Mitiyegec 19:7 - Deduamiti

⁷ Kebuac dedeseri imoc gombunga amma ngicngac ubaonganina heigboriude. Amma Kebungo yoac dekperagi nemmeude, imoc fora yombong amma ngic negen negentegecac obohoande, ye negen negentegec meficgemiude.

Yoak kekehagocac Dzadzahac gboria nga Mitiyegec

⁷ kebuac dedeseri imoc gombunga amma ngicngac ubaonganina heigboriude. Amma kebungo yoac dekperagi nemmeude, imoc fora yombong amma ngic negen negentegecac obohoande, ye negen negentegec meficgemiude.

Mitiyegec 19:7 ပူးပေါင်းရင်းမြစ်များ

Mitiyegec 111:7

Yeng wiac mariango meande, imoc yoara modacma faka dindingacgoc. Nenang yeac dederecgeyoac sasawa negenserima mekecbisina.

Mitiyegec 119:105

Geac yoac, imocngo haninaac kifa amma sinna mekperagiude.

Mitiyegec 119:111

Geac dedekperagiyoac, imoc nasoya nasoya meficnuma fefeseri fenenude. O, herenango imoc negemma sogaima kecbade.

Mitiyegec 119:130

Ge yoacgaac nagu witina imocngo ngicngac mekperagiyemmema ngicngac negen negengngina efea, yeni negen negentegec yemmeude.

Mitiyegec 119:14

Ngicngac yeneng dzofinacnginaac sogaiandae, ni ifi isoc geac dedekperagiyoac negemma sing imoc modacma sogaibade.

Mitiyegec 119:152

Ni geac dedekperagiyoac bicngoc negemma yofi negengkefai, “Geng yoac imoc fainec nga imoc nasoya nasoya feengkecbesande.”

Mitiyegec 119:24

Geac dedekperagiyoacngo ni ubangerec meficgenemma dederecge gombunga anenude.

Mitiyegec 119:72

Geac enacgaac dedeseriyoac, imocngo wiac engena ande. Imocngo ngereenende nga imoc hoc gol nga silwango memea taoseng nga taoseng feracyunuude.

Mitiyegec 119:9

Sebigbori medac ye singau garengemema uba kongaha kefude, sing imoc eng mi meficgeude, kpac. Ye geac yoac gombunga modacma garengemeude, imohai naric kefude,

Mitiyegec 18:30

Anutu ye faka angammemea dindingac nga Kebungo yoac deserima deu fora fingerudenoc. Ngicngac yeneng yeac hoannu hama sufudacgec yeng kasongina amma mesufuyunuude.

Mitiyegec 23:3

Ye ubaongana mengerema kuc gboria monggoc nenude. Amma ye yengena kparaac amma sing dindingacfu hesicnuu imohai kengkecbade.

Mitiyegec 93:5

O Kebu, geac singyoac imoc sasawa seria nga fora. Geac amau nasoya nasoya faka kpetiac feengkecbeso.

Yohane 5:39

Mitikibingo kekecseri meficgengemmebesande, ngeni ifi negensinggema kibi imoc osonegeng angkecdae. Kibi imocngonoc neac hepuc amma neac hania dekperagiude.

Aposoro 10:43

Anu profete sasawa yeneng yeacnoc hepuc amma yoac yofi degec, ‘Ye negensinggegecde, yeni yeac kpacfu kopocsicngina wawaya anude.’ ”

Roma 12:2

Ngeni bangectoa bangec yomocac ngicngac yenigoc angammemengina siriha mocgu mi ambeso. Anutungo uba negen negengngina heigboringemmeu ngeni Anutuac songo negengising anggec yeng wiac kpacgoc nga gombunga yombong anu imoc negenu ngereeude, imocac siriha naric negentegecgecde.

Roma 15:4

Mitikibiu warac wiac sasawa ohodacgec, imoc nenang edekpou anemmegecdeac oho ohoya fede. Yoac negenni imocngo meserinunuma nanggenunuu wiac Anutungo deu fingecnemmebesande, imoc negenseridimbe.

Roma 3:2

Anutungo yudangic kekecnginau hafoangoc nanggeyunuma ngicareng goa feracyunuma yudangic faka gombunga homac yombong ayemmeude. Yeng yeneac negenu ngereeu yengena yoac garengegecdeac yeneac botucfu faiec fede, imoc negenggec engena ambeso.

Kolosai 3:16

Kristoac yoacngo ubaherengina mewakebeso. Nga negen negentegecgoc edekpou angemema gorongina kpeemebisia. Nga Mitiyegecfu yegec fede nga uba furiau yegec amma Tiri Asungo yegec heficgengemme kecde, ngeni imoc ubangerecgoc Anutu heimibisia.

2 Timoteo 1:8

Imocac ge gamea kpac kecma Kebuac yoacsiduc dekperagibesena. Nga yeac amma witicamau tacduaeac negenna gameagoc mi ambeso. Ge ifingoc Anutuac kucfu siduc gombunggac amma ni isoc kpendzeng kpebesena.

2 Timoteo 2:19

Anu Anutungo wotung seria faiu kemeec nande, imoc goroc goroc naric mi anude. Imohai yoac yofi oho ohoya fede, “Kebungo ngicngacfora negengyunuude.” (Bki 16:5 Septuaginta mitikibiunac.) Nga mong yofi, “Ngicngac Kebuac kpac kpacandae, yeni faka nga angammeme kopocsicgoc, imoc sasawa wama araing kecbisia.”

Yakobo 1:17

Anutu ye kurumeng kperagiac manggac amma yearu kundung mong mi kpeude, kpac. Yearu kperagia feec nga fede amma fekengkecbesande. Nga yeng wihacnac wiac gombunga nga soronga suenemmeu maude. Ye ubangereha ifi nemmekecde.

Yohaneac kpefing 19:10

Ifi deu ye numumibadeac haniau makpeai. Makpeba yeng yofi edenuec, “Ifi mi anna! Ni ge nga tosofocga Yesuac dedekperagi metacdae, ngeneac wanac ogongina. Yesuac dedekperagi imoc profeteyoacac asu. Imocac amma ge Anutu numumina.”