Mitiyegec 30:2 - Deduamiti

² O Kebu, Anutuna, ni gearu memeficac kiacma numuba geng mengerenunec.

Yoak kekehagocac Dzadzahac gboria nga Mitiyegec

² O kebu, Anutuna, ni gearu memeficac kiacma numuba geng mengerenunec.

Mitiyegec 30:2 ပူးပေါင်းရင်းမြစ်များ

Fingec fingec 20:17

Kebungo Awraham enema Saraac amma Awimelecac enema nga ameau ngac kecdacgec yeni momoc sasawa kufing andacgecdeac negengyemmeec. Ifi anggec Awraham ye numumiu Anutungo Awimelecac enema nga wanacngacfora yeni monggoc kogoc megecdeac mengereyunuec.

Mitiyegec 118:18

Kebungo kopocsicnaac amma kpemeting ebirangoc anenec, fora. Nga homecac mariu mong mi fainuec.

Mitiyegec 145:1

Anutu ngictauna, ni afeguma geac kpac kuneng nasoya nasoya kenehekecbade.

Mitiyegec 147:3

Ngicngac herenginau ebic mema manganeyombonggeu yeng mengereyunuma kubecngina sangohoude.

Mitiyegec 35:24

O Kebu Anutuna, ngabafocna yeneng dedzomoc anembauac fakaga dindingac modacma nanggenuna yoacfu firang ambesare.

Mitiyegec 41:12

Ni dindingac kecma kopocsic mong mi meficgeaiac geng nanggenuma geac hoannu fainuna ni imohai nasosoc kecbade.

Mitiyegec 51:8

Ge negemmana ni sogac sogai nga ubangerec negembesare. Geng sicna kpedzamenec nga ge negemmana yeni monggoc sogaibisia.

Mitiyegec 6:2

O Kebu, ni kucna kpac anu homebeso anduae nga kengec amma dzononna fededeac neac ubaga manganeu sebina mengerena.

Mitiyegec 88:13

O Kebu, ni sifu asoac anu memeficac kiacgemma arohoma gearu nunumuna faiba haude.

Makekeng 15:26

Anu yofi deec, “Ge Kebu Anutugaac ubaudumeng negemma kecnadeu nga yeng negenu faka dindingac andacde, imoc angkecnadeu amma yeng dederecgeyoac edeguu ge kedzac kpema faka imoc tofohonadeu amma singseria sasawa tofohonadeu yofi negemma kecbesena, ni Kebu geac memengerec, imocac amma hafei hania hania deba aigitangicngac ayemmeec, hafei imocfia ebihagoc geac witiu faiba mi enude.”