Mitiyegec 110:4 - Deduamiti

⁴ Kebungo yoac yofi bic deseriec, imoc naric mi meickeude, “Geng Melkitsedekac siricfu womonggareng wisic wisickea kpac kecengkecbesannec.”

Yoak kekehagocac Dzadzahac gboria nga Mitiyegec

⁴ kebungo yoac yofi bic deseriec, imoc naric mi meickeude, “Geng Merikisedeac siricfu womonggareng wisic wisickea kpac kecengkecnade.”

Mitiyegec 110:4 ပူးပေါင်းရင်းမြစ်များ

Fingec fingec 14:18

Ammanu Salem ngictau Maleki Tsedek ye Anutu Engenatoa yeac sesememe kefec. Nga yeng Awranggac icsogong nga waing mema kenec.

Mitiyegec 132:11

Kebungo yoac deserima Dawid yoac edeec, imoc naric mi meickeude. Ye yofi deec, “Ni geac bangecyombongga yeneac arennunac medacga mong meisinggema ye ngictautatacgau faiba tacbeso.

Dzekarya 6:13

Yennoc Kebuac womong mema eweheiheiac kibikperagi mebesande amma enara tatahau tacma gareng ua mebesande. Amma yeac hoannu womonggareng mongngo tatacfu tacma yerahafoc ruaegoc uangira mebesandape.

Bangec kisiu 23:19

Anutu ye bangecngic kpac, imocac ikoc mong naric mi anude. Ye bangecngicac medac mi ande, imocac ye monde mondeya mong mi fede. Yeng yoac mong dema faka imoc meude. Ye yoac dema ua imoc mesiude.

Hebiraio 5:6

Amma monnu yofi oho ohoya fede, “Geng Melkitsedekac siricfu womonggareng wisic wisickea kpac kecengkecbesannec.” (Myeg 110:4)

Hebiraio 6:20

Anu Yesungo nenanggac amma imocac manau warainemmema enec. Ye womonggarengtoa wisic wisickea kpac kecengkefudeac emma Melkitsedekngo kefec isoc kefude.

Hebiraio 7:11

Lewiac areng yeni womonggareng ua mekecgec, Anutungo imoc negensima Isracel ngicngac dedeseriyoac yemmeec. Nga Lewiac areng yeneng womonggareng ua megec wiac hafoangoc ngereebac dede Anutungo womonggareng monggoc fingerudeac mong mi debac. Nga yofi fingecbeso, womonggareng ngic mong Melkitsedek yeng kefec, siriha ifia fingecbeso amma ye Aronggac arennunac fingecbac imocngo mi ngereebac.

Hebiraio 7:17

Yeac negemma dedekperagi yoac yofi fede, “Geng Melkitsedekac siricfu womonggareng wisic wisickea kpac kecengkecbesannec.” (Myeg 110:4)

Hebiraio 7:21

Ye imoc Yesuaru faima yofi edeec, “Kebungo yoara meserima yofi deec, ‘Ge womonggareng wisic wisickea kpac kecengkecnade.’ ye yoara ifi meserima naric mi waude.”

Hebiraio 7:28

Foracngoc, dedeseringo ngic kucmamagoc uayoac deyemmeu womonggarengtoa angkecdae. Nga demeseriyoacgoc fingerec, imocngo Medac uayoac demiu yeng tatac mema kucmamea kpac nga hafoangoc gombunga wisic wisickea kpac feengkefude.

Yohaneac kpefing 1:6

Mesinunuma eucererenggac habu menunuma yegoc arennunuu nenang yeac Anutu nga Mamaac kurumenggac womonggareng amma kecnide, imocac ifi anec. Yearu kibikperagi nga kuc imoc wisic wisickea kpac fekengkecbeso, imoc fora.