Mitiyegec 1:1 - Deduamiti

¹ Ngic goa yeni Anutu ngadehema mangana megecdeac ayemmeu ngic mong ye imoc wama yeneac dederecgeyoac mi modacande, me ngic kopocsicgoc yeneac sinnu mi kengande, nga ye desusuicngic, yeneac botucfu naric mi tarude, ngic ifia ye kenehagoc.

Yoak kekehagocac Dzadzahac gboria nga Mitiyegec

¹ Ngic goa yeni Anutu ngadehema mangana megecdeac ayemmeu ngic mong ye imoc wama yeneac dederecgeyoac mi modacande, me ngic kopocsicgoc yeneac sinnu mi kengande, nga ye desusuicngic, yeneac botucfu naric mi tarude, ngic ifia ye kenehagoc.

Mitiyegec 1:1 ပူးပေါင်းရင်းမြစ်များ

Fingec fingec 49:6

Anu yeri herebu amma ngic kpebucyunuoc nga eng songeaac burumaka haninginau ginongngina herecgeoc. Imocac onganango yereac kpekpedzucfu mi kembeso nga eweheiheigoc kekecnango yereac habuu mi torokpebeso.

Fingec fingec 5:24

Kengkecma Anutugoc wegenac yombong kemma yenigoc monggoc mi kefec. Imoc yofiac Anutu yengenaoc ye meec.

Mitiyegec 1:6

Anutungo ngicngac dindingac yeneac sing hennegeng amma garengyunuude. Nga ngic Anutu ngadehema mangana megecdeac ayemmeande, yeni ine kpac anggecde.

Mitiyegec 106:3

Ngicngac sing dindingac nasosoc modacbeso ayemmeande nga faka dindingac angandae, yeni kenecnginagoc.

Mitiyegec 112:1

Kebu eriendzong memibesonga, hallelu Yac. Ngic mong ye Kebu eweheihei ammiande nga yeac nonoyoac songotoagoc hoanggeande, ye kenehagoc.

Mitiyegec 119:115

Ni Anutunaac nonoyoac modacbadeac negenduae. Yarengic ngeni imocac wanuma kembisia.

Mitiyegec 144:15

Ngicngac sasawa Kebuac kenecgoc ifi kecandae, yeni sogac sogainginagoc. Kebungo ngicngac ngeneac Anutungina ande, ngeni kenecnginagoc amma kecgecde.

Mitiyegec 146:5

Yacakowac Anutungo ngic monggac memeficngic anude, imohai ngic imocngo kenehagoc anude. Ngic mong ye Kebu Anutu negensima fora fingerudeac tomai kecande, ye kenehagoc.

Mitiyegec 146:9

Ngicngac kuric kecgec Kebungo yenenggareng ayemmema ngachotsec ewefocngina homemea nga beging nanggeyunuude. Ngic Anutu ngadehema mangana megecdeac ayemmeande, yeneac singngina ine memanganeude.

Mitiyegec 2:12

Medac ye herebu bic angkecde. Yeng ngaba angemmeu ngeni sinnu manganema kpac ambauac haniau ngonducnema titikokoc ammibisia. Ngicngac yeac hoannu sufuma kecdae, yeni kenecnginagoc.

Mitiyegec 26:12

Haninango bangec sorongau tima nambade nga habutoa yeneac kicfu Kebu kenehebade.

Mitiyegec 34:8

Kebu gombunga, ngeni imocnoc tobanggema kicnginango hembisia. Ngic mong ye yeac hoannu kemma sufuma kecande, ye sogac sogaigoc kefude.

Mitiyegec 36:4

Nga ye fefeau fema ogofora tobangyunuudeac mangana arenggema sing manganasac modackefudeac negenude. Ye faka angammeme mangana mong mi ngadehema waude.

Mitiyegec 64:2

Ngic yeneng Anutu ngadehema mangana megecdeac ayemmeu sufu sufuu yoac dedzege angandae. Geng yenearunac mesufununa yeni mi meficnubisia. Yarengic yeni memanganenugecdeac areng faigec ge mesufununa yeni mi meficnubisia.

Mitiyegec 81:12

Imocac wangunuba ngeni ubaseringinagoc kecma ngenang negen negeng modacgec.

Mitiyegec 84:12

O Kebu, kurumenggac wasaiareng kunengngina, ngic mongngo negenseriguma kecande, yennoc kenehagoc.

Mataio 16:17

Ifi deu Yesungo yofi edeec, “Simong, Yonaac medac, yoac imoc ngic dedeunac mi dedang, imocac ge kenecgagoc. Manna kurumennu kecde, yennoc imoc mekperagima edeguu dedang.

Ruka 11:28

Kparu Yesungo imoc wama yofi deec, “Ngicngac Anutuac yoac negemma hoanggeandae, yeni kenecnginagoc.”

Yohane 13:17

Ngeni yomoc negemma modacgecdeu Anutuac ubangerecngo ngenearu feude.

Yohane 20:29

ifi deu Yesungo yofi edeec, “Ge kicngo nendanggac negensinggenec. Nga ngic mong ye kicngo mi hemma negensinggeude, ye kenehagoc.”

Roma 5:2

Yeng sing meficgenemmeu Anutuac danggunuc manau yofinenggac kecdimbe. Nga Anutuac kuc kibikperagiagoc ngade fingecnemmebesande, imoc wiac engena, ifi negemma sogaima kecdimbe.

Efeso 6:13

Imocac Anutuarunac tebemarikungina nga dzikacac wiac sasawa, megec kemeu dzikacnasou seria nammagec ngaba yeneng naric mi memangunuma woragec ngeni seria nanggecde.

1 Petoro 4:3

Bangec monnunac ngicngac Anutu mi negemmidae, yeneac kekecac negensongoac faka yofi fede, imoc kaiserofaka nga kickerec angkecdae amma doku seria tosofocnginagoc nema ubangina sufuande nga sing sege segea modacma imocac siricfu nemu hania hania afeheyunugecde. Ngeni warac faka ifia angkecgec imoc monggoc mi ambisia.

Yohaneac kpefing 22:14

Mehaba ngicngac kekecac icac deyecdeyemmea nga naguusing taongtoau naric eregecde amma wambangina dzuac dzuara, yeni kenecnginagoc.