Mitiyegec 10:4 - Deduamiti

⁴ Ngic Anutu ngadehema mangana meudeac ammiande, ye sebia meemma deude, “Anutu ye wiac imocac mi kpesinenude.” Amma yofi negensima kecde, “Anutu mong mi kecde, kpac.”

Yoak kekehagocac Dzadzahac gboria nga Mitiyegec

⁴ Ngic Anutu ngadehema mangana meudeac ammiande, ye sebia meemma deude, “Anutu ye wiac imocac mi kpesinenude.” Amma yofi negensima kecde, “Anutu mong mi kecde, kpac.”

Mitiyegec 10:4 ပူးပေါင်းရင်းမြစ်များ

Fingec fingec 6:5

Kebungo bangecfu ngicngac yenenu yeni faka mangana homac meficgegec. Amma ubaherenginau negen negeng manganasac feu imocacsoc faka mangana nasosoc amma kecgec.

Mitiyegec 101:5

Mong ye ogea wegenac kecma yeac ngadeyoac sufu sufuu deude, ni ngic ifia memanganeba kpac ambeso. Ngic mong ye yengenaac negenu wiac engena anu ngic ogofora yenemma yeneac negenu mamea angande nga hereau ubakpekpe faka meande, yeac modzona tiude.

Mitiyegec 18:27

Geng ngicngac yumia ebicfunac mesiyununade. Nga ngic yenanggac negenggec wiac engena ande nga gamea kpac kecma kicngina miacandae, geng ine yeni memayununade.

Mitiyegec 27:8

Geng yofi denec, “Ge neac kicmesu hennadeac anggembeso.” Ge ifi dena herenango meremma dede, “O Kebu, ni geac kicmesuga hembeso anende.”

Mitiyegec 36:1

Ngic mong ye Anutu ngadehema mangana meudeac ammiu singyoackpekpengo yeac herea keme kemeau yombong kehema yoac edeude. Ye kiwango wiac hendacma Aunutuac kengec mong mi anude.

Mitiyegec 53:1

Ngicngac negen ngentegecngina kpac, yeni herenginau yofi negemma deandae, “Anutu mong mi kecde, kpac yombong.” Yeni fakangina manganeu faka mangana yombong hania hania angkecma yenearunac mongngo faka gombunga mi anude.

Mitiyegec 73:11

yofi deandae, “Autungo wiac imoc naric mi negenude. Anutu Engenatoa ye wiac ifia naric mi negenude.”

Makekeng 5:2

Ifi deec Parecongo ine yofi deec, “Kebu ye merac? Ni yoara negentofoho amma Isracel ngeni kenggecdeac naric mi faingunuba kenggecde, kpac yombong. Kebu ye merac, imoc mi negemmiduaeac amma naric mi faiyunuba kenggecde.”

Tsefanya 1:12

Naso imohai neng kifanagoc Yerusalaim imohai yerecgema, neac sing ngadehema yeni yenanggac sing imocac negenggec ngereeu yofi deandae, “Anutu ye sing gombungau me manganau wiac mong naric mi anemmeude.” yeninoc meficyunubadeac hofocyunubesandua. Meficyunuma yenearu turung kpoukpouua mebesandua.

Tsefanya 2:3

Imocac amma Kebuac nasongo mi hamanungoc, memaemema dedeseri yoara modacma kecandae, ngeni kebuaru kpeketahebisia. Amma kpetiac kekec nga memaemema kekec imoc hafoangoc mebisia. Faka imocngo Kebuac herebuac nasou ngeneac debang gedang angemmebesande.

Mareko 7:21

Nga ngic ubahereunac wiac yofia ereande, negen negeng mangana nga kaiserofaka amma hamangecfaka nga ngickpekpe amma eweeneng mewa nga kic hodung amma manganaac areng meme nga ikoc faka amma faka sicsauha nga keracmangang amma desureyoac nga sebiengeng amma ubafong,

Aposoro 8:22

Ge manganaga imoc wama ubaga dzigeneu Kebu numumina ubagau songo ikoha dzuacgembac.

Roma 1:21

Yeni Anutu negemmidae, amma eweheihei ine mi ammigecde. Nga ye Anutu, imoc negendaenoc nga yeni ine ye mi dengeregecde. Yeni ine negen negengngina ikoha, imocngo faka meu kicpisic nga ubafong anggec kundungngo ubanegen negengngina semeu sing segegecde.

Roma 1:28

Ngicngac yeni Anutu negemmibesonga negenggec wiac mamea anu faka imoc ngadehema wagec. Imocac amma Anutungo ifingoc kpae mi heima wayunuec. Wayunuu yeni faka kpedahango fenggeyunuu faka ngicngo mi angana, yeni imoc modacma angemekecgec.

Efeso 2:12

Naso imohai ngeni Kristoa kpac kecma israengic yeneac arennu torokpema mi kecgec. Nga Anutungo dzadzahacac yoac dedzege israengicngac kpeyemmeec, imocac ngadeau kecgec. Ngeni bangectoa bangec yomohai Anutua kpac kecgec nga kekec gombunga mong fingecbesande, imoc mi negensinggegec.