Mitiyegec 146:5 - Deduamiti

⁵ Yacakowac Anutungo ngic monggac memeficngic anude, imohai ngic imocngo kenehagoc anude. Ngic mong ye Kebu Anutu negensima fora fingerudeac tomai kecande, ye kenehagoc.

Yoak kekehagocac Dzadzahac gboria nga Mitiyegec

⁵ Yakoboac Anutungo ngic monggac memeficngic anude, imohai ngic imocngo kenehagoc anude. Ngic mong ye kebu Anutu negensima fora fingerudeac tomai kecande, ye kenehagoc.

Mitiyegec 146:5 ပူးပေါင်းရင်းမြစ်များ

Fingec fingec 50:17

‘Ngeni neac yoacna yomoc Yosef edebisia, “Dacfocga yeni wiac mi angana amma ebic meficgegenggec ni imoc negenduae nga ge sifu kopocsicngina wabesena.” ’ Imocac numugendimbe manggacac Anutu yeac enac tofoc tofohofora neninec kopocsicnina wabesena.” Yosefngo yoacngina imoc negemma kiarec.

Mitiyegec 144:15

Ngicngac sasawa Kebuac kenecgoc ifi kecandae, yeni sogac sogainginagoc. Kebungo ngicngac ngeneac Anutungina ande, ngeni kenecnginagoc amma kecgecde.

Mitiyegec 20:8

Yeni kucngina kpac anu fafocnginango heima mayunuude. Nga nenang yacma hongngoc serima nannide.

Mitiyegec 33:12

Bangecareng mong yeni Anutungina Kebu, yeni kenecnginagoc. Ye yengena areng meisingyunuu yengena areng anggec.

Mitiyegec 39:7

“Kebu, ifi anu ni wiac mong fingecnenudeac tomai mi kecbade. Geng meficnunadeac tomai kecba negen negenna gearu fede.

Mitiyegec 46:11

Kebu kurumenggac wasaiareng kunengnginango nenanggoc kecde, Yacakowac Anutu ye sufu sufuamanina. Selac

Mitiyegec 46:7

Kebu kurumenggac wasaiareng kunengnginango nenanggoc kecde. Yacakowac Anutu ye sufu sufuamanina. Selac

Mitiyegec 46:8

Ngeni hama Kebuac ua hembisia. Ye bangecfu faka bibiagoc meec, ngeni imoc hembisia.

Mitiyegec 71:5

Kebu, ni negen negensinna gearu faima fora fingerudeac tomai kecduae. Ni hanahema sebigbori kefai kecma yaguc, imoc Kebu negenseriguma kecduae.

Mitiyegec 84:12

O Kebu, kurumenggac wasaiareng kunengngina, ngic mongngo negenseriguma kecande, yennoc kenehagoc.

Mitiyegec 84:8

O Kebu Anutu, kurumenggac wasaiareng kunengngina, ge nunumuna negenna. Yacakowac Anutu ge kedzac faina. Selac

Makekeng 3:6

Ifi dema yofi edeec, “Ni kisicfocga Awraham, Itsak nga Yacakow yeneac Anutu.” Ifi deu Mose ye Anutu henudeac kengectoa kpeu kicmesuya mesufuec.

1 Petoro 1:21

Fingectegecma sing meficgenemmeu yofinenggac Anutu negensinggema kecdimbe. Ye medaha homecfunac megborima kuc nga kibikperagi miu nenang Anutu negensinggema yearu negen negennina naric fainide.