Mitiyegec 23:1 - Deduamiti

¹ Kebu ye neac gareng. Ramagarengngo ramafora garengyunuande, ye ifi isoc nenggareng anenu wiac monggac naric mi obohobade.

Yoak kekehagocac Dzadzahac gboria nga Mitiyegec

¹ kebu ye neac gareng. Ramagarengngo ramafora garengyunuande, ye ifi isoc nenggareng anenu wiac monggac naric mi obohobade.

Mitiyegec 23:1 ပူးပေါင်းရင်းမြစ်များ

Mitiyegec 34:11

O nambarac, ngeni yei hama yoacna negembisia. Ni Kebuac eweheiheigoc kekec kpoungemmebade.

Mitiyegec 78:52

Imoc wisickeu Anutungo ngicngacfora meyunuma rama wangecyunuma waraiyemmeandae, ifi isoc waraiyemmema kenec. Ngic yeneng bangec kisi dokuya kpacfu ramahabu hesicyunuandae, ifi isoc wangecyunuu kenggec.

Mitiyegec 79:13

Ifi anna neneng ngicngacfocga nga rama habufocga anni geng garennunukecna, neni nasoya nasoya ge eriendzong megennide. Nga fingecsahenina ngade feengkefudesoc, yeneng fingecma nenigoc torokpema ge ifingoc dedengerec anggengbesandae.

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mika 5:2

Nga “Bet Lehem Efrata, ge ine Yehuda taong kapia yenearunac mong. Gearunac mongngo neac hama Isracel bubunggeude amma yennoc hanac hanaheaunacngoc keceregec yeneac dzitec hania.”

Mika 5:4

Anu ye Kebuac kucfu namma habufora garengyunuude nga Kebu Anutuyaac kpackunengnga eweheiheiagoc didiu mekperagiyemmeude. Anu yeni kengeha kpac kecmagec kpackunengngango bangec tegiau kendacbesande.

Mataio 6:33

Imocac ngeni warac warac yombong Anutuac eucerereng nga yeac faka dindingac meficgegecdeac uatoa mebisia. Ngeni ifi anggec yeng wiac sasawa imocnoc ifingoc torokpeu torokpe ngemmeude.

Yohane 10:11

Neannaoc ramagareng gombunga. Gareng gombungango rama yeneac amma kekeha waude.

Yohane 10:14

Neannaoc ramagareng gombunga. Mannango ni negennude nga neng Manna negenduae, ifi isoc neannaoc ramafocna negengyunuduae nga ramafocna yeneng negennudae. Neng rama yeneac amma kekecna wabade.

Roma 8:32

Anutungo Medacyombonga mi segerema sasawa nenanggac amma ngaba yeneac mariu waec. Nga nenanggac waecac amma ye ifingoc ubangerehaac torokpema Medahagoc wiac sasawa nemmeude.

Firipi 4:19

Neac Anutu ye kperagia nga finactoayagoc. Amma yeng ngeni wiac obohodae, imoc Yesu Kristoac amma naric ngemmedarude.

Hebiraio 13:20

Ruaeac Anutungo dzadzahac fefeseriac sacngo, ramagarengtoa Kebunina Yesu homecfunac megborima miarec,

1 Petoro 2:25

Ngeni warac rama isoc sing segema kecgec. Nga yofinenggac ramagarenggaru bic dzigenegec yennoc ubaongangina henggareng angemmeude.

1 Petoro 5:4

Ifi kecmagec gareng yadango fingectegecma yeng irangina kuc kibikperagiagoc dzame dzamea kpac ngemmebesande.

Yohaneac kpefing 7:17

Imoc yofiac, ramamedaha ngictau tatacac dzongiau nande, yeng ramagarengngina amma kekecac dokukiwau hesicyunuude. Nga Anutungo kickumangina sasawa kicnginaunac mekerenggeude.”