Mitiyegec 10:14 - Deduamiti

¹⁴ Anutu, geng sifu ngicngac ebic nga kpendzenggoc kecdae, yeni yenemma ebicngina negensima marigango meficyununadeac negennec. Memangac manganea kecde, ye kekeha gearu waande nga geng beging yeneac memeficngic.

Yoak kekehagocac Dzadzahac gboria nga Mitiyegec

¹⁴ Anutu, geng sifu ngicngac ebic nga kpendzenggoc kecdae, yenemma ebicngina negensima marigango meficyununadeac negennec. Memangac manganea kecde, ye kekeha gearu waande nga geng beging yeneac memeficngic.

Mitiyegec 10:14 ပူးပေါင်းရင်းမြစ်များ

Fingec fingec 21:17

Anu Anutungo medacac kiac ubaudumeng negenu Anutuac angerongo kurumennunac kpacma Hagar yofi dema edeec, “Hagar, ge dafi annec? Anutungo medac edi fede yeac kiac ubaudumeng negendacac ge kengec mi guu.

Fingec fingec 31:12

Ifi deba yofi dema edenuec, “Lawangngo faka hania hania anggendarec imoc ni hendarai. Imocac ge kicga fina kenu henna. Ramaga nga noningga ngiwango ngagera feracyunuandae ngiwa imoc yeni sebingina faikperecge nga kibi kibi sasawa.

Mitiyegec 146:9

Ngicngac kuric kecgec Kebungo yenenggareng ayemmema ngachotsec ewefocngina homemea nga beging nanggeyunuude. Ngic Anutu ngadehema mangana megecdeac ayemmeande, yeneac singngina ine memanganeude.

Mitiyegec 22:11

Ebicngo mewegenenuu mongngo mi meficnuudeac geng neac hereau mi kecbesena.

Mitiyegec 31:8

Ge ngabafocna yeneac mariu mi fainuma sawea kuneng meficgenenna haninango naric tima nambade.

Mitiyegec 35:22

O Kebu, ge wiac sasawa bic hennec. Ge imocac yoacga mi waickena. O Kebu, ge neac hereau mi kecbesena.

Mitiyegec 55:22

Ge ebic sasawa tofohonec, imoc Kebu wamina yeng ebic imoc tofohodacma meserigubeso. Ye ngic dindingac garenggema kpae heimiu wiac mongngo ye meu goroc goroc naric mi anude.

Mitiyegec 68:5

Anutungo kpetiac womongau tacde. Ye beging mang ayemmema hotsec ewefocngina homemea yenenggareng ayemmema onggongyunuude.

Mitiyegec 68:6

Anutungo ngicngac dzengong amagerec meficgeyemmeu tosofocnginagoc kecgecde. Ye witicngic witicamaunac mesiyunuu yeneng mama kecma wiac monggac mi obohogecde. Yoackpekpe ngic yeni ine bangec dzangge dzanggeau kecgecde.

Makekeng 2:25

Isracelngicngac yenenggareng ayemmeu yengena areng anggecde, ifi negenec.

Makekeng 22:22

Ngeni ngachotsec nga nambarac mangkpac beging yeni ebic mi meficgeyemmebisia.

Makekeng 22:26

Amma ge dzoac turunga tosogaac ngakpi menadeu ine wenac mi kememanu monggoc meremmibesena.

Yoele 3:4

“Anu Tiro nga Sidong taong amma Perestia bangec sasawaac ngicngac, ngeni neac noc yoac mekecdae? Ngeni wiac andua imocac turung kpougecdeac negendae me? Ngeni turunga kpounenggecdeu, Neng imoc meremba ngenanungoc haude.

2 Timoteo 1:12

Imocacnoc kukusisic witiau kecduae. Imoc yofiac, ni ngic negensinggema kecduae, ye negemmiduaeac game naric mi nuude. Nga negen negensina seria yofi fede. Ye kuhagocngo wiacna yearu faiai fede, yeng imoc garenggekecmanu nasoya haude.

Hebiraio 4:13

Nga Anutungo wiac sasawa deu fingecdarec imocac wiac mongngo yeac kicfu sufu sufuya mi fede. Wiac sasawa imoc fingec fingec nga didiu yeac kic witiau fedacde amma yearunoc kekecninaac siduc memini imoc isinggedarude.

1 Petoro 4:19

Ngicngac Anutungo negengyemmeu kpendzeng kpeandae, yeni angammeme gombunga angkecma ubaongangina hafoangoc Anutu bangec nga kurumeng meficgeec, yeac mariu faibisia, nocac ye dedzegeyoara mi waude, kpac.

1 Petoro 5:7

Ye yengenaoc ngenenggareng angkecdeac ngeni ubaebicngina sasawa yearu faidacbisia.