Mika 5:4 - Deduamiti

⁴ Anu ye Kebuac kucfu namma habufora garengyunuude nga Kebu Anutuyaac kpackunengnga eweheiheiagoc didiu mekperagiyemmeude. Anu yeni kengeha kpac kecmagec kpackunengngango bangec tegiau kendacbesande.

Mika 5:4 ပူးပေါင်းရင်းမြစ်များ

Mitiyegec 145:12

Ifi anggec ngic sasawango uaga kuhagoc mekecnec, imoc negenggecde. Yeni eucererenggaac kuc kibikperagiagoc, imocac siduha negenggecde.

Mitiyegec 22:27

Bangec tegiaunac ngiha ngiha yeneng yeac negemma ubangina dzigeneu kebuaru kenggecde. Nga ngiha ngiha yeni sasawango tosofocnginagoc hama yeac kicfu ngonducnema numumigecde.

Mitiyegec 72:19

Yeac kpac kuneng imoc kuc nga kibikperagiagoc, imocac nasoya nasoya ye kenehebesonga. Yeac kuc nga kibikperagiango bangeha bangeha sokodacbeso. Imoc fora nga fora yombong.

Mitiyegec 72:8

Ngictau ye kondunga kondunga tegiau nga Eufrate dokutoa hanahema bangec tegiau wisickede, bangec imocac mingina amma imoc garenggebeso.

Mitiyegec 93:1

Kebungo ngictauac kuc, imoc ngakpi isoc heiu kemeu ngicngac garengyunuude. Ye ngictauac kuc heiu ngakpia ande. Ye kuha bic heima kebangau dzegeec. O, yeng bangectoa bangec tatahau faiu seria tacdeac wiac mongngo meu goroc goroc naric mi anude.

Mitiyegec 98:3

Ye Isracel habu yenigoc yoac dedzege amma imoc modackecde, ye imoc negenu fekecde nga ye yoara modarudeac faka mong mi nigeckpeec. Anutuninango firang anec, imoc ngicngac bangec tegiau fekendae, yeneng henggec.

Makekeng 23:21

Waraigenu ge yeac kicfu garengemema kecma yoara negentofoho ambesena nga yeac yoac mi kpebesena. Neac kpacna yeac ubaongea manau fekecdeac singyoara kpegecdeu yoackpekpengina imoc mi wangemmeude.

Mika 7:14

Ramagareng ge maridzomingfocga kateu tembucngina kecgec yeni gareng kaponggango garengyununa. Amma bangec dokuyagoc nga kerehagocfu warac kecgec isoc, Basang nga Gilecad ihai ngicngacfocga faiyununa menec amma kecbisia.

Dzekarya 13:7

Kurumenggac wasaiareng habuya habuya yeneac Kebungo yofi dede, “Wasaibeang ge yacma ramagareng neac hoannu nande, ye ngaba ammima kpena. Kpena rama yeni ticpactohoma worabesandae. Woramagec ni ramamedacfora marinango mefacyunuma ngadeyunubesandua.”

Dzekarya 9:10

Amma Efrayimgac dzikacac keretac nga Yerusalaimgac becosic imoc meicyunudacbesandua amma dzikacac tebegbobingina imoc tuema ukudacbesandua. Anu bangeha bangeha yenearu ruaetoa fingerudeac ngictaungina gboriango deseribesande. Anu yeac ngictau uayango kondung nobocnac kemma kondung noboc amma dokutoaunac kengkecma bangec wisic wisickeau kpesidacbesande.

Malecaki 1:5

Anu Isracel ngeni kicnginango faka imoc hemma yofi degecde, “Kebu Engenatoa kuhango amabangec goau amma Isracel bangecac kpete ferahema fede.”

Mataio 16:18

Neng ifingoc edeguba negenna, ge Petoro, anu hoc yomocac witiau kpebungtoana faibade. Nga imocngo serima nanu homecamaac nagungo naric mi hepatanggeude.

Mataio 2:6

‘Yuda bangecfu Beterehennac enara mong fingecma israengicngacfocna garengyunuudeac taong imoc yudaarenggac taong goa yeneac mamea kpac.’ ” (Mika 5:2)

Mataio 25:31

Kecma Ngicac Medacngo kuc nga kibikperagiagoc nga angero sasawa yenigoc hasikebesandae, naso imohai ye ngictau tataha kibikperagiagoc ihai emma tarude.

Ruka 1:32

Medac imocngo engena yombong anude. Yeng Anutu Engenatoaninaac Medac, yeac kpara ifi kpacgecde. Nga Kebu Anutungo ye kisiha Dawidi yeac ngictauac tatac miu ihai tarude.

Yohane 10:38

Nga Mannaac ua mebadeu ngeneng ine mi negensinnuma sifu faka kuhagoc mekecduae, imoc negensinggebisia. Ifi amma Mannango nearu kecde nga neng yearu kecduae, imoc negemma negentegecgecde.”

Yohane 20:17

Nga Yesungo yofi edeec, “Mannaaru mi enduangoc, imocac mi kpeserenuna. Ge kemma tosofocna yofi edeyununa, ‘Ni Manna nga ngeneac Manggac amma neac Anutuna nga ngeneac Anutu, yearunoc embade.’ ”

Efeso 1:3

Nenang Kebunina Yesu Kristo, yeac Anutu Manggac kenehebisina. Kristogoc kpeturanggema kecdimbeac amma yeng kurumenggac kenec Asuac arennu fedacde, imoc sasawa nemmeec.

1 Petoro 1:5

Ngeni negen negensinggoc kecmagec Anutu ye kuhagocngo garengngunuu naso wisic wisickeau komoc kpebesandae. Imoc fingerudeac efaima fede.

Yuda 1:1

Ni Yuda, Yesu Kristoac wanacngic nga Yakoboac munea. Anutu Manggacngo ngicngac kpacngunuma heresongogoc hoangngunuande, ngeni seria nanggecdeac Yesu Kristongo garengngunuma kecde, ngenearu kibi yomoc hade.

Yohaneac kpefing 11:15

Anu angero wisic wisickeango trampeha fifiu kurumennunac enacudumengtoa mong fingecma yofi degec, “Kebunina nga yeac danggunucngic Kristo yeri yaguc bangectoa bangec sasawaac mingina andape. Amma Kebuninango ngictau kecde nga kecengkecma kecbesande.”