Mitiyegec 39:5 - Deduamiti

⁵ Negenna, ge uameme nasona faina neneng imoc maringo naric edzacyununi, imoc wegenac yombong ande. Kekecna imoc geac kicfu wiac wegenanec ande. Ngic tembuc tembuc neneac kekec imoc wiac engena kpac, geng asu naso mocgu heiannec, ifi isoc ande.” Selac

Yoak kekehagocac Dzadzahac gboria nga Mitiyegec

⁵ Negenna, ge uameme nasona faina neneng imoc maringo naric edzacyununi, imoc wegenac yombong ande. Kekecna imoc geac kicfu wiac wegenacnec ande. Ngic tembuc tembuc neneac kekec imoc wiac engena kpac, geng asu naso mocgu heiannec, ifi isoc ande.” Selac

Mitiyegec 39:5 ပူးပေါင်းရင်းမြစ်များ

Fingec fingec 47:9

Kpesimiu Yacakowngo yofi dema meremmiec, “Ni naso wegenanec bangecfu kecba kifana 130 ande nga dzoic kpendzenga ine homac. Mangesafocna yeneac kifangina neac ferahede amma yeni naso herea kecgec ni yeni isoc mi anduae.”

Mitiyegec 144:4

Bangecfu ngic neni ine wiac engena kpac. Ngic neneng asu naso mocgu taiandimbe, ifisac. Nga kekecnina imoc wenacfu onganinango hereande, ifi isoc ande.

Mitiyegec 39:11

Geng bangecngic kopocsicninaac amma yoac ngabasiric dema turunga merengnemmema kpemeting anemmeannec. Gisicngo wamba neande, ge ifi isoc songowiacnina nedacna kpac andarude. Foracngoc, ngicngac sasawa neni wiac engena kpac, geng naso mocgu asu heiannec, ifi isoc andimbe.” Selac

Mitiyegec 62:9

Ngic mamea yeni ngicngo asu naso mocgu heiandae, imoc wiac ifi. Ngic engena kecdae, yeni firang onga ikoha fifiu kpac angande, ifi isoc andae. Sigeriu faiyunugec yeni ebicngina kpac. Yeni efea yombong nga enacasuac ebic sigeriu yeneac ebic ferahede.

Mitiyegec 89:47

O Kebu, kekecna imoc wegenanecsac ande, imoc negenna febeso. Ge ngicac medacfora fainununa eng fingecma kpac annide.

Mitiyegec 90:12

Kekecnina uameme dafigucacsoc fede, imoc negensinideac wiac imoc kpounemmena. Ge ifi anna neni hereninango negen negentegecgoc anude.

Yakobo 4:14

Ngeneng wereckenuac siriha nga kekecngina dafi anude, imoc mong mi negendae. Kekecngina imoc hosuc isoc, naso wegenanecsac erema kpac anude.

2 Petoro 3:8

Songo tosofocna, ngeni ine wiac mocgu yomocac mi nigecngunubeso, Kebuac negen negennu uameme mocgu imoc kifa wan tauseng, ifi isoc. Nga kifa wan tauseng, imoc uameme mocgu, ifi isoc.