Mika 5:7 - Deduamiti

⁷ Anu Yacakowareng tosea yeni ngiha ngiha yeneac botucfu Kebuarunac dzimbong nga kpindzingngo dzimbengagoc feande ifi isoc amma yeni mong me monggac tomai mi anggecde nga ngic monggaru mi heirigecde.

Mika 5:7 ပူးပေါင်းရင်းမြစ်များ

Mitiyegec 110:3

Ngicfocga yeni dzikac nasou gegoc kenggecdeac songo negemma hama edegugec geng hesicyununa tiki kpetiacfu enggecde. Sacgbori habunginagoc yeni ubaefac amma wamba kpetiac heima asoacac dzimbong heima feande, ifi isoc amma gearu habesandae.

Mitiyegec 133:3

Imoc Hermontikiac songoroc, ifi isoc. Kebungo Tsiontikiu keneha nga kekeha wisic wisickea kpac kpakenemmeude, imocngo imohai mama kecde.

Mitiyegec 72:6

Neni semeng uanina mengereni kiango imohai heiande, ye semeng ua ifia isoc amma kiango bangecfu heiu dokuyagoc angkecde, ye bangec ifia isoc ambeso.

Danicel 11:32

Anu dzadzahac yoara kpegec yeng ikoc amma yoac songea songea edeyunuma dzadzahac imoc wagecdeac sinnu hodzingyunuude. Anu ngicngac Anutungina negemmidaemoc yeni serima nanggecde amma yeneac kucngina mi kpac anude.

Yoele 2:32

Nga damoc yeneng Kebuac kpac kpacgecde, yeni komockpegecde. Imocac Kebungo yofi deec; ngicngac goa Tsion tikiu nga Yerusalaimnu kecdae, yenearu yungecyungec fingerude nga ebic imocngo ine mi memayunuude. Kebungo ngicngac meisingyunuec, yenennoc komockpegecde.

Amosi 5:15

Nga faka mangana ngadehema faka gombungaac songo negengyombonggebisia amma yoacfu yoac dindingacsac debisia. Ngeni ifi ammagec gedang Kebu Anutu Kuctoa Minginango Yosefac arennunac ngic tosea kecgec, yeni ubamangang ayemmeude.

Mika 2:12

“Foracngoc, Ni Yacakowac esamedacfora sasawa mekpedzuc angemmebade; Ni Isracel ngicngac ngeni monggoc wangecyunu habade. Ni rama odau kecandae ifi isoc kpedzucngunuba, ngicngac yeneng bangecnginau sokoma udumeng gombunga meficgema ramahabu yeneng kpindzing nema kpedzucfu kecandae, ifi isoc kecgecde.

Mika 4:13

“O Yerusalaimgac ngicngac, ngeni yacma tidzameyunugec. Ammanu neng baic serigbanggbanggea nga sepatoga aieng sacsac ngemmeba imocngo bangeha bangeha nendzicyunugec kapickapic anggecde.” Amma ngeni ngabafocngina yeneng dzikacfunac wiac damoc medacgec, imoc mema Kebu midacbisia. Nga ngabafocngina yenearunac dzofinac megec imoc ifingoc Kebu midacbisia.

Mika 4:7

Anu neng ngicngacfocna hani mangang tosea damoc meicyunukenggec, yeni meseriyunuba bangecareng kucnginagoc anggecde. Nga Ni Kebu neannaoc Tsion tikiu ngictaungina amma nasoyakpac bubungyunuma kecengkecbesanduae.

Mika 5:3

Ifiac amma Isracelngo kebuac ubangadeau kecmanungoc ngacnaroang monggac medac meme naso haude. Anu dacmunacfora tosea Isracelareng yeneng yearu monggoc dzigenema tahockedacbesandae.

Mika 5:8

Anu bangeha bangeha yenearunac Yacakowareng tosea yeneng ngiha ngiha yeneac botucfu kateac wasaiyang yenearunac laiong isoc nga ramahabu yenearunac laiong medaha mong kuchagocngo mesariyunuma mereckperecge meyunumanu mongngo naric mi kasokpeude.

