Mitiyegec 29:3 - Deduamiti

³ Kebuac ubaudumeng imoc doku witinginau fingerude. Anutu kuc nga kibikperagia minginango kondungtoa witiau gbururung amma heiude.

Yoak kekehagocac Dzadzahac gboria nga Mitiyegec

³ kebuac ubaudumeng imoc doku witinginau fingerude. Anutu kuc nga kibikperagia minginango kondungtoa witiau gbururung amma heiude.

Mitiyegec 29:3 ပူးပေါင်းရင်းမြစ်များ

Mitiyegec 104:3

Ge ama managaac kpete doku witiau mena hoeng imoc geac keretac anu geng firanggac kpegang mema witiau tacma kisanna firangngo meguma kenude.

Makekeng 19:16

Anu wenac uameme kpete harebecac asoacfu piratac heiu ginggbururung heima femanu hoeng kundung dzicnambacngo mama tiki hedzidzickema feu trampettoa mong kunengngoc yombong arohou ngicngac sasawa kporucamabangecfu kecgec, yeni kengec anggec dzonongngina fedeec.

Makekeng 9:28

Anutuac gbumparandang nga aisgbomea feracnunuyombonggedeac ngeri Kebu numumiec. Numumiec ine faingunuba naric kenggecde. Ngeni yei naso ukuma torokpema mi kecbisia.”

Makekeng 9:33

Anu Mose ye Pareco nga taong wayuruma kemma maria Kebuaru miaru gbumparandang nga kia aisgbomeagoc kpac ammategeru kiatungbaung bangecfu dzikeec.

Yohane 12:29

Yoac ifi fingecmanu ngicngac habutoa nanggec, yeneng udumeng imoc negemma degec, “Parandangngo heide.” Nga toseango ine degec, “Angero mongngo yegoc yoac dede.”

Aposoro 7:2

Ifi deu Stefanongo yofi deec, “Mangfocna nga sactosofocna, yoac deba negenggec: Kisicnina Abrahang ye Harang taonnu mi kemma Mesopotamia bangecfu kecmanu Anutu kuc nga kibikperagi mingina, yennoc fingecmima yofi edeec,

Yohaneac kpefing 11:19

Anu kurumennu Anutuac womonggac naguya megec yeac dzadzahacac katapa kicnginango henggec. Hemmagec piratac heiu udumengtoa nga gbururungtoa heiec amma usoc meu nomang gbomeatoa maec.

Yohaneac kpefing 16:18

Ifi deu piratac nga udumeng amma gbururung fingeru, usoctoa meec. Nga ngicngac bangecfu keceregec, imohai usoc kunengtoa nga engenayombong ifia mong mi meec.

Yohaneac kpefing 19:6

Ifi deu udumeng mong negemba, imoc areng kuneng yeneac enacudumeng isoc anec. Imoc doku homac yeneac udumeng nga gbururungtoaac udumengtoa isocngo yofi degec, “Kebu Anutunina kuctoa minginango ngictau bic amma kecde, halleluya.

Yohaneac kpefing 4:5

Ifi yenembare piratac nga udumengtoa amma gbumparandang ngictau tatacfunac fingerec. Ngictau tatacac kiwau kifa 7 dzetacgec, imoc Anutuac Asu 7.

Yohaneac kpefing 8:5

Enu angero ye sokohango arataunac gerec fiu wakeu bangecfu ukuec. Ukuu gbumparandang nga udumengtoa amma piratac homac fingeru usoc meec.