Mitiyegec 26:1 - Deduamiti

¹ O Kebu, ni dindingac kecma kopocsic mong mi meficgeaiac nanggenuna yoacfu firang ambesare. Ni seria namma Kebu negenserima kecanduae.

Yoak kekehagocac Dzadzahac gboria nga Mitiyegec

¹ O kebu, ni dindingac kecma kopocsic mong mi meficgeaiac nanggenuna yoacfu firang ambesare. Ni seria namma kebu negenserima kecanduae.

Mitiyegec 26:1 ပူးပေါင်းရင်းမြစ်များ

Mitiyegec 121:3

Kebu genggareng anggengkecde, yeng gau mi feude, kpac. Ye haniga garenggeu seria nanu wiac mongngo meu goroc goroc naric mi anude.

Mitiyegec 15:2

Ngic mong ye faka angammemeau kopocsic mong mi meficgeude nga mong ye faka gombunga angkecma hereaunac yoac fora ereu deude, yeng ihai naric kefude.

Mitiyegec 21:7

Ngictau ye Kebu negenserima kecde. Kebu Engenatoango yoac dedzege amma imoc modacma kecandeac wiac mongngo ngictau meu goroc goroc naric mi anude.

Mitiyegec 25:2

O Anutuna, ni negenseriguma kecduae. Ngic yeneng game kpekpeu fainubauac geng kpae heiyemmena. Ngabafocna yeneng ebicnaac sogaima dedzomoc anembauac kpae heiyemmena.

Mitiyegec 25:21

Ni geac tomai kecduaeac dindingac kecma kopocsic mong mi meficgeanduae amma ikoc nga hamangecna kpac kecanduaeac faka imocngo onggonnubeso.

Mitiyegec 26:11

Ni neannaoc dindingac kecma kopocsic mong mi meficgekefai. Ge imocac wosoefac anemma ebicfunac mesinuna.

Mitiyegec 28:7

Kebu ye kucna nga kasona anu herenango ye negenserima kefude. Ye meficnuu herenango sogaiu ubangerecac yegec heimibade.

Mitiyegec 31:14

O Kebu, ni negenseriguma yoac yofi deba, “Ge Anutuna.”

Mitiyegec 35:24

O Kebu Anutuna, ngabafocna yeneng dedzomoc anembauac fakaga dindingac modacma nanggenuna yoacfu firang ambesare.

Mitiyegec 37:31

Ye Kebuac dedeseriyoac ubahereau feu hania naric mi tiposockeude.

Mitiyegec 4:5

Ngeni sese sirihau meficgema faima Kebu negenserima kecbisia.

Mitiyegec 43:1

O Anutu, ngic Anutu wama kecandae, yeneng memanubauac geng nanggenuna firang ambesare. Ge ngic ikocnginagoc nga ngic faka dindingac mi modacandae, yeneac mariunac mesinuna.

Mitiyegec 54:1

O Anutu, ge kpac kunenggaac amma ebicfunac mesinuma kucgango onggonnuna ngic yeneac yoacfu firang ambesare.

Mitiyegec 62:2

Ye neac hoc peperandzi seria amma ebicfunac mesinuude. Ye amana seria anu mongngo menuu goroc goroc naric mi amba yeng naric mi meicnuude.

Mitiyegec 62:6

Yennoc neac hoc peperandzi seria amma ni ebicfunac mesinuude. Ye amana seria, imocac wiac mongngo menuu goroc goroc naric mi ambade.

Mitiyegec 7:8

Kebungo ngiha ngiha sasawa faka angammengina isinggedacma foraya deude. O Kebu, ni dindingac kecma kopocsic mong mi meficgeai. Ge imocac faka angammemena yoacfu isinggema foraya dena faka dindingac meficgenenna firang ambesare.

Mitiyegec 94:18

Ni yofi deai, “Hanina pososoc anu manubeso ande.” O Kebu, ni ifi debareng fakaga modacma yoac dedzege amma imoc modacma nanggenunec, imohai mi manuec.

2 Korinti 1:12

Ngicngac yeneac kicfu nga ngeneac kicfu amma Anutuac kicfu angammemenina gombunga nga kpetiac amma kongaha kecdimbe. Amma here negen negennina kpetiac bangec yomohai ifi kecma negenni engena angkecde. Nga uba eseaac negen negeng modacma botucnginau mi kecandimbe, kpac. Anutuac danggunucngo sing edzacnunuu kpetiac kekec kpetofohoma kecandimbe.

Hebiraio 10:23

Kebungo dedzegeac foraya nemmeudeac yoac deseriec, yeng dedea modarude. Nga imoc nenanggaru fingerudeac negenserima kecma deficgekecbisina.

1 Petoro 1:5

Ngeni negen negensinggoc kecmagec Anutu ye kuhagocngo garengngunuu naso wisic wisickeau komoc kpebesandae. Imoc fingerudeac efaima fede.

2 Petoro 1:10

Tosofocna, ngeni Anutungo bic kpacngunuma meisingngunuec, ngeni mamangkima kufung tigecdeu naric mi mangunuude.