Mitiyegec 142:6 - Deduamiti

⁶ Ni memeficac obohoyombonggema kecma kiacduaeac kiacna negemma ngic nukporac anengandae, yenearunac yungecnuna. Yeni serima feracnudae.

Yoak kekehagocac Dzadzahac gboria nga Mitiyegec

⁶ Ni memeficac obohoyombonggema kecma kiacduaeac kiacna negemma ngic nukporac anengandae, yenearunac yungecnuna. Yeni serima feracnudae.

Mitiyegec 142:6 ပူးပေါင်းရင်းမြစ်များ

Mitiyegec 116:6

Ngicngac negen negengtoangina kpac kecgec Kebungo yeni onggongyunuude. Ni memeficac obohobare yeng ebicfunac mesinuec.

Mitiyegec 136:23

Neni sure surea kecmina yennoc neneac negenu feec. Yeng yoac dedzege amma imoc modackecde, faka imocngo fefeseri feengkefude.

Mitiyegec 143:3

Ngabangicnango kporacnuma kekecna bangecfu kpefahau ni kundung manau homecngic bic homegec, yeni isoc tacbadeac fainuec.

Mitiyegec 143:7

O Kebu, asuna woradeac turunga bic merennenna. Ni kecma ngic homema bangecfu kemeandae, ifi isoc kemebaiac ge kicmesuga nearunac mi mesufuna.

Mitiyegec 17:1

O Kebu, ni dindingac amma ebicfu kecma yoac deduae, imocac yoacna negenna. Ni arohoma kpacguba ge yoacna negenna. Enacbibicna ikoha kpacngo numugemba ge kedzac kpema nunumuna negenna.

Mitiyegec 18:17

Neac ngabangicngo kuhagoc anu yeng yeac mariunac mesinuu ngic neac modzongina tiande, yeneac kucngo feracnuecac yeng yenearunac mesinuec.

Mitiyegec 27:13

Ni ngicngac gbori kecdae, yeneac bangecfu Kebuac kekec nga angammeme gombunga hembade, imoc negensinggeduae.

Mitiyegec 3:1

O Kebu, ngic ngabafocna yeni homac yombong nga ngic homacngo yacma nubeso andae.

Mitiyegec 38:19

Ngabafocna yeni ine ngaba eng anendae amma yeni kucngina monggoc. Nga ngic endzirango hania kpacfu ubango ukunudae.

Mitiyegec 46:2

Imocac kengec naric mi annide. Bangec kpemindzaheudeu me tiki kondung keme kemeau turic turic anggecdeu

Mitiyegec 59:3

O Kebu, ni singyoac kpema kopocsic mong mi meficgeai nga yeni ine yagucngoc kekecna meickegecdeac nembima ngonducnema tomai kecdae nga yarengic ngabatoanginagoc yeni nugecdeac negemma yoac dzegedae.

Mitiyegec 79:8

Mang esafocninango kopocsic meficgegec, geng imocac mi negenna feu nga ge imocac turunga mi kpounemmena. Yeni memanunugec wiac sasawa obohoyombonggedimbeac neneac ubaga manganeu bic yombong hama sinnu meficnununa.

Mitiyegec 91:2

ye Kebu edeude, “Ge sufu sufuamana nga amana seria, ge Anutuna nga ni negenseriguma kecduae.”

Roma 8:33

Mongngo Anutuac meisingfora yoacfu faiyunuudeu, Anutungo yeneac yoac ifingoc deu firang anggecde.

Roma 8:37

Imoc sasawa fingecnemmeu Kristongo heresongogoc bic hoannunuu nenang yegoc kecma feracyunuyombonggema firang amma kecdimbe.