Mika 7:18

Mongngo Anutu ge isoc mi kecdae, ge maridzomingfocga tosea kecdae, yeneac kopocsic wayemmeannec. Amma herebu naso herea mi mekecma ubamangang ayecayemmeac negenna ngereeande.

Tsefanya 3:13

Ifi anu yeni sing mi ferahebesandae nga ikocyoac mong mi debesandae amma enacbibicnginango faitobangyoac mong mi debesandae. Yeni yaka nekecma mama fenegembesandae. Fenegemmagec mongngo kengec mi meficgeyemmebesande.

Dzekarya 14:8

Naso ihai Yerusalaim imohacnac doku sike sikeango erema tohoma nobohango wenac ere ereaubigeng dzohontoau kemebesande nga noboha wenac keme kemeaubigeng kondunnu kemebesande. Amma doku imocngo wenacnasou nga nomangnasou erema kemma febesande.

Dzekarya 9:13

Ni Yehuda tebenaac gurutu isoc tiba kemebesande nga Efrayimngo tebemedaha isoc ambesande. Ni Tsionggac medacfora demeefai ayemmeba yeni wasaibeang isoc ammagec fenggeyunuba grikngic medacfocngina yunubesandae.

Mataio 28:19

Imocac ngeni kemma ngicngacareng sasawa neac sing negemma yoac modac modacareng anggec ngeneng meyunuma yenenggareng ayemmebisia. Amma ngeneng Manggac nga Medac amma Tiri Asu yeac kpacfu doku nadzicyemmebisia.

Aposoro 11:15

Anu ni siduc gombung edeyunubare warac nenannu Tiri Asu maec, ifi isocngoc yenearu madac.

Aposoro 13:46

Ifi anggec Pauro nga Banaba yeri yoac kucgoc kengeha kpac yofi edeyunuoc, “Hanahema yudangic ngeni Anutuac yoac dekperagingemmebesonga. Yaguc ngeni ngenaoc wama kekecseriac areng mi ambeso dedaeac neni wangunuma bangec monnunac ngicngac, yenearu kennide.

Aposoro 16:9

Ihai sikema tofocnac imohai Paurongo onga mong yofi henec, Makedoniangic mongngo yearu fingecma namma desambic ammima yofi edeec, “Ge dokutoa ferecgema Makedonia bangecfu hama meficnunubesena.”

Aposoro 9:15

Ifi deu Kebungo yofi edeec, “Ge kenna. Ni ngic yenoc meisinggeba ye siducdedena bangec monnunac ngicngac nga ngictaufocngina amma Isracel medacfora yenearu kpacsiducna deyadibeso.

Roma 10:20

Yesaiango kengeha kpac imocac torokpema bangeha bangeha ngicngac, yeneac yoac yofi deec, “Ngicngac yeneng ni mi hofocnuma eng meficnugec. Nga neac dekpesia kpac kecgec, yenearu fingecyemmeai.” (Yes 65:1)

Roma 11:12

Nga Isracel yeni Anutuac yoac ferahegec, faka imocngo Anutuac wosoefactoa heficgeu bangeha bangeha yenearu kendarec. Amma Isracel yeni Anutuac sinnu makpegec, imocngo bangec monnunac ngicngac wiac gombunga homac yombong meficgeyemmeec. Kecma Isracel ngicngac sasawango negensinggegecde, naso imohai wiac engena yombong fingerude.

Roma 9:30

Ni yofi torokpema deduae, bangec monnunac ngicngac, yeneng dindingac kecgecdeac seseriua mong mi mekecma kekec dindingac eng meficgegec. Yeni negensinggegec, imocac amma Anutungo dindingac kpacyunuec.

1 Korinti 3:6

Neng komoc homecba Aporo yeng imocac witiau doku kpakeec. Nga Anutungo uaya mema imoc meyadiude.