Mitiyegec 3:8 - Deduamiti

⁸ Kebu ye ebic mesi mesi mingina. Kebu, ge ngicngacfocga kenecnununa. Selac

Yoak kekehagocac Dzadzahac gboria nga Mitiyegec

⁸ kebu ye ebic mesi mesi mingina. Kebu, ge ngicngacfocga kenecnununa. Selac

Mitiyegec 3:8 ပူးပေါင်းရင်းမြစ်များ

Mitiyegec 119:94

Ni geac ngic nga dederecgeyoacga meficgebadeac ua mekefaiac ebicfunac mesinuna.

Mitiyegec 29:11

Kebungo ngicngacfora kuc nemmema kenecnunuu ruaegoc kecbisina.

Mitiyegec 31:16

Ni geac kingang ngicga, imocac kicmesugango nerarannuna. Geng yoac dedzege amma imoc modackecnecac ebicfunac mesinuna.

Mitiyegec 58:7

Geng sueyununa yeni dokungo worama kengande, ifi isoc kembisia. Nga ngicngac yeneng kpindzing tidzamegec moronggeande, yeneng ifi isoc ge negemmana ngic Anutu ngadehema mangana megecdeac ayemmede, yeni tidzameyunubisia.

Mitiyegec 72:17

Ngictauac kpac kuneng imoc nasoya nasoya feengkecbeso. Wenacngo tatacseri takecde, ifi isoc yeac kpac kuneng deyadigec nasoya nasoya fekecbeso. Yeng bangec monnunac ngicngac sing meficgeyemmeu yeni kenecnginagoc amma yofi debisia, “Ye kenehagoc.”

Mitiyegec 9:20

O Kebu, geng kengec meficgeyemmena. Ngicngac bangec monnunac yeni bangecngicsac andae, imoc edzacyununa hemma negembisia. Selac

Yona 2:9

Ni ine ubaudumeng kunengngoc dangge edegubade. Ni sese gembade. Ni yoac deserigemma deduae imoc dedena modacma faima mesibade. Ebicfunac mesi mesi imoc Kebu ge mocgusac.”

Bangec kisiu 10:35

Anu yeni efaima katapa mekenggecsoc Mosengo yofi dekefec, “O Kebu! Ge yacma ngabafocga yeni fakaga ayemmena singsararang kpebisia. Ge ngadegudae yeni kengec amma kicgaunac worabisia.”

Aposoro 3:26

Ngeneacnoc bic negensima Anutungo medaha sueu mama fingerec, imoc ngeni sasawa kpenggodzuac sinnunac merengngunudacma kenecngunuudeac ifinoc anec.”

Aposoro 4:12

Ngic monggaru kpeketahegec yeng kopocsicac ebicfunac naric mi mesiyunuude, komoc kpegecdeac sing mong mi fede, kpac. Bangeha bangeha nenang Yesuac kpacfu kecni yeng kopocsicac ebicfunac mesinunuu komoc kpenide.”

Efeso 1:3

Nenang Kebunina Yesu Kristo, yeac Anutu Manggac kenehebisina. Kristogoc kpeturanggema kecdimbeac amma yeng kurumenggac kenec Asuac arennu fedacde, imoc sasawa nemmeec.

Hebiraio 6:14

“Foracngoc, ni kenecgubade anu fingecsahega sahebesande.” (Fing 22:16-17)

1 Petoro 3:9

Ngicngac yeni mangana angemmegec ngeni turunga manganangoc mi merengyemmebisia nga yeni desofoc angemmegec ngeni turunga desofocngoc mi ayemmebisia, kpac. Ngeni eucererenggac kenec imoc megecdeac kpacngunungunuya, imocac yeni ifingoc kenecyoac edeyunubisia.

Yohaneac kpefing 19:1

Imocac ngadeau kurumennu areng kuneng yombong ubaudumeng isoc negemba yofi degec, “Halleluya, memengerec nga kuc kibikperagiagoc, imocngo Anutuninaac ande.

Yohaneac kpefing 7:10

Namma yofi dema kunengngoc arohogec, “Anutunina ngictau tatacfu tacde nga ramamedaha yeri memengerec mingina.”