Mika 7:16 - Deduamiti

¹⁶ Anu bangeha bangeha yeneng imoc hemma kerectegec amma gameyunuu ubangina kuhamaude. Ifi amma yoacngina dugungkpeu kedzacngina kpefonggegecde.

Mika 7:16 ပူးပေါင်းရင်းမြစ်များ

Mitiyegec 126:2

Nenang enacbibicfu dzomocngo wakeu sogac sogaiac yegecngo nedzaranninau feu bangec monnunac ngicngac botucnginau degec, “Kebungo yeni wiac kuneng yombong ayemmeec.”

Mika 3:7

Ifi anu Anutuarunac turunga mi haudeac amma ongaheheng yeni gameyunuude nga mamocngic yeni mesukiki amma kicmesungina sasawa semegecde.”

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Haggai 2:22

Amma bangec noboc noboc yeneac ngictaufocngina yeneac tatac hetutuckema bangec noboc noboc gawamangnginaac kuc meickeba kuha kpac andarude. Amma keretac nga keretac kisang kisangngic yeni hetutucyunubade. Amma becosic kisang kisangngic yeni becocsicnginau tacma dzikacac beangngo yenaocngoc ewema kpebucemema becosicnginagoc todinggema mayunuude.’

Dzekarya 12:9

Kecma nasoya hasikebesande, imohai neng bangeha bangeha yeneng Yerusalaim imohai hama Yerusalaim ngaba ammiandae, yeni memanganeyunudacbesandua.

Roma 3:19

Neni yofi negendimbe, dedeseriyoac imocngo ngicngac dedeseriyoacac bageau kecdae, imoc yeneac enacngina medzickeudeac nga bangeha bangeha ngicngac sasawa yeni Anutuarunac turunga megecdeac amma yoara dede.

Yohaneac kpefing 11:18

Ngicngac bangeha bangeha kecdae, yeni herebu anggec geac herebuac naso ine yofinenggac hau geng homegec yeni yoacngina isinggema desinade. Wanacngicfocga profete nga kpetiac arengfocga kuneng nga kapiango geac kpacga eweheiandae, yeni angammemenginaac turunga megecde. Nga ngicngac bangec memanganegec geng memanganeyunubesannec.”