Mitiyegec 149:1 - Deduamiti

¹ Kebu eriendzong memini, hallelu Yac. Kebuac yegec gboria heimibesonga. Ngicngacfora yeac yoac modackecdae, ngeni kpekpeturangnginau yeac yegec gboria heimibisia.

Yoak kekehagocac Dzadzahac gboria nga Mitiyegec

¹ kebu eriendzong memini, hallelu Yac. kebuac yegec gboria heimibesonga. Ngicngacfora yeac yoac modackecdae, ngeni kpekpeturangnginau yeac yegec gboria heimibisia.

Mitiyegec 149:1 ပူးပေါင်းရင်းမြစ်များ

Mitiyegec 111:1

Kebu eriendzong memibesonga, hallelu Yac. Ngicngac uba kongaha amma ikoc nga hamangecngina kpac kecdae, yeneac kpebung habugoc namma heregoc yombong Kebu ubangerec ammibade.

Mitiyegec 116:18

Ni yoac Kebuac kicfu deseriai, imoc ngicngacfora sasawa yeneac kicfu namma fora meficgebade.

Mitiyegec 144:9

O Anutu, ni geac yegec gboria mong heibade. Ni gita witiha teng kpema imocngo udumeng gombunga meficgegembade.

Mitiyegec 148:1

Kebu heiwayong memini, hallelu Yac. Kurumenga kurumenga areng kecdae, ngeni Kebu ohec memibisia nga sawau kecdae, ngeni Kebu dengerebisia.

Mitiyegec 22:22

ni munafocna geac kpac kuneng dekperagiyemmema kpebung botucnginau namma ge eriendzong megembade.

Mitiyegec 22:25

Geng oyang boyang ubanau faina ni habutoa yeneac botucfu namma ge eriendzong megembade. Nga ngic geac ewega heiandae, yeneac kicfu namma dedeserinaac turung kpoudacbade.

Mitiyegec 33:3

Ngeni yeac yegec gboria heimibisia. Ngeni gita mengerema kpegec musi gombunga fingeru dendzerenggema yegec heibisia.

Mitiyegec 35:18

Geng ifi anna ni kpebung habutoa yeneac kicfu geac ubangerec megembade amma ngicngac habutoagoc nanggec ni yenigoc namma eriendzong megembade.

Mitiyegec 68:26

“Kpebung habutoa manau Anutu kenehebesonga. O, Isracelac fingecsahe, ngeni sasawango Kebu kenehebisia.”

Mitiyegec 89:5

O Kebu, ge kurumenga kurumenga sing faiyemmena yeni geac kucfaka bibiagoc oyang boyang mebisia. Ge yoac modac modac Kebu, fakaga imoc kpetiac areng yeneac adzoc adzorou dengerebesonga.

Mitiyegec 96:1

Kebuac yegec gboria heimibesonga. Bangectoa bangec, ge Kebu yegec gboria heimibesena.

Mitiyegec 98:1

Kebungo faka kuhagoc nga bibiagoc meu yegec gboria heimibesonga. Ye marifoia nga fuaya kpetiac sinema ngabafora feracyunuma firang anec.

Hebiraio 2:12

“Ni geac kpac kuneng munafocna dekperagiyemmema kpebung botucnginau namma eriendzong megembade.” (Myeg 22:22)

Yohaneac kpefing 5:9

Anu yeni yegec mong gboria yofi heigec, “Geng kibi kpou kpouya mema kendokereha naric mekpacgenade. Imoc yofiac, ngic yeneng kpebucgugec geac sacngo ngicngacfocga bummeyununec. Ge ngicngac fakaga fakangina nga yoacga yoacna amma sebi siric hania hania nga bangeha bangeha sasawa yenearunac bummeyununec Anutuac areng amma kecdae.