Mitiyegec 146:4 - Deduamiti

⁴ Asunginango wayunuma kenu yeneng homema emu bangecfu monggoc kemegecde. Nga yeni ua hania hania megecdeac arenggekecgec, imoc uameme imohaingoc kpac andarude.

Yoak kekehagocac Dzadzahac gboria nga Mitiyegec

⁴ Asunginango wayunuma kenu yeneng homema emu bangecfu monggoc kemegecde. Nga yeni ua hania hania megecdeac arenggekecgec, imoc uameme imohaingoc kpac andarude.

Mitiyegec 146:4 ပူးပေါင်းရင်းမြစ်များ

Fingec fingec 2:7

Anu Kebu Anutungo bangectehec mema ngic meec. Mema samahau kekecac asu fifiu kemeu ngic ye ngic kekehagoc anec.

Fingec fingec 3:19

Ge sengerang heima yakaga homecneckecma homema bangecfungoc dzigenenade. Imoc yofiac, ge bangectehecngo memeguya bangectehecsac annec nga bangec monggoc annade.”

Fingec fingec 6:17

Negennec, ni wiac sasawa sawa bageau sebifusinginagoc nga kekec asunginagoc kecdae imoc yeni kpetotieyunubadeac bangecfu doku tunggbaungtoa deba ihai fingeru bangecfu wiac sasawa homedacbesandae.

Mitiyegec 104:29

Ge kicga yenearu sufuna yeni kpidohoma kengecyunuude. Ge asungina wangecyununa yeni homema bangecnginau monggoc dzigenegecde.

Mitiyegec 33:10

Bangec monnunac ngicngac Anutu mi negemmidae, yeneng negen negengngina arenggegec Kebungo imoc meu kemma kpac anude. Nga ngiha ngiha yeneng ua mong mebesonga arenggegec yeng singngina hedzickeu imoc naric mi megecde.

Mitiyegec 90:3

Geng yoac dena ngic yeni monggoc sendung anggecde. Ge yofi deannec, “Ngicac nambarac, ngeni monggoc bangecfu dzigenema sendung ambisia.”

Danicel 5:23

Ge ine geanggaac negenna engena anu kurumenga kurumengaac kunenga kecde, ye wiac mamea, ifi negennec. Ifi negemma kpakenec nga teragedanga yeac amaunac megec, imoc gearu mehagecdeac edeyununa ngickunengfocgagoc nga enengfocga amma ngacfocga tosea yenigoc imohai waindoku nedau. Ifi nema kecma anutu nga nemuongangina silwa, gol, aieng sacsac, aiengtehec nga ic amma hocngo memea dengereyunuma eweheiyemmedau. Nga nemuonga imoc ifia yeni kicnginango wiac mong naric mi henggecde nga kedzacnginango wiac mong naric mi negenggecde amma yeni negen negengngina kpac, ge wiac imoc eweheiyemmema kecnec. Anu asutaitaiga yombong imoc Anutuac mariau tacde amma angammemega sasawaac mingina nga kunenga, ye ine mi dengerema eweheihei ammiannec.

1 Korinti 2:6

Imocac amma goa ngeni bic yadiseri anggec, ngeni yoac negen negentegecgoc edengunuandimbe. Yoac dedimbe, imoc naso yomocac negen negentegec kpac nga naso yomocac engena yeneac negen negentegec mi ande, nocac ngadeau kpac andacgecde.