Mitiyegec 110:1 - Deduamiti

¹ Kebungo neac Kebuna yofi edeec, “Ge marifoinau tacmana ngabafocga hanigaac bageau faiyunuba yeni hanigaac tatac ambesandae.”

Yoak kekehagocac Dzadzahac gboria nga Mitiyegec

¹ kebungo neac Kebuna yofi edeec, “Ge marifoinau tacmana ngabafocga hanigaac bageau faiyunuba yeni hanigaac tatac anggecde.”

Mitiyegec 110:1 ပူးပေါင်းရင်းမြစ်များ

Mitiyegec 109:20

Ngabafocna yeneng yoacfu nukecgec Kebungo turunga imoc kpouyemmebeso. Yeni ngadeyoac denenggec yeng ifi ayemmebeso.

Mitiyegec 8:1

O Kebu, ge Kebunina, bangectoa bangec fekendeu kpacga Engenatoa yombong feude. Ge kurumenga kurumenga feracyunuma kucga kibikperagiagoc wi yombong faina fede.

Mitiyegec 8:6

Ge marikibiga sasawa meficgema yeng imocac kunenga kefudeac fainec. Ge wiac sasawa yeac haniaac bageau bic faiminec.

Dzekarya 6:13

Yennoc Kebuac womong mema eweheiheiac kibikperagi mebesande amma enara tatahau tacma gareng ua mebesande. Amma yeac hoannu womonggareng mongngo tatacfu tacma yerahafoc ruaegoc uangira mebesandape.

Mataio 26:64

Ifi deu yeng meremma yofi edeec, “Imoc gennoc denec. Nga edengunuba negenggec, yaguc nga namma enude Ngicac Medacngo Kuctoa Minginaac foiaugeng tarude. Amma ye kurumenggac hoeng witiau hau ngeni imoc hembesandae.”

Mareko 16:19

Kebu Yesungo yoac ifi edeyunuu wisickeu Anutungo ye kurumennu meenu yeac foiau tacde.

Ruka 22:41

Ifi dema medacfora wayunuma kapianec kpesima kemma fafoc heima

1 Korinti 15:25

Kebu ye ngictau kecmanu Anutungo ngabafora sasawa hania bageau faiyunuude.

Kolosai 3:1

Ngeni Yesugoc homecfunac momoc gborima yacgec, ifi dema wiac wi fede, imocac angemmebeso. Kristongo imohai Anutuac foiau tacde.

Hebiraio 1:13

Anu Anutungo angero monggac yofi mi edeec, “Ge marifoinau tacmana ngabafocga hanigaac bageau faiyunuba yeni hanigaac tatac ambesandae.” (Myeg 110:1)

Hebiraio 1:3

Anu Medac ye yengenaoc Anutuac kperagia amma yeri siricngira mocgu andape. Nga Medac ye yoara kucgoc amma imocngo wiac sasawa bangecfu nga sawau amma kurumennu fekendacde, imoc nanggedaru fede. Amma ye ngicngac sasawa nenanggac kopocsic heidzuac ua mesima kurumennu Ngictau kuhagoc yeac foiau enec tacde.

Hebiraio 12:2

Kemma kicnina Yesuaru fikecbisina. Yeng negen negensinnina hafoangoc mengerema kefude nga yennoc ua imocac hania. Ye sogac sogai ngade haude, imoc negensima mariponggac kpendzennu emma game kpekpe bageau kekec, imoc tofohoma imoc wiac efea ifi negenec. Ifi amma Anutuac tatacac foiau emma yaguc tacdenoc.

Hebiraio 8:1

Imocac amma yofi fede, womonggarengtoaninango kurumenggac ngictautatac, imocac foiau tataha mema tacde.

1 Petoro 3:22

Yesungo bic kurumennu enec. Amma ye Anutuac foiau tacde. Nga angero nga wiac kpac kuneng memea amma kuc yemmeyemmea, yeac bageu bic faiyunuyunuya kecdae.