Mitiyegec 10:16 - Deduamiti

¹⁶ Kebu ye ngictau kecde nga kecengkefude. Nga bangec monnunac ngicngac Anutu mi negemmidae, yeneng yeac bangecfunac meickema kpac anggecde.

Yoak kekehagocac Dzadzahac gboria nga Mitiyegec

¹⁶ kebu ye ngictau kecde nga kecengkefude. Nga bangec monnunac ngicngac Anutu mi negemmidae, yeneng yeac bangecfunac meickema kpac anggecde.

Mitiyegec 10:16 ပူးပေါင်းရင်းမြစ်များ

Mitiyegec 145:13

Geac eucerereng imoc nasoya nasoya feengkefu geng ngictauac kucngo garengyunukecnec, imoc ngic fingecsahenina fekefude, imocacsoc feengkecbesande. Kebungo yoara sasawa deec, imoc modarude nga faka angammemea imoc ubangerecgoc.

Mitiyegec 146:10

Kebu Tsionggac Anutu, ye nasoya nasoya geac ngictau anggengkefude. Ye fingecsahega fekefudesoc geac ngictau anggengkecbesande. Kebu eriendzong memini, hallelu Yac.

Mitiyegec 29:10

Kebungo ngictau tatahau dokutunggbaung witiau tacde. Ye ngictau tatacfu tacma ngictau nasosoc kecengkefude.

Mitiyegec 78:55

Yeng yeni hagecdeac amma bangec monnunac ngicngac Anutu mi negemmidae, yeni kporacyunuu kenggec bangec imoc Isracel kisi medereyemmeu yeni amagerecngina ihai feudeac kporucamanginau faiyunuu tacgec.

Mitiyegec 9:15

Ngicngac bangec monnunac Anutu mi negemmidae, yeni yenaoc teng usuma imohai kemegec nga ufic mesufuma faigec, imocngo haninginau meu mayunuec.

Mitiyegec 9:5

Geng ngicngac bangec monnunac Anutu mi negemmidae, yeni yunumeting ayemmenec nga ngic Anutu ngadehema mangana megecdeac ayemmeande, yeni kpetotieyununa kpac anggec kpacngina meickenec. Nga imoc sufuma nasoya nasoya kpac anude.

Mitiyegec 9:8

Ye faka dindingac modacma bangectoa bangecac ngicngac yoacngina isinggema foraya dema monde mondea kpac kecma ngiha ngiha yoacngina desibesande.

Mitiyegec 93:1

Kebungo ngictauac kuc, imoc ngakpi isoc heiu kemeu ngicngac garengyunuude. Ye ngictauac kuc heiu ngakpia ande. Ye kuha bic heima kebangau dzegeec. O, yeng bangectoa bangec tatahau faiu seria tacdeac wiac mongngo meu goroc goroc naric mi anude.

Makekeng 15:18

Kebu ye ngictautatac mekecde amma nasoya kpac meengkefude.

Danicel 4:34

Anu naso imocac wisic wisickeau Newukadnetsar ni kicna fiba kurumennu enu negen negenna monggoc ireckeec. Ireckeu Engenatoa kenehema kecengkecbesande ye eweheihei ammima yofi dema dengereai, “Yeng ngicngac yeneac kunengngina amma garengyunuma kecengkefude. Yeac eucerereng imoc fingecsaheya fingecsaheya feengkecbesande.

Danicel 6:26

Ni kibi yomoc ngemmema yoacseria mong yofi faiduae, ngicngac neac eucererennu noboc noboc kecdacdae ngeni Danicelac Anutuya yeac kicfu dzonong fedefede nga damugoc kecbisia, Yennoc Anutu kekehagoc ye kecengkefude nga kecbesande. Yeac eucerereng imoc naric mi kpetotiebesandae. Yeng Ngictaungina amma ngicngac garengyunuma kecde, faka imoc nasoya nasoya fekengkecbesande.

1 Timoteo 1:17

Ngictau wisic wisickea nga home homea kpac nga mi hengena ye mocgungo Anutu kecde. Ye eweheimima yeac dedengerec nga dedengerec fekengkecbeso, imoc fora.