Mitiyegec 145:5 - Deduamiti

⁵ Ge kibikperagiagoc nga ngictauac kucgagoc amma ua bibiagoc mekecnec, yeni imocac yoac degec ni imoc hennegeng amma negensikecbade.

Yoak kekehagocac Dzadzahac gboria nga Mitiyegec

⁵ Ge kibikperagiagoc nga ngictauac kucgagoc amma ua bibiagoc mekecnec, yeni imocac yoac degec ni imoc hennegeng amma negensikecbade.

Mitiyegec 145:5 ပူးပေါင်းရင်းမြစ်များ

Fingec fingec 24:63

Anu ama marai yombong ammanu negen negeng ua meudeac uau kenec. Kengkecma kic fiu kenu kamele goa hagec yenenec.

Mitiyegec 105:2

Ngeni yeac yegec heimibisia. Ngeni dedengerecyegec heimima yeng ua bibiagoc meande, imoc ngicngac edeyunubisia.

Mitiyegec 111:3

Kebungo wiac sasawa meec, imocngo ngictauac kuhagoc nga damuyagoc wakema fede. Ye fakaya dindingacngo nasoya nasoya feengkecbesande.

Mitiyegec 119:27

Geng meefainuna dederecgeyoacgaac sing negentegecma uaga bibiagoc hennegeng amma negensikecbade.

Mitiyegec 71:24

Ge faka dindingac amma meficnunecac nedzarannango asoacnac kemma marai imoc dekperagibade. Nocac ngic memanganenubeso anggec, ngicngac yeneng yeninoc game kpekpeu faiyunuma wayunugec yeni goiheiheingina kpac anggec.

Mitiyegec 72:18

Kebu keneheni. Isracelac Anutu yengsac kucfaka engena mekefu neneng imoc negenni wiac engena ande.

Mitiyegec 96:3

Kebu ye kuc nga kibikperagiagoc, imoc bangeha bangeha ngicngacareng botucnginau dekperagima edeyunugec. Nga yeng kucfaka bibiagoc meec, imoc ngiha ngiha botucnginau edeyunubisia.

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.