Mika 7:14 - Deduamiti

¹⁴ Ramagareng ge maridzomingfocga kateu tembucngina kecgec yeni gareng kaponggango garengyununa. Amma bangec dokuyagoc nga kerehagocfu warac kecgec isoc, Basang nga Gilecad ihai ngicngacfocga faiyununa menec amma kecbisia.

Mika 7:14 ပူးပေါင်းရင်းမြစ်များ

Mitiyegec 100:3

Kebu ye Anutu, ngeni imoc negembisia. Yennoc meficnunuma menunuu nenang yeac ngicngacareng andimbe. Nga yeac ngicngacareng amma yeac rama habufora amma yeac oda manau kecdimbe.

Mitiyegec 143:5

Ni warac naso, imoc negemba fede nga geng ua mekecnec, imoc hennegeng amma negensikecduae. Ge marigango marikibi meficgenec, imocac ubangerec negemma hennegeng angkecduae.

Mitiyegec 28:9

O, ge ngicngacfocga ebicfunac mesiyununa amma geangga ngicngacfocga andae, yeni kenecyunuma yenenggareng ayemmema nasoya nasoya tofohoyunubesena.

Mitiyegec 95:7

Ye Anutunina nga nenang yeac ngicngacfora. Ye yengena odayau fainunuma nenenggareng angkefu ramafora anni yeng mariango menunuu kecdimbe. O, ngeni yaguc kedzac kpema yeac enacudumeng negembau, imocac yombong anende.

Makekeng 33:16

Nga ge neac negenna ngereede imoc negembadeac edzacnunubesena. Ge bangectoa bangecac kicfu ni nga ngicngacfocga nenigoc kenna. Ifi anna ngicngacareng sasawa yofi negenggecde, neni siricnina mong andimbe.”

Amosi 9:11

“Naso mong haude imohai, “Ni Dawidac eucererengnga makpeec imoc monggoc medzuacma me-mengere ambade. Amma hocoda dzamedzamea imocac sesuhau wiac sasawa manganedarec, imoc monggoc mengerema warac tarec ifi isocngoc faibade.

Owadya 1:19

Yehudaac foecbangecfu kecdae ngeni Edomgac sifecbangec megecde. Nga sepelangic yeni pelistingic yeneac kondungbangec tumia fede imoc tigec enude nga isracelareng yeni Efrayim nga Someronbangec megecde amma Benyaminggac areng ngeni Gilecadbangec mebesandae.

Mika 5:4

Anu ye Kebuac kucfu namma habufora garengyunuude nga Kebu Anutuyaac kpackunengnga eweheiheiagoc didiu mekperagiyemmeude. Anu yeni kengeha kpac kecmagec kpackunengngango bangec tegiau kendacbesande.

Tsefanya 3:13

Ifi anu yeni sing mi ferahebesandae nga ikocyoac mong mi debesandae amma enacbibicnginango faitobangyoac mong mi debesandae. Yeni yaka nekecma mama fenegembesandae. Fenegemmagec mongngo kengec mi meficgeyemmebesande.

Dzekarya 10:10

Ni Aigitabangecfunac monggoc meyunuma hesicyunuba bombangecnginau dzigenema Assur bangecfunac meyunuma kpedzucyunubesandua. Amma bangecnginau faiyunuba amabangec imoc sokodacma kengkecma Gilecad nga Lewanon bangecfu ihai wisickebesande.

Dzekarya 11:7

Ni rama kpehou anganggac areng ebicfu enggec, yeneac gareng anai. Amma yasu yohockang meyuruma monggac kpara danggunucac yasu nga monggac kpara uba mocgu kekec, ifi kpacyuruyai. Ifi kpacyuruma ramagareng anai.

Malecaki 3:4

Ifi anggecdeu Yehuda nga Yerusalaim yeneac sesengina imocngo kifaya kifaya feereec, siria ifia isoc anu Kebungo monggoc hengsongo amma sesengina imoc hoanggebesande.

Bangec kisiu 23:9

Ni hoc peperandzi bumau namma ye henduae, ni tiki bumaunac kic fima henduae. Ngicngacareng imoc yeni tembucngina kecma yofi negendae, neni ngicngacareng goa yenigoc kpedzucnema mi kecnide.

Bangec kisiu 32:1

Recuwen nga Gad yereac esangabofocngira yeni Yacedzer nga Gilecadbangec, bangec yohockang imoc henggec ramaburumaka imohai naric kekecacsoc anec. Nga yeneac burumakahabu kuneng nga homac kecgec.

Bangec kisiu 32:4

bangec imoc Kebungo Isracelkpebung nenang kicfu meec, bangec imocnoc ramaburumaka yeneng kekecac siric yombong ande anu enactofoc tofohofocga neni ramaburumakafocninagoc.”

Mataio 2:6

‘Yuda bangecfu Beterehennac enara mong fingecma israengicngacfocna garengyunuudeac taong imoc yudaarenggac taong goa yeneac mamea kpac.’ ” (Mika 5:2)

Yohane 17:16

Ni bangectoa bangec yomohanac kpac nga yeni ifi isocngoc yomohanac kpac.