Mitiyegec 13:2 - Deduamiti

² Ni ubaebicgoc kecduae, imoc wisickeudeac tomai kecma ubahodung wenacsoc negengkecduae, imoc kpac anudeac tomai kecduae. Ngabafocna yeni firang anggec yeneac bageu kecduae, imoc wisickeudeac imocac tomai momoc kecduae.

Yoak kekehagocac Dzadzahac gboria nga Mitiyegec

² Ni ubaebicgoc kecduae, imoc wisickeudeac tomai kecma ubahodung wenacsoc negengkecduae, imoc kpac anudeac tomai kecduae. Ngabafocna yeni firang anggec yeneac bageu kecduae, imoc wisickeudeac tomai kecduae.

Mitiyegec 13:2 ပူးပေါင်းရင်းမြစ်များ

Nehemia 2:2

Ifi anu ngictaungo kpesinenec, “Ge hafei mi anggemmanu kic mesugango nocac ubahodung siric ande? Imoc wiac monggac kpahac, heregau ubaebic mong fede gedang. Deu ni homac yombong kengecnuec.”

Esta 7:6

Deu Estango deec, “Ngic mangacmangacnea Hamanngonoc ngaba anemmede!” Ifi deu Hamangngo ngictau nga ngactau yereac kicfu ngadea netackeu dzonoma fedeec.

Mitiyegec 10:18

Nga ngicngac goa yeni ogofocngina ebicfu faiyunugec. Faiyunugec ge ngicngac ubaebicgoc kecdae nga nambarac beging kecdae, yenenggareng ayemmema faka dindingac modacma ayemmebesena. Ge ifi anna bangecngic yeneng kengectoa monggoc mi meficgeyemmegecde.

Mitiyegec 116:3

Homecac witicngo dedecnuu homecamaac kengec amma ubaebicngo mendannuu ni ubaebic nga kengecgoc kecma

Mitiyegec 17:9

Ngic goa yeni Anutu ngadehema mangana megecdeac ayemmeu kpetotienubeso andae. Nga ngaba yeni kpebucnugecdeac negemma oronnuma nandae, ge yenearunac mesufununa.

Mitiyegec 31:18

Nga ngicngac enacbibicnginango ikoc angandae, ge yeneac enac medzickena. Ngic yeni yenanggac negenggec engena anu ngic ogofocngina dindingac ngadeyunuma yeneac ubakpekpeyoac deandae, ge ngic imoc yeneac enac medzickena.

Mitiyegec 38:17

Ni manubeso anu kpendzenggoc kecbare imocngo mong mi wanuude.

Mitiyegec 42:4

Ni onganaac negen negeng hafoangoc widicma edzacguma wiac yomoc negemba fede, ni warac ngicngac arengnginagoc kenggec waraiyemmeba Anutuac womonnu kening. Neni ngicngac habutoango hombang nasoninau sogac sogaigoc arohoma ubangerecac yegec heikefing.

Mitiyegec 6:4

O Kebu, ge dzigene hama kekecna ebicfunac mesina. Ge yoac dedzege amma imoc modackecnecac ebicfunac mesinuna.

Mitiyegec 7:2

Ngic mongngo yeneac mariunac naric mi mesinuudeac laionyangtoa isoc sorienacnginango sebina merecgegec kapuc kpeu menuma kembauac geng onggonnuna.

Mitiyegec 74:10

O Anutu, ngabafocnina yeneng naso dafiguc detenic anggenggecde? Ngabangic yeni nasoya nasoya geac kpac kuneng ngadeheandae, imoc mi ngereede.

Mitiyegec 74:18

O Kebu, ngabafocga yeni ngadeguma deendema anggenggec ngic negen negengngina kpac, yeni geac kpac kuneng demanganeandae, imoc negenna febeso.

Mitiyegec 8:2

Ge nambarac kapia nga sabac namuu kecdae uayoac yemmena yeneng geac kpac kuneng heiwayong memigec faka kuhagoc fingerude. Ge ngabafocga kecdae, yeneac amma ifi annec. Nambarac yeni ifi anggec ngabafocga nga ngicngac goa yeni turung kpoukpouyoac homac osoandae, yeni yoacngina kpac anu waicke tacgecde.

Mitiyegec 9:6

Ngabafocnina yeni amangina sesuhasac wisic wisickea kpac anu ngaba yeneng imohai kpac anggec. Geng taongngina hembarackena kpac anggec ngic mongngo yeneac naric mi negensiude.

Mataio 26:38

yofi edeyunuec, “Ubaongana ebiriyombonggeu homebeso anende, imocac ngeni yei nigoc ubagbori tacmina.”

Ruka 22:53

Ni Anutuac womonnu wenacsoc ngenigoc kecbareng ngeni sifu imohai mi menugec. Nga yaguc ine ngeneac naso anu kundunggac kucngo garenggac tatac mekecde.”

Yohane 16:6

Neng yoac yomoc edengunuduaac ine ngeni ubahodungngo mewakengunuude.

Roma 9:2

Ni nasosoc arengfocna yeneac amma ubahodungtoa nga ubaebicgoc kecduae.

Firipi 2:27

Nga foracngoc, ye hafei ammiu homebesonga anec. Nga Anutungo yeacsac kpac, ni momoc ubamangang negennemecma ngerec ngeree meficgemiec. Ifi anu ubahodung kuneng mi fingecnenec.