Mitiyegec 33:4 - Deduamiti

⁴ Kebuac yoacfu ikoc nga hamangec mong mi fede, kpac. Ye yoac dema imoc modacma uaya sasawa mekecma mesiude.

Yoak kekehagocac Dzadzahac gboria nga Mitiyegec

⁴ kebuac yoacfu ikoc nga hamangec mong mi fede, kpac. Ye yoac dema imoc modacma uaya sasawa mekecma mesiude.

Mitiyegec 33:4 ပူးပေါင်းရင်းမြစ်များ

Fingec fingec 24:27

“Kunenna Awrahamgac Anutu, Kebu ye dzadzahac modacande faka imoc mi waec nga yoac deec imoc modacma kunenna gombunga ammide ye kenehebeso. Yeng ni dindingac yombong wangecnuu kunennaac arengfora yeneac amau hasikedua.”

Mitiyegec 119:128

Ni imocac geac dederecgeyoac sasawa modacma imocac sing tikecma sing ikoha hania hania tibeso modzona tiude.

Mitiyegec 119:75

O Kebu, geac singyoac imoc dindingac nga gennoc yoac modac modac Kebu, imocac ebic meficgenennec, imoc negenduae.

Mitiyegec 12:6

Kebungo yoac deserima deec, imoc sasawa yoac kongaha nga seuha kpac. Ngic yeni silwa gerec gereagoc ohogec atac 7 anu bangecfu mama kongac koporarac anude. Kebungo yoac deserima deec, imoc ifi isoc ande.

Mitiyegec 19:8

Kebuac dederecgeyoac imoc dindingac amma sogac sogai hereninau meficgenemmeude. Amma Kebuac nonoyoac imoc kongaha amma kicnina mekperagiude.

Mitiyegec 25:10

Ngicngac Kebuac dzadzahac nga dedekperagiyoac modacandae, yeni Kebu hemma yofi negenggecde, ye yoac modac modac Kebu. Amma ye yoac dedzege amma imoc modackefude.

Mitiyegec 96:13

Kebungo hadeac amma yeac kicfu sogaibisia. Ye bangecfu desi desi ua meudeac hama bangec sasawa faka dindingacfu isingyunuma ngiha ngiha faka forau yoacngina desiude.

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.

Mika 2:7

Yacakowac esamedac ngeni yofi deandae, “Kebungo herebu mi anude, me? Nga yeng faka sasawa ifia naric anude, me?” “Damocngo faka dindingac angandae yenearu neac yoacngo faka gombunggac sing naric mi meficgeyemmeude, me?

Yohane 14:6

Kpesimiu Yesungo yofi deec, “Ninoc sing nga yoac fora amma kekec. Ngic mongngo nia kpacfu Manggacaru keng keng imocac sing mong mi fede.

Roma 7:12

Imocac yofi fede, dedeseriyoac imoc yengenaoc kpetiac nga nonoyoac ifingoc kpetiac nga dindingac amma gombunga.

Tito 1:2

Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.