Mitiyegec 27:6 - Deduamiti

⁶ Ye orucna miaru ngabafocna oronnudae, yeni feracyunuma wi namma yenembade. Ni sogaima ubangerec negemma Anutu womongau sese faimima sogac sogaiac yegec heima Kebu yaiyo kpemibade.

Yoak kekehagocac Dzadzahac gboria nga Mitiyegec

⁶ Ye orucna miaru ngabafocna oronnudae, yeni feracyunuma wi namma yenembade. Ni sogaima ubangerec negemma Anutu womongau sese faimima sogac sogaiac yegec heima kebu yaiyo kpemibade.

Mitiyegec 27:6 ပူးပေါင်းရင်းမြစ်များ

Fingec fingec 40:13

Uameme harebec wisickeu Parecongo orucga miacma uagau monggoc faiguude nga ge warac wainggareng enara kecma Parecoac kpakenec mariau faikecnec ifingoc monggoc amma kecnade.

Fingec fingec 40:20

Anu uameme harebec wisickeu Parecoac fingec fingecnaso anu enac tofoc tofohofora sasawa yeneac yakatoa ohoma deu enacurec negec. Ye enac tofoc tofohofora yeneac botucfunac wainggareng yeneac enaratoa nga icsogong oho ohongic yeneac enaratoa yereac orucngira miacma yofi anec.

Mitiyegec 107:22

Yeni ubangerecac sese ohoma yeng uaya sasawa mekecde, imocac oyang boyang memima imoc ngicngac edeyunubisia.

Mitiyegec 110:7

Ye sing tegiau doku mahama feu hemma neudeac oruha miacma kuhagoc nambesande.

Mitiyegec 119:108

O Kebu, ni efaima enacnango dedengerec sese megenduae, imocac negenna ngereebeso. Ge dederecgeyoacga kpounendacna negen negeng imoc arenggema mekecbade.

Mitiyegec 138:5

Kebuac kuc nga kibikperagitoa, imoc wiac engena. Yeni imocac Kebuac sing fekende, imocac yegec heigecde.

Mitiyegec 21:1

O Kebu, ge kucgagoc, imocac ngictau ye geac ubangerec negenude. Nga geng ye meficgekecnecac ye firang amma homac yombong sogaima kecde.

Mitiyegec 21:13

O Kebu kuctoagagoc, neni afeguma kuctoaga afehema yegec heinide.

Mitiyegec 3:3

O Kebu, gennoc oronnuma kasona annec. Geng kuc nga kibikpergiagoc ambadeac anengkecma orucna memiacma meserinukecnec.

Mitiyegec 3:4

Ni kebuaru seria kiacba yeng kpetiac tikiyau tacma yoacna turunga merennenude. Selac

Mitiyegec 47:1

Ngiha ngiha sasawa, ngeni mari kpema Anutuac yegec sogac sogaigoc dendzerenggema heimibisia.

Mitiyegec 57:8

Ubaongana ge negengboribesena. Gitakurere ngeni gboribisia. Ni ama negemma yegec heima amabangecac kperagi midibade.

Mitiyegec 81:1

Anutu ye kucnina. Ngeni dendzerenggema yegec heimima Yacakowac Anutu sogac sogaigoc arohoma oheha memibisia.

Mitiyegec 95:1

Hagec, Kebuac yegec heima oeha memini. Ye hoc peperandzi serinina nga memengerecnina. Nenang sogaima yeac yegec dendzerenggema heima

Dzekarya 9:9

O Tsionggac ngicngac ngeni sogac sogai kuneng yombong anggec. Amma Yerusalaimgac ngicngac ngeni arohoma horianggegec. Henggec, ngictaunginango ngenearu habesande. Ye dindingacngo firang amma komoc kpengunubesande. Ye donggi witiau tacdenoc. Ye donggi medahau hade nga ye fakaya memaemeemea.

Hebiraio 13:15

Imocac nenang Yesuac kpacfu Anutu nasosoc dedengerec ammini, imocngo sese fora ambeso. Enacbibicninango kpara dekperagikecma fora meficgebisina.

1 Petoro 2:5

Nga ngeni ifingoc hoc kekehagoc yeac siric andae. Nga Anutungo asu ama mengunuande. Mengunuu ngeni yengena womonggareng kpetiac amma Asuac sinnu sese faigecde, imoc Yesuac amma Anutungo henu ngereeude.

Yohaneac kpefing 15:3

Menamma yeni Anutuac wanacngiha Mose nga ramamedaha, yereac yegec yofi dema heigec, “Kebu Anutu Kuctoa mingina, angammemega imoc engena nga bibiagoc nga ge bangeha bangeha yeneac ngictau. Geac sing imoc dindingac nga fora.

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.