Mitiyegec 111:3 - Deduamiti

³ Kebungo wiac sasawa meec, imocngo ngictauac kuhagoc nga damuyagoc wakema fede. Ye fakaya dindingacngo nasoya nasoya feengkecbesande.

Yoak kekehagocac Dzadzahac gboria nga Mitiyegec

³ Kebungo wiac sasawa meec, imocngo ngictauac kuhagoc nga damuyagoc wakema fede. Ye fakaya dindingacngo nasoya nasoya feengkefude.

Mitiyegec 111:3 ပူးပေါင်းရင်းမြစ်များ

Mitiyegec 103:17

Nga Kebungo sifu yoac dedzege amma imoc modarude. Ngicngac yeneng eweheihei ammigec yeng nasoya nasoya hoangyunuma kecengkefude, fakaya dindingac imocngo nambarac nga esamedacfocngina fingecgecdesoc, yenearu fekefude.

Mitiyegec 112:3

Yeac amau hiedzo finactoa endzirangoc feude amma yeac faka dindingacngo nasoya nasoya feengkecbesande.

Mitiyegec 112:9

Ye songea modacma wiac mederema ngicngac makpekpea yemmeude. Yeac faka dindingac, imoc nasoya nasoya feengkefude nga ye kuhagoc anu ngic yeneng eweheihei ammima nanggebesandae.

Mitiyegec 119:142

Geac dindingac kekec imocngo nasoya nasoya fefeseri feude nga febesande amma geac dedeseriyoac, imocngo fora.

Mitiyegec 119:144

Geac dedekperagiyoac sasawango nasoya nasoya dindingac feengkecbesande. Ge negen negentegec nenna gbori kecbesare.

Mitiyegec 145:17

Kebungo fakaya dindingac modacma wiac sasawa meande, imoc ubangerecgoc anemmeude.

Mitiyegec 19:1

Anutu ye kuc nga kibikperagiagoc, kurumenga kurumenga yeni siduc imoc dekperagikecdae nga sawango yeac marikibi deireckeude.

Makekeng 15:11

O Kebu, nemuonga nga anutu hania hania yeneac botucfu ge isoc mong mi kecdae! O, ge isoc mong mi kecdae. Ge engenatoa ngictauac kucgagoc amma ge kpetiac. Ge damu damugagoc amma faka bibiagoc angkecnecac geac heiwayong anggemma yegec heigembesonga.

Danicel 9:24

Yoac yofi deserigec, geac taongga kpetiac nga ngicngacarengga yeneac ebicngina imoc sonda sewenti anu wisickeude. Imohai sing feraheandae imocac faka kpac ambeso nga kopocsicngina kpae faima kopocsicac ngaba meickebesandae. Amma dindingac kekec feengkefude imoc mehabesandae nga kpefinnu onga nga profeteyoac foraya fingecbeso amma kpetiac yeneac Kpetiac yombong kerecdoku nadzicmibesandae.

Efeso 3:10

Ye negen negentegectoaya imocac hania imoc bicngoc Yesu Kristo Kebunina yearu arenggeu yaguc fora ande. Gareng areng nga areng kuctoanginagoc sawau kecdae, yeni imoc negentegecgecdeac Anutuac kpebungforango imoc dekperagiyemmebisia.