Mitiyegec 2:12 - Deduamiti

¹² Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Yoak kekehagocac Dzadzahac gboria nga Mitiyegec

¹² Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 2:12 ပူးပေါင်းရင်းမြစ်များ

Fingec fingec 41:40

Imocac ge amanaac gareng faigubade nga ngicngacfocna yeni geac yoac modacdacbisia. Mocgu imoc ine yofi, ngictau tatacna imocngo ine neanna ambeso.”

Mitiyegec 1:6

Anutungo ngicngac dindingac yeneac sing hennegeng amma garengyunuude. Nga ngic Anutu ngadehema mangana megecdeac ayemmeande, yeni ine kpac anggecde.

Mitiyegec 109:20

Ngabafocna yeneng yoacfu nukecgec Kebungo turunga imoc kpouyemmebeso. Yeni ngadeyoac denenggec yeng ifi ayemmebeso.

Mitiyegec 2:5

yoac ngabayagoc deu herebuyango kengec meficgeyemmema yofi deude,

Mitiyegec 2:7

Kebungo yoac desima neac deec, imoc dekperagiba, yofi edenuec, “Ni yagucnoc megudua. Ge medacna nga ni geac Mangga.

Mitiyegec 31:20

Ge kasonina anna ngicngac yeneng memanganenunugecdeac arenggegec geng mesufununuannec. Ge kasonina amma hoannununa ngic mangana yeneac yoac manganango naric mi memanganenunuude.

Mitiyegec 34:8

Kebu gombunga, ngeni imocnoc tobanggema kicnginango hembisia. Ngic mong ye yeac hoannu kemma sufuma kecande, ye sogac sogaigoc kefude.

Mitiyegec 34:9

Kebu eweheihei ammiandae, yeni wiac monggac naric mi obohogecde. Imocac ngicngacfora kpetiac kecdae, ngeni ye eweheimima kecbisia.

Mitiyegec 40:4

Ngic mong ye Kebu negenseriande, ye kenehagoc. Yeng ngic yenanggac negenggec wiac engena angkecde, yeneac hoannu mi kemma yenigoc naric mi kefude. Ye sing mi segeude, nga ye ngic nemu ikoha modacandae, yenearu naric mi kenude.

Mitiyegec 84:12

O Kebu, kurumenggac wasaiareng kunengngina, ngic mongngo negenseriguma kecande, yennoc kenehagoc.

Tsefanya 2:2

Kebuac herebuac gerecngo witinginau enude. Yeac kimbenggac fakango witinginau emma tarude. Imocac nasoya imoc bic dedea. Padiseuha fifini bic kengande ifi isoc naso ye bicbic kende.

Yohane 14:6

Kpesimiu Yesungo yofi deec, “Ninoc sing nga yoac fora amma kekec. Ngic mongngo nia kpacfu Manggacaru keng keng imocac sing mong mi fede.

Roma 10:11

Mitikibingo imocac yofi dede, “Mongngo ye negensinggeudeu, ye gamekpekpeu mi enude.” (Yes 28:16)

Roma 9:33

Imocac yofi oho ohoya fede, “Negendae, ni Sionnu hoc mong faiba imohai yeni kpondzong heigecde nga peperandziu tifainggema negemmangang meficgegecde. Nga mongngo ye negensinggeudeu ye game kpekpeu mi embesande.” (Yes 8:14; 28:16)

Efeso 1:12

Imocac nenang hanahema erema Kristoac amma kekecseri mekecnideac dedea, imoc negensinggedimbe. Nga Anutu kpara kengkena dengerema afehebisina.

1 Petoro 1:21

Fingectegecma sing meficgenemmeu yofinenggac Anutu negensinggema kecdimbe. Ye medaha homecfunac megborima kuc nga kibikperagi miu nenang Anutu negensinggema yearu negen negennina naric fainide.

1 Petoro 2:6

Imocac mitikibiu yoac yofi oho ohoya fede, “Negenggec, ni hocwotung mong siriha engena imoc meisinggema Sionnu gununggebade. Ngic mongngo ye negensinggeude, ye gamekpekpeu naric mi enude nga embesande.” (Yes 28:16)