Mitiyegec 146:9 - Deduamiti

⁹ Ngicngac kuric kecgec Kebungo yenenggareng ayemmema ngachotsec ewefocngina homemea nga beging nanggeyunuude. Ngic Anutu ngadehema mangana megecdeac ayemmeande, yeneac singngina ine memanganeude.

Yoak kekehagocac Dzadzahac gboria nga Mitiyegec

⁹ Ngicngac kuric kecgec kebungo yenenggareng ayemmema ngac hodzec nga beging nanggeyunuude. Ngic Anutu ngadehema mangana megecdeac ayemmeande, yeneac singngina ine memanganeude.

Mitiyegec 146:9 ပူးပေါင်းရင်းမြစ်များ

Esta 5:14

Hamangngo ifi edeyunuu, enema Dzere nga tosofora sasawa yeneng yofi degec. “Ge dena Modekai gbedickenideac wotung mong hereayaac kpetea 25 mitaacsoc gununggeec, anu wereckenu asoac ngictau kpesimini Modekai nemmeu imohai gbedickeni ubasacnebeso. Ifi ammaguc ge ngictaugoc semennu nesogaiac kembesera.” Ifi degec Hamangngo yoac imocac negenu naric yombong anu wotung mong gununggeec.

Esta 7:10

Ifi deu wotung herea Modekaiac mengereec, imohai Hamang yengena mekemma gbedickegec ubasacneec. Neu ngictauac herebuya kuha mau negenu ngereec.

Esta 9:25

Anu ebic siduc imocngo ngictauaru kenu negemma yeng yoac sibia yofi derecgeu ohogec. “Hamang ye Yehuda ngic faka mangacmangacnea ayemmeudeac negensima arenggeec, imoc heimerenu yengena nga medacfora yeni wotung herea imohai gbedicyunugec ubasac negec.”

Mitiyegec 10:14

Anutu, geng sifu ngicngac ebic nga kpendzenggoc kecdae, yeni yenemma ebicngina negensima marigango meficyununadeac negennec. Memangac manganea kecde, ye kekeha gearu waande nga geng beging yeneac memeficngic.

Mitiyegec 145:20

Ngicngac yeneng Kebu songogoc hoanggekecgec Kebungo onggongyunuude. Anu ngic Anutu ngadehema mangana megecdeac ayemmeande, yeni memanganeyunuu kpac andacgecde.

Mitiyegec 147:6

Ngic yeneng ngicngac ogofocngina memayunugec Kebungo monggoc miacyunuma nanggeyunuude. Nga ngic Anutu ngadehema mangana megecdeac ayemmeande, yeni ine meyunuma bangecfu ukuyunuude.

Mitiyegec 18:26

Mong ye uba kongahagoc kefu geng ubaga kongaha, edzahenade. Nga mong ye fakaya heimeremma mangana modackefu ge ifingoc fakaga gombunga heimeremma mangana ammina henude.

Mitiyegec 68:5

Anutungo kpetiac womongau tacde. Ye beging mang ayemmema hotsec ewefocngina homemea yenenggareng ayemmema onggongyunuude.

Malecaki 3:5

Ye yofi dede, “Ni fakangina isinggema desibadeac mewegenengunuduae. Dzinac areng nga kaisero areng amma yoac ikocac hepucareng nga uangicfocngina yeneac uabungngina nobohasac yemmeandae amma hotsecbeging gombunga mi ayemmema memayunuandae nga kuricngicngac yeneac yoacngina ikoc ikoc sicsaucfu demengere angkecdae amma ni mi sesehenuandae, ni bic hama ngeneac hakongina kpebesandua.”

1 Korinti 3:19

Bangec yomocac negen negentegec imoc Anutuac kicfu ubasufuyagoc. Imocac yoac yofi oho ohoya fede, “Ye ngic negen negentegecnginagoc yeneac yoac dzegema yenang botacfu faiyunuude.” (Yop 5:13)

Yakobo 1:27

Nga Anutu Manggacnina yeac kicfu eweheihei faka kpetiac nga kongaha, imocac siriha yofi, bangectoa bangec yomocac songo ngadehema wonong mi heiemema beging nga ngachotsec ewefocngina homemea ebicfu kecdae, yeni yenenggareng ayemmebesonga. Imocngo Anutuac eweheihei gombunga.