Mitiyegec 24:4 - Deduamiti

⁴ Mong ye maria nga herea kongaha kecande nga nemuonga mi afeheude amma ikoc mi amma yoac mong mi deserima deude,

Yoak kekehagocac Dzadzahac gboria nga Mitiyegec

⁴ Mong ye maria nga herea kongaha kecande nga nemuonga mi afeheude amma ikoc mi amma yoac mong mi deserima deude,

Mitiyegec 24:4 ပူးပေါင်းရင်းမြစ်များ

Fingec fingec 6:5

Kebungo bangecfu ngicngac yenenu yeni faka mangana homac meficgegec. Amma ubaherenginau negen negeng manganasac feu imocacsoc faka mangana nasosoc amma kecgec.

Mitiyegec 143:8

Ni negenseriguma yofi deba, “Geng yoac dedzege amma imoc modackecnec, ge asoacngoc imocac yoac edenubesena. Ubaongana gearu miacba ereudeac sing kpounenna ni imoc modacma kengkecbade.”

Mitiyegec 15:4

Ngic mong ye ngic mangana, yeneac modzea tiande nga ngicngac Kebu eweheiheigoc hoanggeandae, yeneac ewengina heiude. Nga mong ye yoara deserima modaru imocngo ebic homac meficgemiudeu imoc sifu modarude nga ye imocac negenu wiac engena mi anude, ngic imocngo Kebuac tiki kpetiacfu naric kefude.

Mitiyegec 18:20

Kebungo neac faka dindingac henec, imocacsoc faka gombunga anenec. Nga marinango faka kongaha angkefaiac ye imocac turunga merennemma wiac gombunga nenec.

Mitiyegec 25:1

O Kebuna, ubaongana miacma gearu faiba hade.

Mitiyegec 26:6

O Kebu, ni kopocsic mong mi meficgema marina dzuacba kongac kpeu arataga wegenacfu yerecgebade.

Mitiyegec 51:10

O Anutu, ge herena kongaha gboria meficgenemma asu gboria nga dindingac meficgema herena manau fainenna.

Mitiyegec 51:12

Ge ebicfunac mesinunecac sogac sogai monggoc mengere nemma enactofoc tofoho nga ogomeficac asu nemma nanggenuna.

Mitiyegec 73:1

Foracngoc, Anutungo Isracel areng faka gombunga ayemmeude. Ngicngac uba kongaha amma ikoc nga hamangecngina kpac kecandae, yeni faka gombunga ayemmeude.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

Mataio 5:8

Ngicngac ubangina kongaha kecandae, yeni kenecnginagoc, yeni Anutu henggecde.

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

Aposoro 15:9

Nenang negensinggeing, ifi isoc yeni negensinggegec Anutungo ubangina dzuarec.

2 Korinti 7:1

Songo tosofocna, Anutungo botucninau kefudeac deseriec, imocac nenang wiac sasawa ongaasunina nga ubasebinina heidzadzu kpekecde, imoc dzuacmengere amma kongaha ambisina. Amma Anutu eweheiheigoc hoanggekecma kpetiac kekec kecnideac ua hanaheing, imoc mesidacma yadiseri ambisina.

1 Timoteo 1:10

Amma yeni kaisero nga ngicngo ngicfu seroua meandae. Yeni ngicngac hamangec meyunuandae amma wanacngicngac bummeyunuma monggoc sueyunuandae. Amma yeni ine Anutuac kicfu yoac deserima ikocyoac dema ngicngac botucnginau ikocyoac deandae. Nga negen negeng dindingac kpoungemmeing, imoc ngicngac goa kpeandae. Dedeseriyoac imoc ngicngac ifia yeneac negemma faifaia fede.

1 Timoteo 2:8

Neac negen negeng nga songo yofi anu ngic ngeneac deduae, ngic guruama noboc noboc kecdae, ngeni ngaba nga deendema yoacngina wama maringina kpetiac miacma numubisia.

Yakobo 4:8

Anu ngeni Anutuac hoannu kenggec yeng ifingoc ngeneac wegenac haude. Manganameme ngic, ngeni maringina dzuacgec nga ngicngac ubayohocgoc kecdae, ngeni ubaherengina dzuacmengere anggec kpetiac anu.

Yohaneac kpefing 21:27

Amma wiac mong wonongagoc nga ngicngac angammemengina mangac manganea amma ikocnginagoc, yeneng taongtoa imocac manau naric mi enggecde, kpac. Ngicngac kpacngina ramamedahaac kekecac kibiu fede, yenengsac embesandae.