Mika 7:10 - Deduamiti

¹⁰ Anu ngabafocnina yeneng imoc hemma gamengo mebucyunuude. Yeni “Kebu Anutuga damoc.” Dekecgecac, kicnango yenembare makpegecde. Yeni hania bageau makpegec singtoaac singbisihau goteng isoc tipatangyunuude.

Mika 7:10 ပူးပေါင်းရင်းမြစ်များ

Mitiyegec 109:29

Ngicngac mesunau nuandae, yeni eweheiheia kpac kecbisia. Imocngo wamba isoc sangoyunubeso. Yeni gameyunuu kecdae, imocngo ngakpitoa isoc witinginau embeso.

Mitiyegec 115:2

Bangec monnunac ngicngac Anutu mi negemmidae, yeneng deandae, “Yeni Anutungina mong mi hendimbe, kpac.” Yeni nocac ifi deandae?

Mitiyegec 18:42

Ni kpedzameyunuba yeni sendung firangngo mefiranggeande, ifi isoc anggec. Ni sinnu goteng isoc meicyunuma ngadeau ukuyunuai.

Mitiyegec 35:26

Yeni neac ebicac amma ubangerec negendae, imocac ge negemmana yeni oboc kpoboc anggec game kpekpeu faiyunubesonga. Ngicngac goa yeneng memanuma feracnuma ubangerec negendae, yeni gamengo wamba isoc semeyunuu eweheiheia kpac kecbisia.

Mitiyegec 42:10

Ngabafocna yeni deendema anemma deandae, “Ge Anutuga mong mi hendimbe, kpac yombong.” ifi degec kubec manganaac kpendzeng kpeandimbe, kpendzeng ifi isoc sebinau kpeduae.

Mitiyegec 42:3

Ni hadzing toforec kickumanango yakana angkefu ngicngac yeni nasosoc kpesinendae, “Geac Anutu mong mi hendimbe, kpac yombong.”

Mitiyegec 58:10

Yeni kopocsicnginaac turunga ifi fingecyemmeu ngic dindingac yeni imoc hemma sogaigecde. Yeni ngic Anutu wama kopocsic meficgegecdeac ayemmeande, yeneac sacngina tima haningina dzuacgec

Mitiyegec 79:10

Bangec monnunac ngicngac Anutu mi negemmidae, yeneng yofi debau, “Ngeni Anutungina mong mi hendimbe, kpac.” yeni ifi degec negemba naric mi ande. Ngic yeneng kingang ngicngacfocga sacngina kpakegec, imocac turunga bangec monnunac ngicngac yenearu kpouyemmena neni kicninango hemma nambisina.

Mitiyegec 92:12

Ngic dindingac yeneng pam ic gombunga sabayagoc, ifi isoc andae. Yeni Lewanon bangecac yomondzoc ic herea yadiseri angande, ifi isoc yadiseri anggecde.

Danicel 3:15

Imocac ngeni yaguc efaima kecmagec trampet nga kungac fifigecde nga gita witicngina homac kpegecde nga aieng wiac nga gita kpegecde nga kungac gurugoc memea fifigecde amma musi sasawa goaac udumeng hania hania fingeru negenggecde naso imohai bangecfu ngonducnema onga medua imoc eweheimima numumibisia! Nga eweheimima mi numumigecdeu imohaingoc mengunuma ukungunugec gerecamatoa manau gerec dzekecde imohai kemegec negemba anutu mongngo marinaunac onggongngunuma naric mi mesingunuude!”

Yoele 2:17

Amma yofi ambisia, womonggareng Kebuac amau waraiyemmeandae, yeneng nagu nga arata botucngirau kiacma yofi debisia, “Kebu, maridzomingfocga neneac ubaga manganebeso. Nga ifi mi annadeu ngicngac goa yeneng bangeha bangeha yeneac botucfu ngadenunuma desusuic anemmema yofi degecde, ‘yeneac Anutu ye dahai?’ ”

Owadya 1:10

Ngeni namafocngina Yacakowac bangecfora kpenggodzu hania hania ayemmegecac amma game witinginau takefude. Imocac kpacngina dzuacba monggoc mi febesande.

Owadya 1:12

Ngeni namafocngina yehudangicngac yeneac naso manganau ngeni feac feac anggec. Amma ngabafocngina yeneng amabangecngina memanganegec ngeni naso manganggac ebic imoc hemma sogac sogai nga dearogoc dzomoreyemmegec. Faka ifia imoc mi anganggacsoc anggec.

Mika 4:11

Anu yaguc bangeha bangeha homacngo ge sisicgugecdeac kpedzucnema yofi dedae, “Tsion wagec manganeuu, anu nenang kemma hemma sogaini.”

Mika 7:8

Ngabafocna ngeni sogaima tenicfagoc mi anenggec! Ni makpema kundunnu kecduae nga Kebungo kperagina anu monggoc yacbade.

Tsefanya 3:15

Kebu ye memetingngina imoc meickeu kpac ambesande amma ngabafocngina yeneac kpae faima meicyunubesande. Kebu Isracelac ngictaunginango ngenigoc kecbesandeac mi kengecngunuu ngeni ebicfu monggoc mi embesandae.

Dzekarya 10:5

Amma yeni yenahafocngoc gareng uangina mebesandae. Ngic kuctoanginagoc amma dzikac kpema ngabafocngina gotennu tirusueyunuandae, yeni kuc ifia mekecbesandae. Kebungo yenigoc kecdeac amma yeni dzikacfu firang amma ngabafocngina becosicfu kengkeng game kpekpeu faiyunubesandae.

Malecaki 1:5

Anu Isracel ngeni kicnginango faka imoc hemma yofi degecde, “Kebu Engenatoa kuhango amabangec goau amma Isracel bangecac kpete ferahema fede.”

Malecaki 4:3

Amma ni faka mebesandua naso imohai ngeni mangana meme tidzameyunugec hanitabenginaac bageau yube isoc ambesandae.

Mataio 27:43

Ye yofi dema negen negensinga Anutuaru faiec, ‘Ni Anutuac medac.’ ifi deu Anutungo yeac ammikecdeu mesibeso.”

Yohaneac kpefing 18:20

Anutungo ngeneac turunga yeac witiu faiecac amma kurumeng nga kpetiac areng kecdae nga aposoro amma profete, ngeni yeac amma sogaibisia.”