Mitiyegec 100:3 - Deduamiti

³ Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

Yoak kekehagocac Dzadzahac gboria nga Mitiyegec

³ kebu ye Anutu, ngeni imoc negembisia. Yennoc meficnunuma menunuu nenang yeac ngicngac areng andimbe. Nga yeac ngicngac areng amma yeac rama habufora amma yeac oda manau kecdimbe.

Mitiyegec 100:3 ပူးပေါင်းရင်းမြစ်များ

Mitiyegec 119:73

Geng meficnuma marigango menuma memengere anennec. Ni nonoyoacgaac negen negeng arenggema mekecbadeac anende. Ge imocac negen negentegec nenna.

Mitiyegec 12:4

Yeni yofi deandae, “Neni nedzaranninango kuc nemmeu seria nannide nga enacbibicninango meficnunuu ngic mongngo naric mi garennunuma dzegenunuude.”

Mitiyegec 149:2

Yeng Isracel meficngunuu ngeni yeac ubangerec negembisia. Tsionggac medacfora, ngeni ngictaunginaac sogaibisia.

Mitiyegec 46:10

Anutungo yofi dede, “Ni Anutungina, ngeni waicke tacma imoc negembisia. Bangec monnunac ngicngac yeneng yaiyo kpenenggecde nga bangectoa bangec yeni afenugecde.”

Mitiyegec 78:52

Imoc wisickeu Anutungo ngicngacfora meyunuma rama wangecyunuma waraiyemmeandae, ifi isoc waraiyemmema kenec. Ngic yeneng bangec kisi dokuya kpacfu ramahabu hesicyunuandae, ifi isoc wangecyunuu kenggec.

Mitiyegec 79:13

Ifi anna neneng ngicngacfocga nga rama habufocga anni geng garennunukecna, neni nasoya nasoya ge eriendzong megennide. Nga fingecsahenina ngade feengkefudesoc, yeneng fingecma nenigoc torokpema ge ifingoc dedengerec anggengbesandae.

Mitiyegec 95:3

Kebu ye Anutu engena yombong, ye anutu sasawa yeneac ngictau engenatoa.

Makekeng 6:7

Yungecngunuba kenggec ni mengunuba neanna ngicngacareng anggecde nga ni Anutungina amma kecbade. Ngeni aigitangic yeneac bageu wanac kecma faficua ebiria mema kecmagec ni mengunuma imohacnac hesicngunuba kenggecde. Ifi fingeru ngeni yofi negentegecyombonggegecde, ni neannaoc Kebu Anutungina.

Yohane 17:3

Anu yeni Anutu mocgungo fora kecde amma yeng Yesu Kristo sueu maec negennurugecde, imocngo kekecseriac hania.

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

Efeso 2:10

Nenang Anutuac marikibi nga Yesugoc kpeturanggema kecni Anutungo angammeme gombunga arenggema derecgenemmeec. Nga yeng areng imoc modacma kecnideac denemmeec.

1 Petoro 2:25

Ngeni warac rama isoc sing segema kecgec. Nga yofinenggac ramagarenggaru bic dzigenegec yennoc ubaongangina henggareng angemmeude.

1 Petoro 2:9

Anu ngeni Anutuac faka kuhagoc dekperagigecdeac Anutungo ngeneac areng meisingngunuec. Meisingngunuma ngeni yengena areng ngicngac kpetiac anggecdeac mengunuma ngictauac arennu faingunuu womonggarengua mekecgecde. (Mke 19:5-6; Yes 43:20) Yennoc kundunnunac hagecdeac kpacngunuma kperagiau heitaingunuma yengena kperagi engena nga songea, imohai faingunuec.

1 Petoro 4:19

Ngicngac Anutungo negengyemmeu kpendzeng kpeandae, yeni angammeme gombunga angkecma ubaongangina hafoangoc Anutu bangec nga kurumeng meficgeec, yeac mariu faibisia, nocac ye dedzegeyoara mi waude, kpac.

1 Yohane 5:20

Anu nenang yoac fora Mingina negemminideac Medahango hama negen negentegec nemmeec, imoc negendimbe. Amma Anutu yoac fora mingina, yeac heremanau nga Medaha Yesu Kristo, yeac heremanau momoc kecdimbe. Yennoc Anutu fora amma kekecseri.