Mitiyegec 32:7 - Deduamiti

⁷ Ge neac sufu sufuamana. Ebicngo memanubeso anu geng onggonnuna ebicngo naric mi memanganenuu geng sogac sogaiac aro kunengngo oronnunade. Selac

Yoak kekehagocac Dzadzahac gboria nga Mitiyegec

⁷ Ge neac sufu sufuama. Ebicngo memanubeso anu geng onggonnuna ebicngo naric mi memanganenuu geng sogac sogaiac aro kunengngo oronnunade. Selac

Mitiyegec 32:7 ပူးပေါင်းရင်းမြစ်များ

Mitiyegec 119:114

Ge sufu sufuamana nga kasona nga ni geac yoac negensiba fora fingerudeac tomai kecbade.

Mitiyegec 143:9

O Kebu, ni worama geac hoannu sufubadeac hadua. Ge ngabafocna yeneac mariunac yungecnuna.

Mitiyegec 18:5

Nga homecamaac witicngo fusenuu homecac botacngo sinna hedzickegec.

Mitiyegec 27:5

Ye ebicnasou yengena oda manau onggonnuude. Ye kporucwomongau mesufunuma wi hoc peperandzi seriau fainuu gombunga kecbade.

Mitiyegec 31:20

Ge kasonina anna ngicngac yeneng memanganenunugecdeac arenggegec geng mesufununuannec. Ge kasonina amma hoannununa ngic mangana yeneac yoac manganango naric mi memanganenunuude.

Mitiyegec 32:10

Ngicngac Anutu ngadehema mangana megecdeac ayemmeande, yeni ebic homac meficgema mayunuude. Nga ngicngac yeni Kebu negenserima kecgec Kebungo yoac dedzege amma imoc modarude. Nga yeac faka imocngo orongyunuude.

Mitiyegec 40:3

Ye yegec gboria enacnau faiu heianduae, imoc Anutuninaac dedengerecyegec. Ngicngac homacngo imoc hemma Kebu eweheihei ammima ye negenserima kecgecde.

Mitiyegec 5:12

Kebu, geng ngic dindingac kenehema gombunga ammina imocngo mariku isoc kasoya anude.

Mitiyegec 9:9

Ngicngac goa yeneng ngic ogofocngina ebic meficgeyemmegec ubaebicnginagoc kecgec, yeneac sufu sufuamangina seria, imoc Kebunoc. Naso mangana hau yeng amangina seria anu ihai sufugecde.

Mitiyegec 91:1

Anutu Engenatoango ngic mong garenggema mesufuu yeng Kuctoa minginaac debannu kecnegeng kecande,

Mitiyegec 98:1

Kebungo faka kuhagoc nga bibiagoc meu yegec gboria heimibesonga. Ye marifoia nga fuaya kpetiac sinema ngabafora feracyunuma firang anec.

Kolosai 3:3

Ngeni bic Kristogoc homegec kekecngina yegoc Anutuaru sufuu, ngeni yeac hoannu kecdae.

Yohaneac kpefing 7:10

Namma yofi dema kunengngoc arohogec, “Anutunina ngictau tatacfu tacde nga ramamedaha yeri memengerec mingina.”