Mika 7:8 - Deduamiti

⁸ Ngabafocna ngeni sogaima tenicfagoc mi anenggec! Ni makpema kundunnu kecduae nga Kebungo kperagina anu monggoc yacbade.

Mika 7:8 ပူးပေါင်းရင်းမြစ်များ

Mitiyegec 112:4

Ngicngac uba kongaha amma ikoc nga hamangecngina kpac kecandae, yeni kundung manau kecmagec kperagi fingecyemmeude. Kebu ye ubangerec ayemmema ubamangang negengyemmema dindingac kefude.

Mitiyegec 143:3

Ngabangicnango kporacnuma kekecna bangecfu kpefahau ni kundung manau homecngic bic homegec, yeni isoc tacbadeac fainuec.

Mitiyegec 20:8

Yeni kucngina kpac anu fafocnginango heima mayunuude. Nga nenang yacma hongngoc serima nannide.

Mitiyegec 27:1

Kebu ye neac kperagi nga memengerec, ni wiac monggac kengec naric mi ambade. Ye sufu sufuamana amma ye kekecna onggonggema kecdeac monggac kengec mi ambade.

Mitiyegec 35:19

Anu ngabafocna yeneng hania kpacfu ngaba anemma dedzomoc anembauac kpae heiyemmebesena. Yeni hania kpacfu neac modzongina tiu ebic imocac ubangerec negemma kicparac kpounembauac kpae heiyemmebesena.

Mitiyegec 37:21

Ngic Anutu ngadehema mangana meudeac ammiude, ye wiac turung amma mema turunga imoc mi kpouande. Ngic dindingac, yeng ubangerec negemma wiac naric eng yemmeude.

Mitiyegec 37:24

Ye todinggebac, fora. Nga Kebungo mariau medeac naric mi makpeude.

Mitiyegec 38:16

Ni numuma yofi deduae, “Ngaba yeneng feracnuma ubangerec negembauac nga tiposockeba yeneng negenggec wiac engena anu yoac homac osobauac kpae heiyemmebesena.”

Mitiyegec 84:11

Nocac Kebu Anutu ye wenac nga kaso. Ye wosoefac nga eweheihei anemmema ngicngac dindingac kecandae, yeni faka gombunga ayemmema wiac gombunga mong naric mi segereyemmeude.

Mitiyegec 97:11

Ngicngac dindingac kecandae, yenearu ama wereckenude. Nga ngicngac uba kongahagoc kecdae amma herenginau ikoc nga hamangec mong mi fede, yeni sogac sogai meficgegecde.

Amosi 9:11

“Naso mong haude imohai, “Ni Dawidac eucererengnga makpeec imoc monggoc medzuacma me-mengere ambade. Amma hocoda dzamedzamea imocac sesuhau wiac sasawa manganedarec, imoc monggoc mengerema warac tarec ifi isocngoc faibade.

Owadya 1:12

Ngeni namafocngina yehudangicngac yeneac naso manganau ngeni feac feac anggec. Amma ngabafocngina yeneng amabangecngina memanganegec ngeni naso manganggac ebic imoc hemma sogac sogai nga dearogoc dzomoreyemmegec. Faka ifia imoc mi anganggacsoc anggec.

Mika 4:10

O Yerusalaimgac ngicngac, ngeni ngacngo medac meudeac gadze kiu merengkpereng angande ifi isoc andae, imocac yaguc ngeni taontoa wama didiu tebac tirecgema ihai kecbisia. Ammanu Babilon taonnu kenggec, ihai Kebungo agengngina tima onggongngunuude amma ngabafocngina yeneac mariunac mesingunuude.

Mika 7:10

Anu ngabafocnina yeneng imoc hemma gamengo mebucyunuude. Yeni “Kebu Anutuga damoc.” Dekecgecac, kicnango yenembare makpegecde. Yeni hania bageau makpegec singtoaac singbisihau goteng isoc tipatangyunuude.

Dzekarya 12:8

Kecma Kebungo nasoya debesande, naso ihai ye ngicngac Yerusalaim taontoau kecdae, yeni kaso kpeyunuu komoc kpebesandae. Anu yeni kucmama kecdae, naso imohai yeneng kucnginagoc Dawid isoc ambesandae amma Dawidac kisic yeni Anutu isoc anggecde. Amma Kebuac angerongo yehudangicngac waraiyemmec, ye isoc yombong amma waraiyemmebesandae.

Malecaki 4:2

Anu kpacna eweheimiandae ngenearu dindingac kekec wenac isoc ereu memengerec meficgeyemmeude. Ifi anu burumakamedaha yeneng amanginaunac mesiyunugec bangecfu mama sogac sogai yuengyuma kengkecdae ngeni ifi isoc ambesandae.

Mataio 4:16

Ngicngac kundunnu kecgec, yeni kperagi kuneng henggec nga ngicngac homecac bageu bangecfu kecgec, yeneac botucfu kperagia fingerec.” (Yes 9:1-2) Yoac imoc fora anudeac ye Kafanaung taonnu tacyac anec.

Yohane 16:20

Foracngoc, ngeni kiac songgong ammagec bangectoa bangec yomocac ngicngac yeneng sogaigecde, imoc edengunuduae. Nga ngeni ubahodung anggec ubahodungngina imocngo merennu ngeni ubangerec monggoc meficgegecde.

Yohane 8:12

Yesungo monggoc torokpema yoac yofi edeyunuec, “Ni bangectoa bangec imocac ngicngac ngeneac kperagi. Mong ye ni modacnude, yeng kundunggac sing mong mi modarude. Amma ye kekecac kperagi mekefude.”

Aposoro 26:18

Amma ni yenearu sueguba ge kemma ngicngac kicngina merecgena kundung ngadehema kperagiu kembisia. Amma Satanggac kuc herecgena yeni Anutuaru kembisia. Ifi amma yeni Anutuarunac kopocsic wawa megecde. Mema kpetiac kekec yemmeyemmea nga Kebu ni negensinnudae, yeneac habuu torokpegecde.’

2 Korinti 4:6

Anutungo yofi deec, “Kundununac kperagi fingecna.” (Fing 1:3) Anutu yennoc ubaherenina mekperagikecde. Amma Kristo ye Anutuac kuc nga kibikperagia negentegecde, negen negentegec imocngo yeac kicmesuyaunac hama ubaherenina mekperagiude.

2 Korinti 4:9

Ngic yeneng kporacnunumagec Kebungo naric mi wanunuude. Yeni nunugec manunuu sifu mi kpac angandimbe.

Yohaneac kpefing 21:23

Nga Anutuac kuc nga kibikperagiango taongtoa mekperagiec nga ramamedahango kperagia anec. Imocac amma taongtoa ye wenac me afokperagi uangira kpac, imohai monggoc mi mekperagiecde.

Yohaneac kpefing 22:5

Imohai tofocnac monggoc mi anude nga kifa me wenacac kperagi imoc yeni uangina kpac, nocac Kebu Anutungo mekperagiyunubesande. Nga ngicngac yeni ngictau ua megec nga mekecgec imocac nasoya wisic wisickea kpac.