Mitiyegec 112:1 - Deduamiti

¹ Kebu eriendzong memibesonga, hallelu Yac. Ngic mong ye Kebu eweheihei ammiande nga yeac nonoyoac songotoagoc hoanggeande, ye kenehagoc.

Yoak kekehagocac Dzadzahac gboria nga Mitiyegec

¹ kebu eriendzong memibesonga, hallelu Yac. Ngic mong ye kebu eweheihei ammiande nga yeac nonoyoac songotoagoc hoanggeande, ye kenehagoc.

Mitiyegec 112:1 ပူးပေါင်းရင်းမြစ်များ

Mitiyegec 111:1

Kebu eriendzong memibesonga, hallelu Yac. Ngicngac uba kongaha amma ikoc nga hamangecngina kpac kecdae, yeneac kpebung habugoc namma heregoc yombong Kebu ubangerec ammibade.

Mitiyegec 111:10

Kebu eweheihei ammima ye hoanggebesonga. Faka imoc negen negentegecac hania ande. Ye eweheiheigoc hoanggeandae, yeni negen negengngina irec ireckea. Yeac eriendzong, imoc nasoya nasoya feengkecbesande.

Mitiyegec 119:14

Ngicngac yeneng dzofinacnginaac sogaiandae, ni ifi isoc geac dedekperagiyoac negemma sing imoc modacma sogaibade.

Mitiyegec 119:143

Ebic nga kpendzeng nearu fingecande, fora. Nga geac nonoyoacngo ubangerec meficgenenude.

Mitiyegec 119:16

Ni singyoacgaac ubangerec negemma geac yoac naric mi nigecnuude, kpac.

Mitiyegec 119:35

Nonoyoacgaac ubangerec negenduaeac sing imohai hesicnuna.

Mitiyegec 119:97

O, ni geac dedeseriyoacac songo homac yombong negemma asoacnac kemma marai imoc hennegeng amma negensima kecanduae.

Mitiyegec 128:1

Ngicngac Kebuac eweheiheigoc kecma yeac sing modacandae, yeni sasawango kenecnginagoc.

Mitiyegec 145:19

Ngicngac eweheihei ammiandae, yeni wiac monggac me monggac ayemmeu yeng imoc yemmeu naric kecgecde. Yeng kpakpacngina negemma ebicfunac mesiyunuude.

Mitiyegec 147:1

Kebu eriendzong memini, hallelu Yac. Anutunina yegec heimima dengereni, imoc wiac gombunga yombong. Ye ubangerec anemmeandeac amma ye sesehema yegec heimini, imoc ubangerehagoc nga faka imoc ngereede.

Mitiyegec 150:1

Kebu eriendzong memini, hallelu Yac. Anutu womongau eriendzong memibesonga. Yeac kurumenga kurumenga seria fekendae, ngeni imohai yaiyo kpemibisia.

Mitiyegec 40:8

O Anutuna, ni geac songo sogac sogaigoc modacbade nga geac dedeseriyoac imoc herenau fede.”

Makekeng 1:21

Anu gadzememengac yeri Anutuac damuyuruecac kogoc mema gboricgoc anoc.

Ruka 1:50

Kisicfunac kisic yeac ewea heimiandae, yeneac witiu yeac ubamangangngo feengkefude nga feengkecbesande.

Roma 7:22

Amma ubaonganau Anutuac dedeseriyoac ubangerecgoc hoanggekecbare

Roma 8:6

Anu uba eseaac negen negeng imoc homehagoc nga Asuac negen negeng imoc kekehagoc amma ruaeagoc.