Mitiyegec 116:5 - Deduamiti

⁵ Kebu ye wosoefac nga faka dindingacac Kebu. Anutuninango ubamangang anemmeude.

Yoak kekehagocac Dzadzahac gboria nga Mitiyegec

⁵ kebu ye wosoefac nga faka dindingacac kebu. Anutuninango ubamangang anemmeude.

Mitiyegec 116:5 ပူးပေါင်းရင်းမြစ်များ

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Nehemia 9:31

Anu ge wosoefac nga ruaeac Anutu, imocac ubamangang ayemmema mi ngadeheyunuma meicyununa homedacgec.

Nehemia 9:33

Nga wiac sasawa imoc fingecnemmeec, naso imohai ge fakaga dindingac modacma garennunukecnec nga neneng ine mangana haniahania angkefing.

Nehemia 9:8

Amma ye here nengennegenga hafoangoc gearu feecac geng imoc henna ngereeu Kenacangareng, Hitiareng, Amoriareng, Peridziareng nga Yebuareng amma Gilgarareng, yeneac bangec sasawa imoc esamedacfora yemmenadeac yegoc dzadzahac menec. Ge dzadzahacga imoc modacnec amma geac fakaga imoc dindingac.

Mitiyegec 103:8

Kebungo wosoefac anemmema neneac ubamangang negemma ngaba bic mi anude. Ye yoac dedzege amma imoc modackecde, faka imocngo yearu wiac engena.

Mitiyegec 112:4

Ngicngac uba kongaha amma ikoc nga hamangecngina kpac kecandae, yeni kundung manau kecmagec kperagi fingecyemmeude. Kebu ye ubangerec ayemmema ubamangang negengyemmema dindingac kefude.

Mitiyegec 115:1

O Kebu, ge neneac kpac mi miacbesena, kpac. Geng yoac dedzege amma imoc modackecnec nga ge yoac modac modac Kebu, imocac geac kpac kuneng imoc eweheiheigoc kpacbesonga.

Mitiyegec 119:137

O Kebu, ge dindingac nga yoac isinggema foraya desiannec, imoc dindingac sasawa.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 86:15

O Kebu, ge Anutu ubamangang nga wosoefac mingina. Ge ngaba bic mi annade nga geng yoac dedzege amma imoc modackecnec, fakaga imoc wiac engena. Ge yoac modac modacac Kebu nga faka imocngo wake wakea fegende.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Danicel 9:14

Anu Kebu Anutunina ye angammemea sasawa dindingac ammanu neni yeac ubaudumenggac kedzac mong mi kpeing. Imocac amma ye neneac witiu ebicnina mehaudeac nasoac tomai kefec.

Danicel 9:7

O Kebu, dindingac kekec imoc geac nga game kpekpengo neneac ande. Yehudangic nga Yerusalaim ama mingina nga Isracel hafoangoc wegenac kecdae nga agac yombong kecdae yeni geac yoac wama yoac modac modacngina kpac kecgecac amma kisangyununa bangeha bangeha kemma kecdae.

Danicel 9:9

Kebu Anutunina geng neneac ubaga manganeu kopocsicnina wanadeac numugenduae. Neni geac yoacga nga ubaga kpekefing.

Efeso 2:4

Nenang Anutuac sing ferahema kecni ongaasunina homemea anec. Anu ye sifu negennemmema wosoefaha engena anemmema heresongogoc hoannunudeac amma Kristogoc homecfunac nenahafoc megborinunuec. Anutungo wosoefaha ngemmema kopocsicac ebicfunac mesingunuu komoc kpegecde.

1 Timoteo 1:14

Ifi kecbare Kebuninaac wosoefac nga heresongotoa yombong, imoc negen negensinggoc Yesu Kristoarunac nearu haec.

1 Yohane 1:9

Nga kopocsicnina deficgenideu Anutu faka dindingac mekecdengo yoac dedea modacma kopocsicnina wanemmema mangananina sasawa dzuarude.