Mitiyegec 122:6 - Deduamiti

⁶ Ngeni ruae Yerusalaimnu feudeac numubisia. “Geac songo negengandae, yeni naric kecma wiac monggac mi obohobisia.

Yoak kekehagocac Dzadzahac gboria nga Mitiyegec

⁶ Ngeni ruae Yerusarennu feudeac numubisia. “Geac songo negengandae, yeni naric kecma wiac monggac mi obohobisia.

Mitiyegec 122:6 ပူးပေါင်းရင်းမြစ်များ

Fingec fingec 12:3

Nga ngicngac kenecgugecde imoc neng ifingoc kenecyunubade. Nga ngicngac sowecgugecde imoc sowecyunubade. Anu ngicngacareng bangeha bangeha kecgecde yeni geac amma kenecyunudacbesandua.”

Nehemia 11:1

Naso imohai kpebunggac enara yeneng Yerusalaimnu tacngisigec. Anu ngicngac tosea yeneng ngic tennunac mocgu meisinggegec, yeng ine kpetiac taong Yerusalaimnu kemma kefudeac kpeing kpegec. Nga ngicngac tosea 9 yenengsac taongnginasoc kecgecde.

Nehemia 11:2

Anu ngicngac goa yeneng Yerusalaimnu kecgecdeac efaigec, yeni demeseri ayemmegec.

Esta 4:8

Amma kpedzongaac yunugecdeac kibi meserima faigec Susa taonnu kendarec, imohacnac kibi mong ifingoc Estaaru mekemma haniaya dekperagimiudeac Modekaingo ngickuneng Hatak miec. Mima Estango Yehuda ngicngac yeneac agengngina tima ngictauac kicfu serima ubahodunggoc demembanang ammiudeac ifingoc edeec.

Mitiyegec 51:18

Ge Tsionggac songo negemma gombunga ammima Yerusalaimgac hocodatoa monggoc heimengere anna.

Bangec kisiu 24:9

Yeni laionyang isoc mama fedae, yeni laiongngagera isoc fedae. Mongngo ye yarudeac ammiudeacsoc mi ambesande. Ngic kenecngunubesandae, yeni kenecnginagoc. Sowecngunubesandae yeni sowecnginagoc.”

Yohane 17:21

Yeni sasawa mocgungoc anggecde nga geng suenunec, imoc ngicngac bangectoa bangec yomohai negensinggegecdeac yeneac yofi numugenduae, Manggac, ge neac hereu kecnec nga neng geac hereu kecduae, siriha ifingoc yeneng nerang here manau kecbisia.

Efeso 4:3

Amma Asuac ruaeac witicngo dedecngunuu uba mocgu anggec. Amma ngeni imoc herecgebauac seriyombonggema kecbisia.

2 Tesaronike 3:16

Kebu ruae mingina ye yengenaoc nasosoc nga sing hania haniau ruae ngemmebeso. Yeng ngenigoc sasawa kecbeso.

1 Yohane 3:14

Nenang tosofocnina heresongogoc hoangyunuandimbeac amma homec wama ferecgema kekecfu ening, imoc negendimbe. Nga ngic me ngac mong ye heresongogoc kekec mi negende, ye homecfungoc kefude.