kebu kpacba yeng ubaudumenna negenude.

Yoak kekehagocac Dzadzahac gboria nga Mitiyegec

³ kebungo yengena enac tofoc tofohongic bic segereu yengena areng ande, ngeni imoc negembisia. Ni kebu kpacba yeng ubaudumenna negenude.

Mitiyegec 4:3 ပူးပေါင်းရင်းမြစ်များ

Mitiyegec 31:23

Kebuac kpetiac ngicngac sasawa, ngeni ye songogoc hoanggebisia. Yeng ngicngac yeac yoac modacandae, yeni onggongyunuude. Ngic yeni yenanggac negenggec wiac engena anu angammeme hania hania angandae, imohai yeng turunga mangana efea kpac merengyemmeude.

Mitiyegec 34:15

Kebungo kiwa ngicngac dindingac yenearu fima kedzac kpema kiacngina negenude.

Mitiyegec 49:3

Enacnango negen negentegecac yoac debade nga herenango negen negengua mema wiac hania hania negentegecma kecbade.

Mitiyegec 50:5

Kpacyunuma yofi deude, “Ngicngacfocna yoac tofohoma kecandae, ngeni yeni kpedzucyunuma sueyunugec nearu hadacbisia. Yeneng neac hosuc heima sese ohoma nigoc dzadzahac megecac kpacyunuduae.”

Mitiyegec 56:9

Anutungo nigoc kecde, imoc negenduae. Yeng ni meficnuudeac kpacba imohai ngabafocna dzigenema woragecde.

Mitiyegec 6:8

Kebungo kedzac kpema neac kiac ubamangang bic negendacac manganameme ngic ngeni sasawango wanuma meickegec.

Mitiyegec 62:10

Ngeni hodzinnu wiac mema finacgoc anggecdeac mi negensibisia nga yarefaka amma finacnginagoc anggecdeac mi negensima sicsauc amma imocac tomai kecbisia. Ngeni dzofinacngina monggoc nga monggoc anu mekecgecdeu negen negengngina imohai mi faigec febeso.

Makekeng 33:16

Nga ge neac negenna ngereede imoc negembadeac edzacnunubesena. Ge bangectoa bangecac kicfu ni nga ngicngacfocga nenigoc kenna. Ifi anna ngicngacareng sasawa yofi negenggecde, neni siricnina mong andimbe.”

Yohane 15:16

Anu ngeni neac kpacfu wiac monggac kpesigec Manggacngo imoc ngemmeudeac amma neng meisingngunuai. Ngeneng ine ni mi meisinnugec, kpac. Meisingngunuma fora meficgegecdeac uau faingunuai. Nga ngeni kemma fora meficgebisia. Meficgegec fora imocngo fefeseri feengkefude.

Efeso 2:10

Nenang Anutuac marikibi nga Yesugoc kpeturanggema kecni Anutungo angammeme gombunga arenggema derecgenemmeec. Nga yeng areng imoc modacma kecnideac denemmeec.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

Tito 2:14

Anu Yesu Kristongo singyoac kpekpe arennunac yungecnunuudeac yengenaoc ngabafora maringinau faiemeec. Nga nenang yengena ngicngac amma kpetiac kecma ua gombunga mamangkima menideac faka imoc anec.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.

2 Petoro 2:9

Ngeni imoc hemma Kebuac sing yofi negenggecde, ngicngac Anutu eweheimima yeac enac tofohoandae, yeneac faitobang fingecyemmeu Kebungo imohacnac onggongyunuudeac kuha fede. Nga fakangina manganagoc kecandae, yeni ine witicamau faiyunuu tacmagec yoacfu faiyunuudeac nasoya habesande.