Mika 6:8 - Deduamiti

⁸ Ngicfunac fingec fingera, nocwiacngo gombunga ande nga Kebungo geac damoc deec, imoc bic edzacguec. Imocac ge fakafora, ubamanganggoc kekecac songo negennegeng nga ruaegoc kekec amma memaemema kekec, imoc Anutugagoc kecma modacna ngereeude.

Mika 6:8 ပူးပေါင်းရင်းမြစ်များ

Fingec fingec 18:19

Anu yeac esamedacfora nga yeneac esamedacfocngina yeni neac sing modacgecdeac ye imoc edeyunuudeac meisinggeai. Yeni faka dindingac modacma yoacfu faka fora angkecgecdeu ni Awraham yeac wiac deserimiai imocac fora sasawa meficgeyemmebade.”

Fingec fingec 5:22

Ye medaha Metusela fingeru Anutugoc wegenac yombong kengkecma kifaya 300 torokpema kecmanu naroangmedacfora monggoc fingecgec.

Nehemia 9:13

Ge kurumenunac Sinai tikiu mama dedeseriyoacga, nonoyoacga nga singyoacga fora nga gombunga amma dederecgeyoac dindingac imoc edeyununec.

Mitiyegec 101:1

O Kebu, gearu yoac modac modac faka fede. Nga sing dindingac modacma yoacngina desinade, imocac yegec heigembade.

Mitiyegec 112:4

Ngicngac uba kongaha amma ikoc nga hamangecngina kpac kecandae, yeni kundung manau kecmagec kperagi fingecyemmeude. Kebu ye ubangerec ayemmema ubamangang negengyemmema dindingac kefude.

Mitiyegec 112:9

Ye songea modacma wiac mederema ngicngac makpekpea yemmeude. Yeac faka dindingac, imoc nasoya nasoya feengkefude nga ye kuhagoc anu ngic yeneng eweheihei ammima nanggebesandae.

Mitiyegec 37:26

Yeng nasosoc iwai eng yemmekecde nga nambaracfora yeni ogomefic amma ngicngac ogofocngina kenec meficgeyemmegecde.

Mitiyegec 73:28

Nga ni Anutuac wegenac kecba ngereede. Ni Kebu Isracelac Anutuac hoannu kemba yeng neac sufu sufuamana amma onggonnuma kecde. Ni geng wiac sasawa annec, imoc desahebade.

Danicel 4:37

Imocac amma Newukadnetsar neng yaguc kurumenggac Ngictau engena dengerema afehema eweheihei ammiduae. Yeng wiac sasawa ande amma mede imoc fora. Amma yeac sing sasawa imoc yoacfu faka dindingac. Anu goa yeni sebiengeng kecdaeu, ye yeni mamea anggecdeac ayemmeudeacsoc ande.

Amosi 5:24

Imocac ngeni wagec desidesiac yoacforango ine doku isoc nedzibeso nga dindingac kekecngo doku sike sikea isoc febeso.”

Mika 6:9

Negenggec, Kebungo Yerusalaimnu kpacde, memetinggac naso memea imocngo hadeac negen negengtegecgocngo kpacgaac eweheihei anude.

Tsefanya 2:3

Imocac amma Kebuac nasongo mi hamanungoc, memaemema dedeseri yoara modacma kecandae, ngeni kebuaru kpeketahebisia. Amma kpetiac kekec nga memaemema kekec imoc hafoangoc mebisia. Faka imocngo Kebuac herebuac nasou ngeneac debang gedang angemmebesande.

Dzekarya 7:9

“Kurumenggac wasaiareng habuya habuya yeneac Kebu yeng yofi dede, ‘Ngeni demengereac sing imoc gombunga modacma ubamangang angemema wosoefacgoc kecbisia.

Mataio 5:3

“Ngicngac Asuac songou home homegoc kecandae, yeni kenecnginagoc, nocac kurumenggac eucerereng imoc yeneacnoc.

Mataio 5:7

Ngicngac ogofocngina yeneac ubamangang negengandae, yeni kenecnginagoc, nocac Anutungo ifingoc yeneac ubamangang negenude.

Ruka 10:42

Amma wiac mocgusac imoc megec ngereeude. Maria ye wiac gombunga isinggema mekecde, imoc mongngo yearunac naric mi meickeude.”

Ruka 11:42

Farisaio, ngeni romboc nga gime amma mondzangngina sasawa imocac kpete mema 10 imohacnac mocgu hendzicma Anutu miandae. Nga faka dindingac nga heregoc Anutuac songo negembesonga, imoc ine ihoc bahoc amma waandae, imocac ngeni sowecnginagoc. Ngeni faka gombunga imoc modacbisia amma tosea mi wabisia.

Ruka 12:14

Ifi deu Yesungo yofi meremmiec, “Ngic, ngereac iwai mederema gareng ambadeac mongngo mi fainuec.”

Ruka 6:36

Mangnginango ngicngac wosoefac ayemmekecde, ngeneng ifi isocngoc wosoefac ayemmebisia.”

Roma 7:16

Amma faka goa songona mi angande, imoc mekecduaeu imocngo yofi deseride, dedeseriyoac imoc gombunga.

Roma 9:20

Bangecngic ge negenna, ge ngicsac, ifi dema Anutuac yoac turunga mi merembesena. Marikibi minginango wiac mong meu wiac maringo memea, imocngo mingina naric mi kpesimiude, “Ge nocac ni ifia menunec?” (Yes 29:16; 45:9)

1 Korinti 7:16

Ngac, geng ewega kopocsicfunac mesina komoc kpeude me kpac, imoc naric mi negennec. Nga ngic, ge enengga kopocsicfunac mesina komoc kpeude me kpac, ge imoc naric mi negennec.

Efeso 4:32

Ngeni ruae nga wosoefac amma ubamangang angemema kecbisia. Anutungo Kristoaru kopocsicngina waec, ifi isoc ngeni ifingoc ngenaocngoc kopocsicngina waemebisia.

Kolosai 3:12

Anutungo heresongogoc hoangngunuma meisingngunuu yeac kpataning areng kecdaeac ngeni ubaherenginango ngicngac yeneac ubamangang negemma wosoefac ayemmebisia. Amma memaemema yumea kecma ngicngac ogofocngina yeneac modzongina mi tibeso. Ngeni faka imoc sasawa wamba isoc heigec kemeu mekecbisia.

2 Tesaronike 2:16

Kebunina Yesu Kristo yengenaoc nga Anutu Mannina yeri yoac nga uangina imoc sasawaac manau negen negengngina midima herengina meseribesera. Yerennoc heresongogoc hoannunuma wosoefacngiraac amma ubaherenina nasosoc meserinemmekecdape. Yeri ifi anec nenang kecma wiac gombunga mebesandimbe, ifi negensikecdimbe.

Yakobo 2:20

Nga geng ine negen negensinggagoc kecma angammemega kpac kecnec, imoc fora mong mi meficgeude, kpac. Ge ngic negen negengga kpac isoc, imocac siriha negenghomebesena.

1 Petoro 3:8

Kpeturanggema deba, ngeni sasawa negen negengngina mocgu febeso. Ngeni wosoefac angemema heresongogoc hoangemema ubamangang negengemema memaemema kecbisia.