Mitiyegec 10:17 - Deduamiti

¹⁷ O Kebu, ngicngac yumia yeneng heresongongina edegugec ge imoc negemma herengina meseriyemmenade. Yeni kpacgugec ge kedzacga yenearu faina.

Yoak kekehagocac Dzadzahac gboria nga Mitiyegec

¹⁷ O kebu, ngicngac yumia yeneng heresongongina edegugec ge imoc negemma herengina meseriyemmenade. Yeni kpacgugec ge kedzacga yenearu faina.

Mitiyegec 10:17 ပူးပေါင်းရင်းမြစ်များ

Mitiyegec 102:17

Ye ngicngac makpekpea neneac nunumuac kedzac faiu wiacac desambic ammini imoc naric mi waude.

Mitiyegec 145:19

Ngicngac eweheihei ammiandae, yeni wiac monggac me monggac ayemmeu yeng imoc yemmeu naric kecgecde. Yeng kpakpacngina negemma ebicfunac mesiyunuude.

Mitiyegec 34:15

Kebungo kiwa ngicngac dindingac yenearu fima kedzac kpema kiacngina negenude.

Mitiyegec 37:4

Ge Kebuac songo negembesena. Ge ifi anna yeng heregaac songo modacma wiac genude.

Mitiyegec 9:12

Ye ngic sac hetinggegec, yeni negengyunuma kopocsicnginaac turunga kpouyemmeude. Ngicngac ebicnginagoc kecma ye kpacgec yeng imoc naric mi nigeckpeude.

Mitiyegec 9:18

Ngicngac iwaiac obohoma kecandae, Kebungo yeneac ebicngina nasosoc mi nigeckpeude, kpac. Ngicngac makpekpea yeneng Anutungo meficyunuudeac negensima tomai kecandae, yeni nasoya hau wiac imocac fora henggecde.

Mataio 5:3

“Ngicngac Asuac songou home homegoc kecandae, yeni kenecnginagoc, nocac kurumenggac eucerereng imoc yeneacnoc.

Roma 8:26

Ifi kecmina Asungo kucmamaninaac amma hama meficnunuu ifi me ifi numuni ngereeude, imoc mi negentegecandimbeac amma yeng agennina tima yoara kpac hereudumengau numuu Anutuaru engande.

Efeso 2:18

Asu mocgungo wangecnunuu ngeni nga neni kpeturanggema Manggacac hoannu naric hama nannide.

Efeso 3:12

Anu Kristongo sing meficgenemmeu ye negensinggema kengec nga ubayohoa kpac Anutuac hoannu naric fingeckecdimbe.

Yakobo 4:10

Ngeni Kebuac kicfu memaemegec yeng miacngunuude.

Yakobo 4:6

Anu yeng ferahema wosoefac kuneng anemmeude, imocacnoc mitikibingo yofi dede, “Anutungo ngic sebiengenggoc kecdae, yeni kekecngina memaude nga ubasebingina memama kecdae, yeni wosoefaha yemmeude.” (Yneg 3:34)

1 Petoro 3:12

Kebungo ngicngac dindingac yenearu kic fima nunumunginaac kedzac kpeude.” (Myeg 34:12-17) Nga mangana mekecdae, yeni ine yenengwa anude.

1 Petoro 5:5

Sebigbori ngeni ifingoc yadafocngina yeneac bageu memaemema kecbisia. Amma ngeni sasawa fakangina yumeau angemema kecma imoc wamba isoc heigec kemebeso. Imoc yofiac, “Anutungo ngicngac sebiengeng kecdae, yeni wayunuma memayunuude nga memaemema kecdae, yeni danggunuha yemmeude.” (Yneg 3:34)