Mitiyegec 32:6 - Deduamiti

⁶ Anutuac enac tofoc tofohongic yeni ebic fingecyemmeu yeneng gearu numubisia. Numugec ebic kuneng me doku tunggbaungngo naric mi kpesereyunuude.

Yoak kekehagocac Dzadzahac gboria nga Mitiyegec

⁶ Anutuac enac tofoc tofohongic yeni ebic fingecyemmeu yeneng gearu numubisia. Numugec ebic kuneng me doku tunggbaungngo naric mi kpesereyunuude.

Mitiyegec 32:6 ပူးပေါင်းရင်းမြစ်များ

Mitiyegec 144:7

Ge wi tacma mariga sinema menuma doku tunggbaung kucnginagoc hakecdae, imohacnac mesinuna. Ge kuricngic yeneac mariunac mesinuna.

Mitiyegec 4:3

Kebungo yengena enac tofoc tofohongic bic segereu yengena areng ande, ngeni imoc negembisia. Ni Kebu kpacba yeng ubaudumenna negenude.

Mitiyegec 40:3

Ye yegec gboria enacnau faiu heianduae, imoc Anutuninaac dedengerecyegec. Ngicngac homacngo imoc hemma Kebu eweheihei ammima ye negenserima kecgecde.

Mitiyegec 42:7

Ni ubana ebirima yofi isoc ande, geac dokudundung yeni kpeborongtoa kpemagec dzohong mongngo dzohong ogea kparu geac kondungsiri yeni kucgoc hama semenudau.

Mitiyegec 91:7

Ngic tauseng yeneng hoanggau namma homegec ten tauseng yeneng foigaugeng namma homegecdeu wiac mangana mongngo gearu naric mi fingerude.

Yohane 7:34

Ngeni ni hofocnubibiema naric mi meficnugecde nga ni kembade, imohai ngeni naric mi hagecde.”

2 Korinti 1:4

Nenang ebic sasawau kecni yeng meserinunuande. Imocngo meefainunuu nenang yeac memeseri mema ngicngac ebicnginagoc yenearu kemma meseriyununide.

2 Korinti 6:2

Anutungo imocac yofi deec, “Nasokereng anu ni kedzac kpema nunumuga negenai. Amma ni noc nasou ebicfunac mesigubadeac imocac isinggema meficguai.” (Yes 49:8) Negenggec, yagucngoc nasokereng ande nga ye yofinenggac ebicfunac mesinunuude.

1 Timoteo 1:16

Ifi kecbare, ye modzotitia kpac fakaya imoc didiu fingectegerudeac wosoefaha kpenenec. Ifi anenu ngic yeneng negensinggema kekecseri megecdeac sosoha amma waraiyemmeai.

Tito 2:12

Ye nga memengerecnina Yesu Kristo, yereng kuc nga kibikperagiau hama fingectegerecde, imocac amma kenehaac tomai kecdimbe. Ifi kecmina Anutuac wosoefacngo metinnunuu yofinenggac bangectoa bangec yomocac faka nga songo ngadehema kekecnina garenggema sing dindingac modacma Anutu eweheimima kecdimbe.