Mitiyegec 22:27 - Deduamiti

²⁷ Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Yoak kekehagocac Dzadzahac gboria nga Mitiyegec

²⁷ Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 22:27 ပူးပေါင်းရင်းမြစ်များ

Mitiyegec 102:22

Ngiha ngiha yeni ngictau areng yenigoc kpeturanggema Kebuac kicfu ngonducnema numumigecde.

Mitiyegec 117:1

Bangec monnunac ngicngac, ngeni Kebu fendzonggema dengerebisia. Ngiha ngiha sasawa ngeni Kebu afehebisia.

Mitiyegec 2:8

Ge wiac gembadeac kpesinenna ni ngicngac bangec monnunac desigemba yeneng geac anggecde. Bangec tegia fekende, yeni sasawa geac anggec geng mingingngina annade.

Mitiyegec 69:33

Kebungo ngicngac iwaiac obohokecandae, yeneac nunumu negengkecde, ye ngicngacfora witicamau kecdae, yeni naric mi wayunuude.

Mitiyegec 72:11

Ngictau sasawa yeneng yeac kicfu ngonducnegec bangec monnunac ngicngac yeni sasawango yeac kingang kpemibisia.

Mitiyegec 72:8

Ngictau ye kondunga kondunga tegiau nga Eufrate dokutoa hanahema bangec tegiau wisickede, bangec imocac mingina amma imoc garenggebeso.

Mitiyegec 86:9

O Kebu, ge bangeha bangeha ngicngacareng meficyununec, yeneng gearu hadacma kicgau fafoc heigemma hama geac kpac kuneng heiwayong memigecde.

Mitiyegec 96:7

Ngiha ngiha arengnginagoc kecdae, ngeni Kebu dengerema yeac kuc nga kibikperagia afehebisia.

Mitiyegec 98:3

Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Bangec kisiu 10:32

Nga ge nenigoc kennadeu ine Kebungo neni imohai wiac gombunga anemmeude, siriha ifiangoc ge anggennide.”

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

Aposoro 20:21

Ni bic seria kpoungemmeba yudangic nga grikngic ubamereng amma Anutuaru kemma Kebunina Yesu negensinggegecdeac ubana kuha mi mamanu dekperagingemmekefai.

Roma 16:26

Feerekefu bangec monnunac ngicngac sasawa, yeneng ye negensinggema yoara modacgecdeac Anutu kekecseri minginango profete yeneac yoac mitikibiu fede, imocac deu yofinenggac didiu fingectegerec. Fingectegeru bangeha bangeha ngicngacareng tosea yeneng yoara naric negentegecgecde.

1 Tesaronike 1:9

Neni yenearu kenni yeni yenaoc Tesaronike ngeneac siduc yofi edenunugec, “Pauro ogohoragoc ngenearu hagec ngeni heitaiyunugec. Amma ngeni Anutu kekehagoc nga yoara foragoc yeac wanacareng anggecdeac nemungina hania hania wama Anutuaru kenggec.

Yohaneac kpefing 15:4

Kebu ge kpetiac, imocac amma sasawango geac damuyunuu kpacga afehebisia. Amma geac faka dindingac didiu fingerecac bangeha bangeha ngicngac yeneng hama geac kicfu numugenggecde.”