Mitiyegec 146:6 - Deduamiti

⁶ Anutungo kurumeng nga bangec meficgema kondung nga kondung manau wiac sasawa fede, imoc meficgedarec. Ye yoac modac modac Kebu. Ye ifi kecde nga nasoya nasoya ifi kecengkefude nga kecbesande.

Yoak kekehagocac Dzadzahac gboria nga Mitiyegec

⁶ Anutungo kurumeng nga bangec meficgema kondung nga kondung manau wiac sasawa fede, imoc meficgedarec. Ye yoac modac modac kebu. Ye ifi kecde nga nasoya nasoya ifi kecengkefude.

Mitiyegec 146:6 ပူးပေါင်းရင်းမြစ်များ

Fingec fingec 1:1

Hanac hanaheaungoc Anutungo bangec nga kurumenga kurumenga meficyunuec.

Mitiyegec 100:5

Kebu ye gombunga. Yeng yoac dedzege amma imoc modackecde, fakaya imoc nasoya nasoya feengkefude. Ye yoara modackecde, imocngo fingecsahengina fekefudesoc, yenearu feengkecbesande.

Mitiyegec 115:15

Kebu kurumeng nga bangec meficyuruec, yeng kenecngunubeso.

Mitiyegec 117:2

Yeng yoac dedzege amma imoc modackecde, faka imocngo hoannunuude, imoc wiac engena. Kebungo yoara modackecde, faka imocngo nasoya nasoya feengkecbesande. Kebu eriendzong memini, hallelu Yac.

Mitiyegec 33:6

Kebungo yoac dema kurumenga kurumenga meficyunuec. Ye enacasuyango wenac nga afo amma asomeng habutoanginagoc meficyunuec.

Mitiyegec 89:2

Ni yofi deba, “Geng yoac dedzege amma imoc modackecnec, fakaga imoc nasoya nasoya faina fekefude. Ge yoac modac modac Anutu. Kurumenga kurumenga nasosoc fefeseri fekecdae, ifi isoc geac fakaga ifingoc fekefude.”

Mitiyegec 89:33

Ni Dawidgoc yoac dedzege amma imoc modacduae, fakana imoc naric mi wangecbade. Ni ikoc mi ambade nga yoac modac modac fakana naric mi wabade.

Mitiyegec 95:5

Yennoc kondung meec, imocac amma kondung imoc yeacngoc. Amma yeng bangec kerenga meu imocngo yeac marikibi ande.

Mitiyegec 98:3

Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Makekeng 20:11

Kebu ye wenac uameme siks ua mema kurumenga kurumenga nga bangec nga kondung amma wiac yeneac manau fekendacdae imoc meficgedarec nga wenac kpete sewen imohai tacnegenec. Imocac Kebungo tacnegenggac wenac kenehema segerema kpetiac annideac desiec.

Danicel 9:4

Amma ni neanna nga ngicngacfocna yeneac kopocsicngina deficgema Kebu Anutunaac numuma yofi deai, “Kebu Anutu Engenatoa ge damugagoc. Nga ngicngac ge songogoc hoangguandae nga geac dederecgeyoac modacma kecandae ge yenigoc dzadzahacga menec imoc modacma kecnec amma ge wosoefac ayemmeannec.

Mika 7:20

Ge warac mangesahocnina Yacakow nga Awraham yerigoc dedeseri fora menec, imoc modacma yereac fingecsahe neni ubamangang anemmema songoga edzacnununade.

Yohane 1:3

Nga Anutungo enacyoacfu deu wiac sasawa fingecdarec, wiac sasawa fingecma fekende imoc yea kpac mong mi fingerec.

Yohane 10:34

Ifi degec Yesungo yofi merenec, “Dedeseriyoacnginau yoac yofi oho ohoya fede, imoc mi negendae me? Anutu yengenaoc deec, ‘Ni deba, ngeni sasawango anutuareng.’ (Myeg 82:6)

Aposoro 14:15

“Yei, ngicngac ngeni noc andae? Neri ngic ngeni isoc, ngeneac siric. Ngeni nemungina kucmama kecdae, yeni ngadeyunuma Anutu kekehagoc mewegenegecdeac siduc gombung dekperagingemmekecdipe. Yeng wiac sasawa bangecfu nga kurumennu nga kondunnu fedacde, imoc meficgedarec.

Kolosai 1:16

Nga Anutungo Medahaac negensima wiac sasawa yeac anudeac Medahaarusing wiac sasawa bangecfu nga kurumenga kurumenga manau fedacde, imoc meficgeoc. Yeneac areng yofi, wiac kicngo hengena nga mi hengena amma sawakebangau ngictau tatacnginagoc nga kebuareng kecdae amma ngic yei enaratatac mema kecdae nga ngic gawamang uanina megecdeac uayoacnginagoc kecdae.

Tito 1:2

Yoac imocngo kekecseri meficgeude, imoc negensinggedimbe. Anutu memengerecnina yearu ikoc mong mi fede, yeng hanac hanaheaunacngoc kekecseri menideac enarango deseriec.

Hebiraio 6:18

Ye ifi dema yoac seria yohockang meficgenemmeec. Yoac yohockang ifi feecac yoara ikoc naric mi anude. Fakaya ifia negenni imocngo ebiriangoc meserinunuu bangecac wiac naric wama wiac ngade menideac deec, imoc seria mekecnide.

Yohaneac kpefing 14:7

enacudumeng kunengngo yofi deec, “Ngeni Anutuac damungunuu eweheimibisia. Anutungo ngeneac yoac desiude imocac naso bic hadeac ngeni kurumeng nga bangec amma kondung nga dokukiwa meficyunuec, ye numumibisia.”