Mitiyegec 115:11 - Deduamiti

¹¹ Ngicngac Kebu eweheiheigoc hoanggeandae, ngeni Kebu negenserima kecbisia, yennoc ngeneac memefic nga kasongina.

Yoak kekehagocac Dzadzahac gboria nga Mitiyegec

¹¹ Ngicngac kebu eweheiheigoc hoanggeandae, ngeni kebu negenserima kecbisia, yennoc ngeneac memefic nga kasongina.

Mitiyegec 115:11 ပူးပေါင်းရင်းမြစ်များ

Mitiyegec 103:11

Ngicngac yeneng eweheimigec yeng yoac yenigoc dedzege amma imoc modarude. Yeac faka siriha yofi, kurumenga kurumenga yeni bangec ferahama wi enggec fedae, ye ifi isoc ngicngacfora yeneac songo efea kpac negenude.

Mitiyegec 118:2

Isracel habu ngeneng yofi debisia, “Yeng yoac dedzege amma imoc modackecde, faka imoc nasoya nasoya feengkefude.”

Mitiyegec 118:4

Ngicngac Kebu eweheiheigoc hoanggeandae, ngeneng yofi debisia, “Yeng yoac dedzege amma imoc modackecde, faka imoc nasoya nasoya feengkecbesande.”

Mitiyegec 135:19

O Isracelac areng, ngeni Kebu kenehebisia. O Aharonggac areng ngeni Kebu kenehebisia.

Mitiyegec 147:11

Ngicngac ye eweheiheigoc hoangeandae, yeng yenemma nengenu ngereeude. Yeng yoac dedzege amma imoc modarude. Nga ngicngac yeneng imocac negensima fora fingerudeac tomai kecandae, ye yeneac negenu ngereeu sogaiude.

Mitiyegec 22:23

Ngicngac Kebu ewea heiandae, ngeni ye eriendzong memibisia. Nga Yacakowac gboricfora sasawa, ngeni ye afehebisia. Nga Isracelac gboricfora sasawa, ngeni hemma yeac negenggec engena andeac kicngina yearu fima afehema nambisia.

Mitiyegec 33:18

Foracngoc, ngicngac yeneng Kebuac ewea heiandae, Kebungo yeni kiwango yenenude. Yeng yoac dedzege amma imoc modackefude nga ngicngac yeneng imoc negensima fora fingerudeac tomai kecandae, ye kiwango yeninoc yenenude.

Aposoro 10:35

Ngic bangeha bangeha eweheimima angammeme dindingac angkecdae, yeneac negenu ngereeande.

Yohaneac kpefing 19:5

Ifi degec enacudumeng mong ngictau tatacfunac erema yofi deec, “Anutuac wanacarengfora nga ngicngac kuneng nga kapia amma ngicngac eweheimidae, ngeni dengeregec.”