Mitiyegec 112:5 - Deduamiti

⁵ Ngic mong ye sing dindingac modacma ngic wosoefac ayemmema yengena wiac turung dema maringinau faiu ua goa meandae, ngic ifia ye naric kecde.

Yoak kekehagocac Dzadzahac gboria nga Mitiyegec

⁵ Ngic mong ye sing dindingac modacma ngic wosoefac ayemmema yengena wiac turung dema maringinau faiu ua goa meandae, ngic ifia ye naric kecde.

Mitiyegec 112:5 ပူးပေါင်းရင်းမြစ်များ

Nehemia 4:13

Ifi anggec neng ngicngac arengnginasoc hendzicyunuma wasaibeang, tebe nga sangara yemmema, oda mi medzic medzickea imohai gareng nanggecdeac faiyunudarai.

Mitiyegec 37:21

Ngic Anutu ngadehema mangana meudeac ammiude, ye wiac turung amma mema turunga imoc mi kpouande. Ngic dindingac, yeng ubangerec negemma wiac naric eng yemmeude.

Ruka 23:50

Ngic mong kefec kpara Yosefe, ye Yudaia bangecfu Arimataia taonnunac. Amma ye yudangic yeneac tutumangtoaac memba kefec. Ye ngic yumea nga fakaya dindingac amma Anutuac eucererenggac tomai kefec. Nga yeac ogoforango yoac degec nga faka anggec, yeng imocac negenu mi ngereec.

Ruka 6:35

Anu ngeni ine ngabafocngina heregoc yeneac songo negemma faka gombunga ayemmebisia. Amma ngeni turungngina wagec yenearu febeso nga kpougecdeac mi negembisia. Ngeni ifi anggecdeu faka gombungaac bungngina kuneng feude nga ngeneng Mangngina Anutu Engenatoa yeac nambaracfora anggecde. Yeng ngicngac ihoc bahoha nga kichodungnginagoc nga ngic mangana faka gombunga ayemmeude.

Yohane 6:12

Negec gebecyunuu Yesungo medacfora yofi edeyunuec, “Yaka tosea neti anggec fema manganebacac ngeni imoc kpedzucnedacgec sakacfu kemedaru.”

Aposoro 11:24

Ye ngic gombunga amma ye ubeau Tiri Asu nga negen negensing wake wakea femiu ngicngac homacngo imoc hemma Kebuaru torokpegec.

Roma 12:11

Amma ngeni ua serima megecdeac modzotitia kpac kecma herengina wagec Asungo midiu ngeni Kebuac wanacareng kecma yeac ua mekecbisia.

Roma 5:7

Ngic mongngo ngic dindingacac amma homeudeac negenside, siduc ifia mi negengandimbe. Nga mong ye faka nga angammemea gombunga angkecde, mongngo yeac amma kengec wama homecfu naric kembac gedang.

Efeso 5:15

Imocac ngeni singngina gombunga hentegecma kengkecbisia. Amma ngeni negen negengngina kpac isoc mi kecbisia, kpac. Ngeni negen negentegecgoc amma kecbisia.

Firipi 1:9

Nga faka damocngo gombunga ande, ngeni imoc naric isinggegecdeac yofi numuanduae, ngeni heresongogoc hoangemema kecbisia. Nga songo imocngo yadima negen negeng kpeu keme kemea meficgeu Anutuac sing negentegecgecde, ifi numuanduae. Ngeni ifi negentegecma Yesuac nasotoa hasikeu kongaha nga kopocsicngina kpac nanggecde.

Kolosai 4:5

Ngeni ngicngac ngadeau kecdae, yeneac botucfu negen negentegecgoc kecma Kebuac sing edzacyunugecdeac nasongina mi ukubisia.