Mitiyegec 21:9 - Deduamiti

⁹ Ge didiu fingectegecnade, naso imohai ngaba yeni ngic gerecfu manganeandae, ifi isoc gerecgango yonohoude. Kebungo herebu amma gbokoyunuu gerecngo yonohou kpac anggecde.

Yoak kekehagocac Dzadzahac gboria nga Mitiyegec

⁹ Ge didiu fingectegecnade, naso imohai ngaba yeni ngic gerecfu manganeandae, ifi isoc kecgec gerecgango yonohoude. kebungo herebu amma gbokoyunuu gerecngo yonohou kpac anggecde.

Mitiyegec 21:9 ပူးပေါင်းရင်းမြစ်များ

Fingec fingec 19:28

Kemma kic fiu Sedom nga Amora taong taroc bangec tumia imohai kemeu henu bangecfunac gerec dubuhegec dzeande hosuctoa siriha ifia yombong ereec.

Mitiyegec 106:17

bangecngo anggema Datan gbokoma Awiram arengforagoc semeyunuec.

Mitiyegec 18:38

Ni ngic yunuhomeai, yeni haninau makpema monggoc mi yacgec.

Mitiyegec 18:8

Ye samaha singausing hosuc mau gerecngo enarausing erema wiac dzerecgeu kpac andarec. Hoc gerecyohoagocngo enaraunac erema singsararang kpema kenggec.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 2:5

yoac ngabayagoc deu herebuyango kengec meficgeyemmema yofi deude,

Mitiyegec 50:3

Anutuninango hama naric mi waickeude. Yeac kicfu gerecngo dzema waraimiude nga kiafirang kuhagocngo yearu yerecgeude.

Nahum 1:6

Amma yeac heregerec fingeru mongngo naric mi serima nanude. Nga kimbengaac borangngo timanu mongngo yeac wegenac naric mi kefude. Amma yengenaoc harongang wegenac kenu yeni tohoma dzindzururung kpegecde.

Malecaki 4:1

Kurumenggac wasaiareng habuya habuya yeneac Kebungo yoac yofi dede, “Negendae, naso hade imoc gerectoayagoc hade. Imocac ngic damoc yeni dehesi nga deengdema amma mangana meandae yeni naso imohai gerec seriango dzema yonohodacbesande. Imoc wiac mong dzuama harandanggeu gerecngo godeagoc sasawa dzemusunggeude ifi isoc yenearu fingecbesande.

Mataio 13:42

gerecyadau ukuyunuu kemegecde. Ihai ngicngac kiacma enacngina kisaranggema kecgecde.

Mataio 13:50

gerectoau ukuyunugec kemegecde. Kemema yeni ihai kiacma enacngina kisaranggema kecbesandae.”

Mataio 22:7

Ifi anggec ngictau ye imoc negemma herebu amma wasaifora sueyunuu kemma ngickpekpengic imoc yunuma taongngina faigec dzeec.

Mataio 25:41

Ifi dema kanaugeng nanggecde, yeneac yoac yofi edeyunuude, ‘Ngicngac sowecngunungunuya, ngeni wanuma gerec wisic wisickea kpac, imohai kemma kecbisia. Imoc mangana mingina nga angerofora, yeneac amma dzema fede.

Mataio 25:46

Nga yeneng kopocsicac turunga kpendzeng nasoya kpac kpekecbesandaeac kenggecde. Nga areng dindingac yeneng kekecseriu enggecde.”

Mataio 3:10

Naka ic haniau bic faigec fede. Nga ic goa fora gombunga mi angandae, imoc sasawa heiu kpeu gerecfu ukugecde.

Mataio 3:12

Ye meic meicke saraha mariau mehama wit seuhagoc meic meicke sobennu feu imoc fima seuha meickeude. Meickema fora mekpedzuc amma ameau faima seuha wanggema gerec pisic pisickea kpac, imohai ukuu dzeude nga dzebesande.”

2 Tesaronike 1:8

Ye gerec borangagoc mama Anutu mi hoanggegec nga Kebunina Yesuac siduc gombunggac yoara mi tofohoandae, yeni kopocsicnginaac turunga kpouyemmeude.

Yohaneac kpefing 19:15

Nga enaraunac wasai beang mong enaragoc ereec, ye imocngo bangeha bangeha imocac ngicngac yunuude nga ye aiengyasungo garengyunuude. Amma ye Anutu kuctoa mingina yeac ngaba nga herebuac waing tidzoc tidzohoac hoctoau tidzohoude.

Yohaneac kpefing 20:14

Faiyunuma homec nga homecac ama gereckondunnu ukugec. Imocngo homec kpetea yohockang ande.