Mitiyegec 102:1 - Deduamiti

¹ O Kebu, ge nunumuna negenna memeficac kiacba imocngo gearu habeso.

Yoak kekehagocac Dzadzahac gboria nga Mitiyegec

¹ O kebu, ge nunumuna negenna memeficac kiacba imocngo gearu habeso.

Mitiyegec 102:1 ပူးပေါင်းရင်းမြစ်များ

Mitiyegec 12:5

Ifi degec Kebungo ine yoac yofi dede, “Yeni makpekpea memayunuma memanganeyunuandae. Anu ngicngac yeni ebic witiau kecma asoringa ayemmede, imocac yaguc yacma onggongyunubade. Yeni sufu sufuu ruaegoc tacgecdeac ayemmeudeu neng meyunuma hoannau faiyunubade.”

Mitiyegec 143:4

Imocac asuna herena manau worau herenango ebic meficgema hoc isoc ande.

Mitiyegec 143:7

O Kebu, asuna woradeac turunga bic merennenna. Ni kecma ngic homema bangecfu kemeandae, ifi isoc kemebaiac ge kicmesuga nearunac mi mesufuna.

Mitiyegec 145:19

Ngicngac eweheihei ammiandae, yeni wiac monggac me monggac ayemmeu yeng imoc yemmeu naric kecgecde. Yeng kpakpacngina negemma ebicfunac mesiyunuude.

Mitiyegec 18:6

Ni ebicfu kecma Anutunango meficnuudeac kpacbare yeng womongau tacma ubaudumenna negemma kedzac kpema kiacna negenec.

Mitiyegec 39:12

“O Kebu, ge nunumuna negenna memeficac kiacba ge kedzac faima negenna. Ni kickumana madeac ihoc bahoc mi anna. Ni kuricngic amma hama naso wegenanecsac kecbade. Ni esangabofocna isoc kuricngicsac anduae.”

Mitiyegec 42:4

Ni onganaac negen negeng hafoangoc widicma edzacguma wiac yomoc negemba fede, ni warac ngicngac arengnginagoc kenggec waraiyemmeba Anutuac womonnu kening. Neni ngicngac habutoango hombang nasoninau sogac sogaigoc arohoma ubangerecac yegec heikefing.

Mitiyegec 5:2

Ngictauna nga Anutuna, ni numugenduaeac kedzac kpena nga meficnunadeac kpacguba ge kpakpacna nga enacudumenna negenna.

Mitiyegec 61:2

Ni bangectoa bangec tegiau namba woubocna kucmama anu kpacguduae. Ge hesicnuna hoc peperandzi herea mong feracnude, imohai kemma nambisira.

Mitiyegec 62:8

O ngicngac, ngeni nasoya nasoya Anutu negenserima kecbisia. Yeac hoannu kemma sufuma kecnide. Ngeni herenginau wiac sasawa fedacde, imoc ye edebisia. Selac

Mitiyegec 77:3

Ni Anutu negensiba asoringa anenu ye hennegeng amma negensikecba ongana ebiriude. Selac

Makekeng 2:23

Anu ye kifa homac ihai kecmanu Aigita ngictau homeec. Anu Isracelngicngac yeni ine wanacngic kecma uangina kpendzenggoc mema kecma kiacubamangang amma Anutungo meficyunuma kpendzengnginaunac yungecyunuudeac kpacsambic ammima kecmagec kpakpacnginango yearu enec.

Ruka 22:44

Yesungo ine negengebirima seriangoc numuu sengerangango sac isoc amma bangecfu maec.

Hebiraio 5:7

Yesungo bangecsebigoc kecma yofi numuec, “Ge homecfunac megborinubesena.” Ifi numumima kpacsambic ammima kunengngoc arohoma kiarec. Nga ye Anutu eweheimima enac tofoc tofoho kefecac Anutungo nunumuya negenec.