Mitiyegec 25:2 - Deduamiti

² O Anutuna, ni negenseriguma kecduae. Ngic yeneng game kpekpeu fainubauac geng kpae heiyemmena. Ngabafocna yeneng ebicnaac sogaima dedzomoc anembauac kpae heiyemmena.

Yoak kekehagocac Dzadzahac gboria nga Mitiyegec

² O Anutuna, ni negenseriguma kecduae. Ngic yeneng game kpekpeu fainubauac geng kpae heiyemmebesena. Ngabafocna yeneng ebicnaac sogaima dedzomoc anembauac kpae heiyemmebesena.

Mitiyegec 25:2 ပူးပေါင်းရင်းမြစ်များ

Mitiyegec 13:5

Geng yoac dedzege amma imoc modackecnecac negenseriguma kecduae. Geng ebicfunac mesinunecac amma ni heregoc geac desogai angkecduae.

Mitiyegec 142:6

Ni memeficac obohoyombonggema kecma kiacduaeac kiacna negemma ngic nukporac anengandae, yenearunac yungecnuna. Yeni serima feracnudae.

Mitiyegec 18:2

Kebu ye neac hoc peperandzi seria, ye amana seria amma neac yungec yungecngic. Ye Anutuna nga neac hoc peperandzi seria anu ni yeac hoannu kemma sufuma kecbade. Ye kasona nga ye kuhagoc amma ebicfunac mesinuu yeac odaseriau kecbade.

Mitiyegec 22:1

Anutuna, Anutuna, ge ngadenuma wanudang, imoc naric mi ande. Ge neac hereau yombong kecma ebicfunac mi mesinunec, imoc mi ngereede. Ni asoring anenu kiacba ge nocac hereau namma yoacna mi negennec, ifi isoc ande.

Mitiyegec 22:5

Yeni kpacgugec geng ebicfunac mesiyununec. Yeni negenseriguma seria nanggec ubangina kuha mi maec.

Mitiyegec 22:8

“Ge ebicga Kebuac mariu fainecac yeng ebicfunac mesigubeso. Ye geac songo negendeac ebicfunac mesigubeso.”

Mitiyegec 31:1

O Kebu, ni gearu hama sufubeso anduae. Ngicngac yeneng game kpekpeu fainubauac kpae heiyemmedacna. Ge dindingac, imocac ebicfunac mesinuna.

Mitiyegec 31:15

Neac naso imoc geac mariu fede. Ge ngabafocna nukporac anendae, yeneac mariunac mesinuna.

Mitiyegec 31:2

Ge kedzacga nearu faima nearu bic hama ebicfunac mesinuna. Geng neac hoc peperandzi seria anna imohai hama sufubade. Ge amana seria amma ebicfunac mesinubesena.

Mitiyegec 34:8

Kebu gombunga, ngeni imocnoc tobanggema kicnginango hembisia. Ngic mong ye yeac hoannu kemma sufuma kecande, ye sogac sogaigoc kefude.

Mitiyegec 37:40

Kebungo meficyunuma ebicfunac mesiyunuude. Yeni yeac hoannu hama sufuma kecdaeac amma yeng ngic Anutu ngadehema mangana megecdeac ayemmeande, yeneac mariunac mesiyunuude.

Mitiyegec 41:11

Ngabafocna yeni firang amma mi memanugec, imocac yofi negenduae, ge neac negenna ngereede.

Mitiyegec 56:1

O Anutu, ngicngac yeneng ni mematiti anendae nga ngabafocna yeneng asoacnac kemma marai ebicfu fainugec ubaebicgoc kecduae. Ge imocac neac ubaga manganeu.

Mitiyegec 7:1

O Kebu, Anutuna, ni geac hoannu hama sufuduae. Ngic yeni sasawango kisannuma menubauac onggonnuma ebicfunac mesinuna.

Mitiyegec 71:1

O Kebu, ni geac hoannu hama sufuma kecbade. Ngic yeneng desofoc anembauac nasosoc kpae heiyemmekecma

Mitiyegec 91:2

ye Kebu edeude, “Ge sufu sufuamana nga amana seria, ge Anutuna nga ni negenseriguma kecduae.”

Mitiyegec 94:3

O Kebu, ngic Anutu ngadehema mangana megecdeac ayemmeande, yeni nasoherec bic kecgecac nasongina kpac anudeac tomai kecduae. Yeni naso herea bic kecma ngicngac yeneac ebicac amma sogaima kecandaeac nasona herecgena kpac ambeso.

Roma 10:11

Mitikibingo imocac yofi dede, “Mongngo ye negensinggeudeu, ye gamekpekpeu mi enude.” (Yes 28:16)

Roma 5:5

Ifi kecmina ubaninaac kuha naric mi maude. Nocac Tiri Asugoc anni Anutungo songoya ubahereninau kpakeec fede.

1 Petoro 2:6

Imocac mitikibiu yoac yofi oho ohoya fede, “Negenggec, ni hocwotung mong siriha engena imoc meisinggema Sionnu gununggebade. Ngic mongngo ye negensinggeude, ye gamekpekpeu naric mi enude nga embesande.” (Yes 28:16)