Mitiyegec 120:1 - Deduamiti

¹ Ni ebicgoc kecma Kebu kpacba yeng kiacna negemma turunga merennembeso.

Yoak kekehagocac Dzadzahac gboria nga Mitiyegec

¹ Ni ebicgoc kecma kebu kpacba yeng kiacna negemma turunga merennembeso.

Mitiyegec 120:1 ပူးပေါင်းရင်းမြစ်များ

Mitiyegec 102:2

Ge neac ebicnasou kicga nearu mi sufuma kedzacga nearu faina. Ni kpacguba turunga bic merennenna.

Mitiyegec 107:13

Yeni ebicfu ifi kecma kebuaru kiacgec yeng kpendzeng imohacnac mesiyunuma

Mitiyegec 118:5

Ni ebic kuneng mema Kebu kpacba Kebungo kpakpacnaac turunga meremma ebicfunac yungecnuec.

Mitiyegec 121:1

Ni kicna tikiu fiba ende. Ni memeficac obohoduae, imocngo dahacnac haude, ifi kpesiduae.

Mitiyegec 122:1

“Nenang Kebuac amau enni.” Yeneng ifi edenugec ubangerec negenai.

Mitiyegec 123:1

Kebu ge kurumenga kurumenga imohai ngictau tatacgau tacna ni kicna gearu fiba erede.

Mitiyegec 124:1

Isracel ngeni yofi debisia, “Kebungo nenanggoc mi kecbacfu neni dafi ambesonga obohobing.”

Mitiyegec 125:1

Ngicngac Kebu negenserima kecdimbe, nenang Tsiontiki isoc. Wiac mongngo meu goroc goroc mi amma nasoya nasoya nangkefude.

Mitiyegec 126:1

Kebungo Tsion monggoc mengereu ngicngacfora naric kecgec, naso imohai nenang negenni imoc gau negendimbe isoc anec.

Mitiyegec 127:1

Kebungo ama mi meudeu ngic yeneng uatoa mema ama mekecdae, imocngo memefihagoc mong mi anude, kpac. Kebungo amabangec mi garenggeudeu ama gareng yeni gaugbori anggec uangina sifu memefihagoc mi anude.

Mitiyegec 128:1

Ngicngac Kebuac eweheiheigoc kecma yeac sing modacandae, yeni sasawango kenecnginagoc.

Mitiyegec 129:1

Isracelngo yofi debeso, “Ni sebigborinaungoc kecbareng ngic yeneng ebic kunennu fainugec.”

Mitiyegec 130:1

O Kebu, ni ubaebicnagoc emu keme kemeau isoc kecma kpacguduae.

Mitiyegec 131:1

O Kebu, herenau sebiengeng mi anganduae nga ubakpekpe arennu kicna wi mi meemma fibade. Wiac kuneng me bibiagoc amma ni feracnuma neacsoc mi ande. Ni imocac negen negeng ua mi mebade.

Mitiyegec 132:1

O Kebu, Dawidngo ebicfu engkefec, imoc negenna feu yeac negenna ngereebeso.

Mitiyegec 133:1

Negenggec, ngicngac daramuna ngeneng negen negengngina kpeturanggema ruaegoc kecandae, imocngo wiac songea yombong.

Mitiyegec 134:1

Kebuac kingang ngic Kebuac amau tofocnac nangandae, ngeni sasawango hadacma Kebu kenehebisia.

Mitiyegec 18:6

Ni ebicfu kecma Anutunango meficnuudeac kpacbare yeng womongau tacma ubaudumenna negemma kedzac kpema kiacna negenec.

Mitiyegec 50:15

ebicnaso hau ngeni ni kpacnugec neng ebicfunac mesingunuba ngeneng ni afenubisia.”

Mitiyegec 50:23

Nga ngic mong ye neac ewena heima ubangerecac sese heinemma sing dindingac modackecde, ye ebicfunac mesiba yeng Anutuac faka henude.”

Yona 2:2

yofi deec, “Ni hereebictoanagoc fema Kebu kpacsambic ammiba yeng imoc negemma yoacna merendac. Ni homecamaac hereau yombong fema meficnunadeac kpacguba geng ubaudumenna negendang.

Yona 2:3

Geng ukununa keme kemeau kemedua, ge kondunggac herea manau yombong ukununa ihai kemedua. Kemeba dokutunggbaungngo semenuu feba kondungsiriga nga siritembongga kucnginagoc sasawango kucgoc kpema neac witinau kendau.

Ruka 22:44

Yesungo ine negengebirima seriangoc numuu sengerangango sac isoc amma bangecfu maec.

Hebiraio 5:7

Yesungo bangecsebigoc kecma yofi numuec, “Ge homecfunac megborinubesena.” Ifi numumima kpacsambic ammima kunengngoc arohoma kiarec. Nga ye Anutu eweheimima enac tofoc tofoho kefecac Anutungo nunumuya negenec.