Mitiyegec 28:7 - Deduamiti

⁷ Kebu ye kucna nga kasona anu herenango ye negenserima kefude. Ye meficnuu herenango sogaiu ubangerecac yegec heimibade.

Yoak kekehagocac Dzadzahac gboria nga Mitiyegec

⁷ kebu ye kucna nga kasona anu herenango ye negenserima kefude. Ye meficnuu herenango sogaiu ubangerecac yegec heimibade.

Mitiyegec 28:7 ပူးပေါင်းရင်းမြစ်များ

Fingec fingec 15:1

Imocac ngadeau Kebuac yoac Awranggaru kpefing isoc hau yofi henec, “Awram, ge kengec mi anna, kasoga imoc ni nga ni bungga homac monggoc gembade.”

Mitiyegec 13:5

Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

Mitiyegec 13:6

Kebungo gombunga anengandeac yegec heimibade.

Mitiyegec 19:14

Nga enacbibicnaunac yoac nga negen negeng herenau fede, imoc geng negenna ngereebeso. O Kebu, gennoc neac hoc peperandzi seria nga ge bummenuma ebicfunac mesinunec.

Mitiyegec 21:1

O Kebu, ge kucgagoc, imocac ngictau ye geac ubangerec negenude. Nga geng ye meficgekecnecac ye firang amma homac yombong sogaima kecde.

Mitiyegec 22:4

Bangecfocnina yeni warac negenseriguma kecgec. O, yeneng negenserigugec geng ebicfunac mesiyununec.

Mitiyegec 28:8

Kebu ye ngicngacfora yeneac kucngina. Ye ngiha meisinggema kerec nadzimima yeac sufu sufuamea amma ebicfunac mesiude.

Mitiyegec 3:3

O Kebu, gennoc oronnuma kasona annec. Geng kuc nga kibikpergiagoc ambadeac anengkecma orucna memiacma meserinukecnec.

Mitiyegec 3:4

Ni kebuaru seria kiacba yeng kpetiac tikiyau tacma yoacna turunga merennenude. Selac

Mitiyegec 33:21

Neni yeac kpara kpetiac negenserima kecnideac hereninango yearu sogaima kecde.

Mitiyegec 37:39

Kebungo ngic dindingac ebicfunac mesiyunuma ebicnasou yeneac sufu sufuamangina anu ihai sufuma kecgecde.

Mitiyegec 40:3

Ye yegec gboria enacnau faiu heianduae, imoc Anutuninaac dedengerecyegec. Ngicngac homacngo imoc hemma Kebu eweheihei ammima ye negenserima kecgecde.

Mitiyegec 43:2

Anutu, ni geac hoannu hama sufuma kecba ge nocac ngadenuma wanunec. Ngabafocna yeni ebicfu fainugec ubaebicgoc kecduae, imoc fingecnendeac titiha mi negentegecduae.

Mitiyegec 46:1

Anutu ye sufu sufuamanina nga kucnina. Ye ebicnasou nenigoc nasosoc kecma meficnunuude.

Mitiyegec 46:2

Imocac kengec naric mi annide. Bangec kpemindzaheudeu me tiki kondung keme kemeau turic turic anggecdeu

Mitiyegec 69:30

Ni Anutuac kpac kuneng yegecfu yaiyo kpemima ubangerec memima afeheba

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mitiyegec 91:4

Ye kpegang dzoeango kperacguu geng yeac kpeganga bageau sufuma kecnade. Ye yoac modac modac Kebu nga fakaya imocngo geac kasoga amma odaga seria ande.

Efeso 6:10

Desima deba, ngeni Kebuaru heiserigec kuctoayango ngenearu ferecgema feu kucgoc kecbisia.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.