Mitiyegec 103:8 - Deduamiti

⁸ Kebungo wosoefac anemmema neneac ubamangang negemma ngaba bic mi anude. Ye yoac dedzege amma imoc modackecde, faka imocngo yearu wiac engena.

Yoak kekehagocac Dzadzahac gboria nga Mitiyegec

⁸ kebungo wosoefac anemmema neneac ubamangang negemma ngaba bic mi anude. Ye yoac dedzege amma imoc modackecde, faka imocngo yearu wiac engena.

Mitiyegec 103:8 ပူးပေါင်းရင်းမြစ်များ

Nehemia 9:17

Nga geng faka kuhagoc yenearu menec, imoc nigecyunuu ubaseri amma yenang songou sebiengenggoc enara meficyunugec. Amma enara imoc yeneng waraiyemmegec Aigita bangecfu wanac uau kecgec, imohai monggoc dzigenegecdeac negenggec. Anu geng ine kopocsic wawa nga ruaetoa amma wosoefacac Anutu nga herebuga tondzera amma songo fakagango mewakewakeguya, imocac amma ge mi ngadeheyununec.

Mitiyegec 130:7

Kebungo yoac dedzege amma imoc modarude. O Isracel, ge Kebu negensima fora fingerudeac tomai kecna. Yeng bummenunudacma ebicfunac mesinunuudeac kuc engena femide.

Mitiyegec 145:8

Kebungo ubangerec anemmema neneac ubea manganeude. Ye ngaba bic mi anemmeude amma yeng yoac dedzege amma imoc modackecde, faka imocngo wiac engena ande.

Mitiyegec 31:20

Ge kasonina anna ngicngac yeneng memanganenunugecdeac arenggegec geng mesufununuannec. Ge kasonina amma hoannununa ngic mangana yeneac yoac manganango naric mi memanganenunuude.

Mitiyegec 86:15

O Kebu, ge Anutu ubamangang nga wosoefac mingina. Ge ngaba bic mi annade nga geng yoac dedzege amma imoc modackecnec, fakaga imoc wiac engena. Ge yoac modac modacac Kebu nga faka imocngo wake wakea fegende.

Mitiyegec 86:5

Ge gombunga anemmema kopocsic wanemmenade. O Kebu, geng yoac dedzege amma imoc modackecnec. Nga ngic yeneng hofocgugec geng faka imoc modacma wiac gombunga efea kpac ayemmenade.

Yoele 2:13

Amma ngeni kopocsicngina heregoc yombong deficgedacbisia nga ngakpingina witiau eng mi kpesuckebisia.” Ngeni Kebu Anutungina yearu dzigenebisia, imoc yofiac, ye ruae nga wosoefactoa mingina amma herebuya tondzera nga songo fakayango mewakewakea. Amma ye kopocsicnina wama ebicfunac mesimesinunudeac efaikecde.

Yona 4:2

Kebu yofi numumiec, “O Kebu ni bangecnau kecmangoc yofi deai, ‘Faka imocnoc fingerude.’ Ni ifi negenaiac amma bic worama Tarsis imohai kembadeac negenai. Anu Anutu, ge wosoefacgagoc nga ngicngac yeneac ubaga manganeande, ge ngaba bic mi annade nga yoac dedzege amma imoc modacyombonggeannec amma memanganeyunubeso negengannec imoc waannec, ni imocnoc negenai.

Nahum 1:3

Kebu ye herebuya dengecdengec hakecde nga ye kuctoayagoc amma ngicngac kopocsicnginaac turung kpoukpou faka imoc mi waande nga hoengngo hanititiyaac yube angkecde amma firang kuhagoc nga gbungparandanggac manau sing kengande.

Bangec kisiu 14:18

Kebu ge herebugaac kuha garenggekecnec imoc bic mi fingecande, nocac ge yoac dedzege amma imoc modackecnec. Amma ngicngac angammemengina mangana amma goa memanganeyunugec nga singyoac kpegec ge yeneac kopocsic waannec. Nga ge kopocsicngina eng mi wanade. Imoc yofi, manggac yeni angammemengina mangana amma goa memanganeyunukecgec, geng imoc nambaracfocngina nga esangabofocngina yenearu turunga kpounade nga kpoubesannec.

Yakobo 5:11

Ngicngac modzotitia kpac kecgec, yeneac negenni kenehagoc anec nga ngeni Yopac yoac bic negenggec. Ye ebicfu serima kefecac amma Kebungo yearu faka gombunga meec. Kebungo ubamangang kuneng nga wosoefactoagoc fakaya anemmeude.